البنية ما ادري عنها و يت اختها شبت في ويهي !

[LuLiTa]

سلاام ...


اليوم اكلمكم و انا منصدمة و مستغربة ... عندي وحدة من رفيجاتي صارلي سنتين ما ادري عنها لانهن كل وحدة لاهية بـ دنيتها و البنت ما عندي رقمها الحين ..و قبل جم يوم قريت في الجرايد وحدة متوفية من صوبهم بس ما ادري شنو القرابة بينهم .. قلت يمكن العوايل متشابهة ... لانه بعد ما شفت اعلان تعزية من صوب ابوهم


قبل شوي دشيت الفيس .. و انا ضايفة البنت و اختها و فهمت انه المتوفية اتصير عمتهم ..فـ كتبت تعزية حق الخوات اثنينتهم .. جان اترد علي اخت البنية انه المتوفية اتصير لنا و ليش ما عزيتي من قبل ؟ قلت لها السالفة جذي و جذي و لا جان ما قصرت معاكم ..

جان اترد اشدعوه ترا ماكو عايلة فلانية غيرنا بالديرة ...انتي ما تقرين الجريدة الفلانية و الفلانية و الفلانية ؟ و لا مو من ربعكم ؟ اختي فلانة ما قصرت معاكم و البنات الثانيين وقفو معانا بالعزا عموما قولي حق اللي مطرشتج وصلت الرسالة :eh_s(1):


يعني شبت في ويهي و انا مو فاهمة السالفة :eh_s(10): و عقبها مسحتني من قائمة الاصدقاء !!



و رفيجتي ايام اول كنا سمن على عسل ... و لما اتوفى الوالد لا اهي و لا خواتها يو يعزوني و طرق مسج وحيد من نفس الاخت هذي .. و هم قبل رمضان صارت عندنا حالتين وفاة و لا يو يعزونا خير شر ...بس انا ما شرهت على احد ..



شرايكم بـ اللي صار ؟ ​

 

[mf6nt el3lat]

اللي صار قلة حيا منها .. يعني هي ما عذرتج ولا شي خلاص حياتي ما تشوف شر وانتي فعلاً ماكنتي تدرين يعني شتسوين ترجعين الزمن لورا يعني ؟

واعتقــد كلامج مو معاها مع رفيجتج قوليلها السالفه كيت و كيت وان شاء الله تفهمج ..

 

[عاشقة هواك]

والله في ناس وربي فيهم مرض نفسي الحمد الله والشكر لا اسلوب ولا هم يحزنون كل الي اقدر اقوله الله يعينها على نفسها

ولا تضايقين روحج اهيا ما تستحي انتي سويتي الي عليج بس شذنبج اذا اهيا قليلة الادب وما تعرف تتحجى

 

[cute lulu]

هذا اشفيها الحمدالله والشكر

وعطيها skip لانها ماتستاهلج ولاتضيقين خلقج على هالاشكال

 

[زينب العقيلة]

ماعليه انتي سويتي الواجب

 

[LuLiTa]

اي انا دزيت مسج حق البنية و قلت لها انه ترا اختج قالت جذي و جذي ... و ترا انا لما اعزيكم ابي الاجر و انتي يـ فلانة عارفة اني متربية و اعرف الاصول و ما اقصر مع احد بالواجب ..و كل واحد فينا سوى بأصله و اذا احد ناقلكم حجي عني تعالو واجهوني لاني واثقة من نفسي

 

[ღسلڨاناღ]

بصراحــــــــــــــــــــــــــــــــه الله يعينا على هالرفيجات ينوا وقعدوا عندي وعندج خيـــــــــــــــــــــر اذا عندج وحده انا عندي كذا وحده وكلهم طاااف اللي تسألين عنها وفجأه تختفـــــــــــــي فص ملح وذاب واللي تتصلين فيها وفجأه ماترد عليج واللي استخفت عقب العرس والله ما اعرف شنو اقوووولج بس لاني ضايقه الجمره وعارفه احساااااااااسج

 

[LuLiTa]

توني اشوف البدليات

لانهن=لانه
الفيس= الفيس بوك

 

[نهى الأحمد]

حبيبتي

بهذي الايام توقعي الغير متوقع


وانتي تصرفتي عن حسن نية وسويتي اللي عليج من واجب

واهي بكيفها

 

[روانتي 12]

وعليكم سلام ورحمة الله وبركاته

حبيبتي هالايام هذي محد يستاهل ان نفكر فيه او نحاتيه .. اهتمي بنفسج ولا عليج من اي احد

انتي سويتي الي عليج هم كيفهم .. اصلن قلة حياء منهم ماعليه عطيهم طاف ولا تهتمين فيهم ,,

 

[LuLiTa]

يسلمووو عـ الردود ...

