البنت بنت أبوها و الولد ولد أمه.

[noof>>]

​

السلام عليكم ورحمة الله وبركاتة


مساء الخير و المسرات ..


بدوون مقدمات ندخل في الموضوع
اللي نعرفه انه الأب و الأم يحبوون عيالهم كلهم نفس الشي و لكننننن في بعض الأحيان


يكون هناك فرد من أفراد العائلة لة نصيبة من الحب والتقدير


وهناك جملة دائما تقال وتردد ( البنت بنت أبوها ) * لأنها تشاركه اهتماماته و هواياته و افكاره
( والولد ولد أمة ) لي حب ياخذ فلووووس لوووول لا اتغشمر


هل فعلا تلاحظون بأن حب الأب لأبنتة يفوق حبة لولدة ( والعكس ) ؟ أم انه اعتقاد خاطئ!!!



وهل فعلا دائما الولد دلوع أمه !!!!!!




في انتظار رأيكم..

 

[ba6re8a]

laa 7beeebti ana wayed ma3a omi m0o shar6

 

[friends]

بلى صح بس مو قاعده ويا الكل تمشي
بس غالبا تصير هالشغله انا دلوعة ابوي
واقربلي ابوي من امي
يعني اذا متضايقه ابوي يعرفني من عيوني حتى
لو اقول ما فيني شي !! امي لا اقولها ما فيني
شي وخلاص ما تعرفلي كثره
واخوي عكسي اقرب من امي يعني
الله يخليهم لي ويخليلكم امهاتكم وابهاتكم << حلوه ابهاتكم
ويعطيج العافيه

 

[احلى توتا]

شوفي سبحان الله
البنت تحب أبوها وتحن على أبوها أكثر من الولد
والولد اهو وامه ومن ثم الطوفان

بس من حياتنا اختي اول شيي جابت ولد طبعا هي روحه فيه لكن زوج اختي يقولها الولد لازم ما يتدلع لازم يصير رجال
بس لما جابت بنت يقول حقق اختي ما ودي افارقها ودي اخذها معي الدوام حتى اختي تقول هذي شريكتي
ومره كان مسافر جاب حق اختي خاتم ذهب وجاب حق بنتها 3 اسوار ذهب

بس الله يجعلهم ويجعلنا بارين في والدين وان شالله ما يتوفنا الله او يتوفاهم بعد عمر طويل الا وهم راضيين عنا
وسوري على الاطاله

 

[noof>>]

يسلمووووووووووووو علي المرور الرائع

 

[تآعِبنْ قَلْبِيْ]

وآلله مآدري مو شرط

أنآ أمي متعلقه فيني حيييييل من بد خوآني وخوآتي تقول ان أنا غير عنهم :eh_s(22):

وأنا متعلقه فيهآ أكثر من أبوي ..

وفي من خوأآتي أبوي مدلعهم حيييل ومتعلقين فيه ..

 

[(*(*بنت شيوخ*)*)]

الا بلىىى معروف جذيه حتىى بحياتنا نجوف جذيه

 

[sweet cake]

ما نقدر نقول يحبون واحد اكثر من الثاني بس الصج البنت بنت ابوها..
الابو عادة تلقينه جنون أكثر عالبنات .. والبنات من صغرهم يعرفون يجذبون ابوهم لهم..
يعني كلكم لاحظو البنت ام اشهر شلون تكركر لابوها لا شافته وشلون تتدلع عليه.. انا اقول هالشي فطري بالبنات

اما الام عادة نصيرة الولد وتميزه.. مادري ليش..
ابوي مع الكل حبيب ونفس الشي بس احنا البنات يكون حنون اكثر معانا >> عاد ابوي ابو البنات شكثرنا ما شاء الله

 

[happy&single]

سبحان هذي فطرة من الله عز وجل
الام تميل لولدها والاب يميل لبناته اكثر
ولا يعني ذلك انه يحبهم اكثر بل يميل اليهم ويحن عليهم اكثر

والله سبحانه حط هالميزة عشان يتعلقون الابناء بامهم ويحن قلبهم ويرق
لان الرجل قاسي شوي فيزرع رب العالمين حب امه بقلبه عشان يكبر حنون وطيوب لزوجته وبناته وامه بعد وابوه
ونفس الشي البنت بالفطرة تميل للجنس الاخر فلازم تلقى الحب والحنية من ابوها ومثال الرجل الذي يحميها ويقدرها

بالنسبة لي ابوي نور عيني وقلبي وروحي ،، وامي دنيتي وجنتي ان شاءالله
الله يخليهم ولا يحرمني منهم ،، وخلي لكم اهلكم يارب

 

[cherry kisses]

