البنات والسفر .. لا حسيب ولا رقيب

[HeR HiGHNeSs 90]

انا وخواتي وكل بنات اهلي ورفيجاتي

نسافر بروحنا بنات خصوصا الي بالمرحله الجامعيه وفوق عادي شنو يعني؟

محترمين نفسنا واهلنا واثقين فينا واحنا قد الثقه الحمدالله

 

[درر2008]

رد : البنات والسفر .. لا حسيب ولا رقيب

انتوا بنات مافي استعاب شنو الوحده تسافر بروحا حتي لو محترمه ورايحه لشغل حرام انتوا تعرفين الله ولا ماتعرفونه الله منع السفر منغير محرم انتي لو صار شئ لج منو عندج وانتي عوره شلون تنكشفين علي غرب في ردود ماعجبتني حسيت انهم ضايعين بالدنيا وهامتهم وناستهم مومهم عندهم الشرع اعوذبالله الله يكفينا شر الدنيا

 

[Om_Ksha]

صار موضه هالشي بنات بروحهم .. لا وسالفه البطاقه المدنيه سهلت الوضع اكثر

مع انه حرام وهالشي خالصين منه بس بعد !!

 

[عناقيد الجنه]

الحين بعض البنات بالديرة إهني وصياعه وهياته فمابالج لو سافروا بروحهم بعد

كملت

الله يستر عليهم وعلى جميع المسلمات

 

[مشتاقه لك يبا]

رد : البنات والسفر .. لا حسيب ولا رقيب

اي والله صاجه اختي بس لا حياة لمن تنادي

 

[عناقيد الجنه]

رد: رد : البنات والسفر .. لا حسيب ولا رقيب

الله يهديهم السفر بدون محرم مايجوز والدليل مايجوز الوحده تحج الا بمحرم وهو مكان عباده بس فيه اختلاط بالرجال حكم السفر نفسه

المراه مرغوبه عند الرجال لو سافرت بدون محرم تتعرض للمضايقات والاسلام رحمها وعزها وحماها من الماكرين والغادرين والرجل حمايه لها وامان رجاء من العضوات الا الدين مافيه استهزاء او وحده تتفلسف وتقول انا واثقه من نفسي او انا محترمه نفسي هذا مو كلامي كلام الرسول صلى الله عليه وسلم مايجوز السفر بدون محرم

ويااااااااااج

 

[فاقده ابوهاااا]

رد : البنات والسفر .. لا حسيب ولا رقيب

انا معاج 100% انا بكل سفرة لازم اشوف الهوايل والمصخره من البنات وانعدي انقول ربي الهادي بس من جم يوم رحت على دبي فلاي من كثر المصخره والله ما استحملت وعادي صرت اقط حجي عليهم يعني كل الطياره يمكن انا وريلي وجم وحده متزوجه والباجي كلهم بنات صغار ولا المصيبه على طقة 14 سنه وفوق يروحون الصبح ويردون بالليل وما معاهم الا جنطتهم يعني بعرف يروحون بنات بهالسن حق دبي شيسوون ولا تقولون نحسن الظن اوكي رايحين حق التسوق بس اشلون يسافرون بهالسن ومن غير محرم ووين اهاليهم واشقاعد يصير بالديره ليش وصلنا لي هالمرحله والله يوم وصلت الامارات مطار دبي حتى البنات الاماراتيات الي قاعدين عند الجوازات والله انهم بس يضحكون على بناتنا والي تقط حجي عووود بس بالاماراتي يعني مسبات وانا اعرف لهجتهم كون اهل ابوي عايشين اهناك فاعرف شنو قطاتهم والله يستر عليهم بهالزمن قمنا انشوف العجايب

 

[فاقده ابوهاااا]