 

[pinkoosha]

ويييييييييييع هذيله نوعيه من الناس ما تفكر الا في نفسها,,, وايد مرو علي جذي ,,قطيهم بالزباله حشاج,,

 

[FeShinGoOo]

و رفيجتي ايام اول كنا سمن على عسل ... و لما اتوفى الوالد لا اهي و لا خواتها يو يعزوني و طرق مسج وحيد من نفس الاخت هذي .. و هم قبل رمضان صارت عندنا حالتين وفاة و لا يو يعزونا خير شر ...بس انا ما شرهت على احد ..





^^^^

جان قلتيلها هالحجي

وبعدين محد يشره ويعاتب ويغلط عشان الناس ماعزوه هاذا واجب الي بيسويه حياه الله والي عنده عذر هم حياه الله

وانا الصراحه وحده اوجب الي يوجبوني يعني جم عزا صارلي الي ماعزوني ما افكر اعزيهم الصراحه وانتي تقولين ماعزوج فمنتي مجبوره تعزين وزين منج دزيتي المسج بعد

 

[قطوووة]

عامل الناس باخلاقك لا باخلاقهم

وهذي قليلة ادب بدل ماتقول جزاج الله خير تقولج جذي@@

 

[LuLiTa]

و رفيجتي ايام اول كنا سمن على عسل ... و لما اتوفى الوالد لا اهي و لا خواتها يو يعزوني و طرق مسج وحيد من نفس الاخت هذي .. و هم قبل رمضان صارت عندنا حالتين وفاة و لا يو يعزونا خير شر ...بس انا ما شرهت على احد ..

^^^^

جان قلتيلها هالحجي

وبعدين محد يشره ويعاتب ويغلط عشان الناس ماعزوه هاذا واجب الي بيسويه حياه الله والي عنده عذر هم حياه الله

وانا الصراحه وحده اوجب الي يوجبوني يعني جم عزا صارلي الي ماعزوني ما افكر اعزيهم الصراحه وانتي تقولين ماعزوج فمنتي مجبوره تعزين وزين منج دزيتي المسج بعد

اي افا عليج دزيت رد حق البنية و قلتلها هـ الحجي و الاولي و التالي ... و توه جيكت لقيتها ماسحة ردي من الـ wall مالها عشان ما يكون مكشوف للكل من فشيلتها !



يعني تخيلي يعزوني بـ أبوي بـ مسج تلفون و اهمه بـ الديرة و يدلون بيتي ..و يشرهون علي ما حضرتي عزا عمتنا اللي اساسا ما دريت عن وفاتها ؟

 

[حجيه هيونه]

خلاص عطيها طاف ولا تشغلين بالج فيهم هذي مو كفو

 

[Tulips]

حبيبتي والله وليش مضايقه عمرج

عطيها اكبر طاف عندج ترا هالاشكال تجذب الجذبه واتصدقها مريضه الحمدلله والشكر

وحمدي ربج الله كشفهم لج

 

[Vdieta]

عطيهآ طآف هآذ ي لو فيهآ ذرهـ نخوهـ

جآن سامحتج لأنج مآ تدرين

لا تفكرين فيهـآ خليهآ

 

[*الغاليه*]

من صجهااا شهالرفاايج

هذا وانتي تعزينها وقايمه باالواجب

الله يعينج عليهم


​

 

[.Nihal.]

هذي وحدة ماا تستحي ما عليج منهاا والظاهر فيها مرض لان ألفت سالفة من مخهاا بدال ما تقولج مشكورة ومن هالحجي :\