صح عدل كلامج الاغلب جذي
بس انا امي وابوي نفس الشي عندي مع اني دلوعة ابوي وبيني وبينج ابوي يمكن اميل له اكثر بشوي >>> لا تسمع امي
بس لانه انا وحيده امي وابوي ماعندي خوات
وبعدين دايما الريايييل مايحبون يدلعون الصبي لانه ريال مو مال دلع على قولتهم فطلع الدلع كله للبنت من ناحيه الابو علشان جذي
بس لاام لا عادي مع الاثنين لوووول و يمكن تميل للصبي لانه تشوف ابوه يدلع البنت اكثر
موسالفت تفرقه او شي بس الريايل جذي يحطون ببالهم انه الصبي مو مال دلع
ثانكس على الموضوع

 

[أتعبني شمووخي]

وربي صح كلامتس البنت بنت ابوها لان الابو ما يرضى على البنت والعكس صحيح ...

أما الولد حبيب أمهـ والصراحهـ مدري ليهـ ؟؟ ... !!!

يسلمو على طرحتس للماضوع

 

[انثى بس احلى]

وانتي الصاجه انا احب الصبيان الصغار اكثر بس مو معناته اني ما احب البنات لا بس افضل الصبي

 

[$$ صعبة الوصوف $$]

شوفي كلامج صح وخطأ

صح بأنه الابو يكون مع البنت اكثر والبنت تميل لابوها اكثر

وهمن مع الام تحبه وتميل للولد واهو بعد .

بس مايمنع انه البنت تكون مع امها خصوصا في شغلات واجد ماتقدر تقولها لابوها يعني في اسرار كثيره بين الام وبنتها وهمن الابو والولد بينهم اسرار وفي شغلات مايقولها لامه .


ومشكورهـ على الطـرح الجميـل

 

[noof>>]

يسلمووووووووووووووووو علي المرور الرائع

^ ^

 

[اميره جورج]

ما دري بس اتوقع ان الام تحب الصبيان اكثر - على حسب الام ونفسيتها وبعض الامهات تحب البنات اكثر اعتقد هذا يعتمد على الام وتربيتها من الصغر لان بعض الامهات تحقر البنت والولد فوق والبعض يحن على البنات اكثر وبيني وبينج بعض الصبيان يكون حبوب لامه وحنون وبعض البنات تكون حنونه لامها 0000 ما ادري اشوف كل كلامي مكرر فيه بعض وبعض شكلي ابعضكم الحين000000000

 

[احترت انا فيها]

هذا اللي يصير معي وحولي على ارض الواقع ,, عاد ليش ما ادري !!! مع انه المفروض العكس !! بس سبحان الله يمكن الأم تحس ان الولد يضيف لها شي مادري شيتسمى بينما البنت تعين فقط !!..يعني تحب بنتها طبعا كفايه انها تعين وتعاون على كل شي بس ولوووو الولد مادري شيسحر الأم فيه .. يعني احس اضافته معنويه خطيره ..

والأب يرحم البنت اكثر ويدلعها لأنها من جنس يختلف عن جنسه فيشوفها اضعف وارق وأحن أما الأم (لأنهم نفس الجنس) تقول اكسر للبنت ضلع يطلع لها عشره >>سامعتها

حلو الموضووووع

 

[noof>>]

يسلمووووووووووو علي المرور

^ ^

 

[sereen]

بالنسبه لى اشوف هالشى مع الوالد الله يغفرله ويجعل مثواه الجنه , يمووووووووووووووت روحه البنات , انا شخصيا احس مشاعرهم
لى انا يمكن لان الله مارزقنا اولاد الا تالى؟؟ بس مع وجود الولد ماحسينا ان الوالد عسى الله يرحمه برحمته يميل كثر مايميل لنا
انا بالنسبه حق امى وابوى اختهم ويشكووووووووووون لى مشاكلهم , يمكن لانى الكبيرة ؟؟؟ بس مادرى حتى خواتى نفس الشعووور , بس اعتقد العيال اهم يقربووووو نفسهم او يبعدون نفسهم , موشرط هالشغله اصدقين

 

[دلوعة أبوهآ]

والله ع حسب الأهل وتربيتهم لعيالهم
يعني أنا الوحيده من بين خواتي اللي أبوي مدلعني أكثر شي
يمكن لاني انا اصغر وحده ولأني اتدلع عليه كثير (( فديت قلبه ربي يخليه لي ))

حتى أهلي مسميني دلوعة أبوها حتى بجوالاتهم :d

بس حتى أمي ربي يخليها لي قريبه مني
بس أحس أبوي أقرب لي ..


ربي يخليهم ويحفظهم هم الاثنين
والله انهم نور العين​

 

[noof>>]

مشكورين عليي المرور الحلو