رد : البنات والسفر .. لا حسيب ولا رقيب

انتوا بنات مافي استعاب شنو الوحده تسافر بروحا حتي لو محترمه ورايحه لشغل حرام انتوا تعرفين الله ولا ماتعرفونه الله منع السفر منغير محرم انتي لو صار شئ لج منو عندج وانتي عوره شلون تنكشفين علي غرب في ردود ماعجبتني حسيت انهم ضايعين بالدنيا وهامتهم وناستهم مومهم عندهم الشرع اعوذبالله الله يكفينا شر الدنيا

حاسه فيج بس للاسف منو الي يفهم وتدرين ان سبب الخراب والانحراف والبلاوي الي قاعده تصير بالديره كلها من قلة معرفتهم بدينهم واحكامه والحلال والحرام والشرهه مو على البنت على الي اسمه ريال بالبيت وين الابو وين الاخو وين الريل وين ولد الجيران وراح تستغربون وتقولون شكوو ولد الجيران قبل والله اذا ريال دش فريجنا بسيارته جم مره واخذ لفه بالفريج اخواني وربعهم يوقفونه ويزفونه اشعندك تفتر بفريجنا وين هالغاريه ماكوووو لا اب ولا اخ ولا ريل استغفر الله ياربي

 

[اللهم الجنة]

المرتاحة حبيبتي هدي اعصابج اهيا تكلمت عن الفئه الضالة فقط ماعممت

رغم انه احنا ضد هالمبدأ سفر المره بروحها

اهيا تحجت عن مناظر سلبيه واطرحتها

ماقالت وحده متسترة ومحترمة قالت بنات مع شباب

ومن حقها تبلغ جود احد من اهل البنات ينتبه لان كلكم راع وكلكم مسؤول عن رعيته

ومن قال احنا مالنا شغل باحد

لأ .....النهي عن المنكر من اساس الاسلام

وتتحاسبين اذا شفتي منكر وماغيرتيه !!!

هذا كلام الله مايبنا شي من عندنا

وبعدين من متى الكويتية اتسافر بروحها؟

اهني وبديرتنا البنت ماتقدر تطلع الساعه من ورا الساعه9!

شلون عيل بديرة مايعرفون فيها احد

واخذي شبكات النصب والاحتيال ورفيجات السوء والسكارى

حتى لو انتي رحتي ومحترمة وكل شي هم يظل المبدأ نفسه خطأ انته حالة فردية صالحة بس مو كل البنات جذي اعمارهم ماتتعدى 20 مسافرين خير ان شالله!

كلام سليم

 

[هدولى]

اصلا لازم الوحده تسافر مع محرم وهذا بالشرع موجود .

 

[بحر الرمال]

كلامج صح, و اقولج السبب ترا مو من البنات السبب من ظروفهم
يعني البنات اللي تكلمتي عنهم اكيد مو متزوجات, لو منسترين و متزوجين جان سافرو مع رياييلهم بس اذا الوحده مو متزوجه شنو تسوي؟ تحط ايدها على خدها و تنطر واحد يسفرها؟
راح تقولين تسافر مع اهلها زين اذا اهلها مايحبون السفر او كبار بالسن او مالهم خلق شنو تسوي؟
انا ضد اللي يسافرون حق الخرابيط طبعا بس مرات الظروف تحد المرأه انها تسوي هالشي بروحها
و بعدين مثل مافي بنات يسافرون حق الخرابيط ترا وايد شباب يسافرون حق الخرابيط

 

[شهرزاد الحكاية]

ليش انتي اشحارج؟ اشعليج منهم؟ اشتبين فيهم؟ لا اهم خواتج ولا بنات عمج علشان تثيرين السالفه ولا انتي عارفه ظروفهم

انا اسافر بروحي ومحترمه نفسي بس تكون عندي شغله اروح اقضيها وارجع الديره والحمد الله صاينه نفسي وعلى كثر سفراتي ما شفت احد تجرأ علي بس اللي تبي تخربط و تجذب الشباب بتسوي حركات حتى لو هي بوسط اهلها

