البوتكس للأبــــاط !!!

[^DanaH^]

الســـلام عليكم ...


شخباركم ياحلوات ؟

ندش بالموضـــــــــــــــــوع _03BA:



انا من زمان سمعت عن ....



البوتكس للابـــاط للتحكم بالتعرق الزائد ....


في أحـــد جرب هالموضوع ؟؟

وهل له آثار جانبيه؟؟


ادري بتكشتون :0bee2e8d89: "(علشان اكسر الخاطر ​

)

 

[q8**girl]

صج ؟ لوول ينتفخ ؟ واله مادري اول مره اسمع فيها .. ان شاء الله الي اعررف اقولج

 

[حبيبته آنا]

والله وايد من رفيجاتي مسوين وايد مرتاحين عليه بس على فكره مؤقت يعني بعد كل خمس او ست شهور لازم تسوين من اول ويديد وعموما كل دكاترة الجلديه يسوونه

 

[daloO3a]

والله اول مره اسمع عنه

انشاالله البنات ماراح يقصرون بينفعونج يا حلوه

 

[foozia_87]

والله انا اول مره اسمع فيه
اتخيل شكل اباطي يصير مثل اباط الباربيات هااهههههههههههههههههها
واي ما خلوا شي

 

[^DanaH^]

مشكوريييييييييييين على اللي ردوا ويعطيكم ألف عافيه ...

حبيباتي البوتكس مويتنفخ يشل العضله فلما تاخذينه بالابط يشدها ويخلي نسبة التعرق أقل فهمتو حبيباتي ... مو تفخ هههههههههههههههههه تخيلي تحت كل ابط كوره يممممه

 

[^DanaH^]

حقن مادة البوتوكس للتخلص من التعرق الزائد يعاني بعض الأشخاص من التعرق الزائد وخاصة في منطقة الإبطين مما يجعلهم في حرج متكرر ودائم ويضطرون أحيانا إلى تغيير ملابسهم أكثر من مرة في اليوم، وربما احتاجوا أحيانا إلى وضع بعض المناديل القطنية تحت الإبطين لتلافي هذا الإحراج. ويصرف هؤلاء نقودا كثيرة على مستحضرات إزالة العرق ودون جدوى وربما يلجأون أحيانا إلى العمليات الجراحية لحل هذه المشكلة. وفي هذه الأيام بدأ هؤلاء الذين يعانون من التعرق الزائد في التخلص من هذه المشكلة وبسهولة وذلك باستعمال مادة البوتوكس حيث أثبتت دراسة تم إجراؤها مؤخرا في أوروبا أن حقن مادة البوتوكس بشكل متكرر من 4 إلى 6 أشهر في مناطق التعرق الزائد أدى إلى نتائج معقولة في التخلص من مشكلة التعرق الزائد، ويعتقد أيضا أن هذه العملية ممكن تطبيقها على الذين يشكون من التعرق الزائد في منطقة الكفين والجبهة أيضا.

--------------------------------------------------------------------------------

 

[soseta]

ابـــيييييييييييييي ابــيييييييييييي
بس بنات مايسبب هالشي اضرار ؟؟
لان الهدف من العرق اهوا اخراج السموم , يعني اذا خففنا العرق , مايأثر علينااااا ؟؟

 

[معكرونه أسبكتى يم يم]

مادرى احس يخرع خاصه ان هالمنطقه فيها وايد غدد والواحد يخاف يسوى اى شي لها

 

[soo_soo]

يماااااااااااامي من شفت صوورة وشكل الابره ولا تطقني فيها كم مررره
موو لازم كلش
يخرررع

 

[qa6wa_q8]

انا الصييف الي طاف سويتهاا وااااااااااااااااااايد عجييب ومرييح دام 6 اشهر سوييته عند دكتوره اقبال 120المصتوصف الاماني

 

[noty]

والله اهو اكييد راحه لانه لو شنو تلبسين حتى لو حرير لازق

ولا بعزيمه و حووسه


اغلب المشاهير اسوون ما تشوفين كلش ما يعرقون


بس اتوقع اتعور اكييد و اغلب العيادات اسوونه

بس عيبه انه اتردين اتسوين بين فتره و فتره

 

[^DanaH^]

انا راضيه بس افتك من هالتعرق الزايد .. قمت البس الوان غامجه علشان هالمشكله مرات تعجبني بدله مكن اتذكر مشكلتي اغير راي ... مايحس بهالمشكله الا اللي مجربها الصراااااااااااااااااحه احرااااااااااااااااااااااااااج ...

قطوه كويت ... حبيبتي مالها آثار جانبيه ؟؟؟ ولما تسوينها يمنع العرق 100% ولا يقلل ؟؟؟

 

[سـكـر زيـادة]

متابعة

 

[^DanaH^]

وينكم بناااااات ؟؟؟؟؟؟؟


نبي بالتفصيل الممل ؟؟ محد جاوب على اسألتي !!!!


قطوة وييييييييييييييييينج ؟؟؟

 

[ii DareeN ii]

اخاف من الابر بس الي تعاني من زياده التعرق تسويها لانها تعتبر حل حقها

 

[مسك الحلوة]

والله اول مره اسمع عنه

انشاالله البنات ماراح يقصرون بينفعونج يا حلوه

إن شاء الله اكتبيها بهالطريقة حبوبة
لأن معناها يختلف إن شاء الله معناها المشيئة و الإرادة
أما إنشاء الله معناها البناء و التعمير و هي تخص بني آدم
و حشاه سبحانه أن نساويه فينا نحن المخلوقين

 

[شانيل نمبر 5]

انا ودي عليها من زمان
بس انا قعده ادور الاخص؟؟؟كل ما اسألت يقالون 200 او 150 دينار؟؟؟؟
وايد غالي

 

[حنان84]

انا رفيجتي فيها هالحاله بس خافت تسويها لان قالها الدكتور ما انصحج فيها لان الابط فيه غدد سرطانيه خامله وممكن تتهيج بالابر ​

 

[بطوووطة الكويت *-*]

انا بنت خالتي سوتها وواااااايد حست بفرق وقامت تلبس كل شي بثقة وماتحاتي مشكله التعرق وسوتها عن بوحمرة كلينك وكلفتها تقريبا 140 ديناار بس كانت الابر مألمة اشوي واهية تقريبا صارلهااا اكثر من سنة والحمدالله التعرق ما رجع