وناس من اهلنا بناتهم يروحون الامارات عندهم شقه هناك يتسوقون اسبوع و يردون

انا مادري انتوا لي متى نظرتكم تتسنع مو كل من سافرت بروحها معناتها رايحه فيها بس العوي دايما نظرته للناس عويه

صح ما انكر ان في بعض البنات رايحين فيها بس مو مقياس يا حبيبتي ان البنت لي سافرت بروحها معناتها قاضيه وايد بنات يسافرون مع اهاليهم و اهم اللهم ياكافي

بعدين شنخاف منه الدير فيها قوانين مو سايبه و كل واحد يلزم حده لمن يشوف البنت تكانه اما اللي تبي تلعب ابتلعب حتى لو هي بوسط محارمها

والله كلامج عدل انا اسافر مع الشغل وايد واهلي احيانا ظروفهم ما تساعد ايون معاي ... اللي محترم نفسه محترمها لو باخر بلاد العالم الله العالم بالنوايا والاخلاق .. ليش سوء الظن بالناس ؟​

 

[MiSsY HottY]

اللي بيخربط يخربط سفر مو سفر شرايكم انه كان في بنات معاي بالتجاري يسافرون يوم كامل واهلهم ما يدرون من 6 الصبح ويردون 7 مغرب شرايكم قوية صح
والله تطلع من ساعه 7 الصبح تروح شاليه ما ادري وين خيران وجليعه وما ترد الا ساعه 7 شرايكم ها بس اللي يدرون الخراب يحصلونه بالساااااااااااااااااهل
وسلملم

 

[LuLiTa]

حبووبة هالبنااات اللي اتحجين عنهم لهم اهل ,,, فالشرهة عالاهل اللي ما عرفووو يربوون ,,, التربية الزينة اتبين بالبني ادم ,,, الحمدلله بديرة كلنا عارفين الاصول و السنع و الدين ,,,ف اللي عارفين الدين و مو حابين يمشوون عليه كيفهم ذنبهم على جنبهم ,, مو احنا اللي بنشيل ذنوبهم و لا احنا اللي بنحاسبهم يووم الدين ,, انتي ليش حاره روحج ؟؟؟ الواحد بروحه عنده مشاكله و وهمومه هالدوور يفكر بمشاكل الناس و يدورلهم حلوووول ؟؟؟

 

[sweet dashttya]

رد : البنات والسفر .. لا حسيب ولا رقيب

لا حول ولا قوة الا بالله

الله يهديهم ويبعدهم عن هالطريج استغفر الله

 

[خاب ظن الشوق بك]

رد : البنات والسفر .. لا حسيب ولا رقيب

شـوفي والله الوضع مو حلو البنت تسافر بروحها مع رفيجاتها
بس ترى الحين الطياره مو دليل انها سافرت بروحها
انا اقولج شلون في بنات يكونون ماخذين صيفي واهلهم مسافرين ولما يخلصون الصيفي يروحولهم
يعني بس مشوار الطياره يكونون بنات بروحهم بس هناك من المطار مع اهلهم !
بس بمعني انها سفره كامله مع رفيجاتها لا غلط حتي لو البنت حاسبت نفسها
بس محد يظمن الظروف

 

[* بنت المطر *]

انا بعد اسافر بروحي بحرين ودبي اتونس اتشرى وافصل عبي انا ورفيجتي او انا واخوي الصغير وبعلم زوجي

الخراب للي تبيه يكثره بالديره _ واللي بتخاويني بسفراتي حياها الله لوووووووول

 

[درة الاسلام]

استغفر الله ياربي


هذا موضوع وااااااااااااااااااااااااااااااااااااااااااااااااااااااااضح


حرام سفر المرأه بدون محرم

حرااااااااااااااااااااااااام


و انا ما اشكك باخلاق البنات الي يروحون بروحهم

لان الكل الحمدلله متربي

بس من ناحية الدين و الشرع حرام


و هذي سالفه واضحه مايختلف عليها اثنين




الله يهديكم