البنات الي ارقصوا بالملجه او بيرقصون بعرسهم حياكم

[لوولوو_88]

لووووووول يا حلوج حصوص .. انا عادي اكنسل بالعرس من الربكه .. اخذي راحتج حبي

 

[فدوووش]

الله يوفقكم ويبعد عنكم العين صراحه استانست بهالموضوع

رغم اني مااحب الرقص غير عن كل البنات

لاتنسون تحصنون انفسكم قبل لاتدخلون القاعه لاني اعرف وحده عز المعرفه انسحرت بيوم عرسها

 

[لوولوو_88]

حبيبتي فدوش امين اجمعين :**
انشالله بنحصن نفسنا و ربي يكافينا شر العين و الحسد و يفك عوق كل محسود و مسحور يا رب

 

[لوولوو_88]

اب
اب

 

[انيقه الملامح]

ههههههههههه ونااااسة بنات لا تطوفون هاللحظات نصيحتي لها طعم

 

[عروسة اكتوبر]

والله مو انا إلي برقص الظاهر زوجي من الفرحة ملجتنا قبل العرس بسنتين وشلون ما يرقص هههههههه

بصراحة احنا ما نرقص بالعرس ولا مره حضرت عرس العروس ترقص فما أقدر افيدج

 

[ZaiN Kw]

انا رقصت بحفلة ملجتي ههههههههههههههههههههه

 

[مـهـــابــــه]

وناسسسسسسسسسسسسه ليش احنا البدو كل شي عيب عيب عيب لي متى
ممكن تتبوني يالحضر يوم عرسي و عقب ارد لاهلي هههههههههههههههه
تتهني يارب ارقصي ارقصي ماعليج من احد الله يهنيج

 

[بنت السنآفي]

مهااابه ههههههههههههه عقدوونا الله يهديهم
غصب تصيرين مستحيه وخايفه ولاماتصيرين عروس


حتي انااتحمست ابي ارقص

بس بصير حكاايه الموسم هههههه


لوووولووو ربي يوفقج ويهنيج ويسعدج
يااارب والعرايس كلهم يارب

 

[مـهـــابــــه]

مهااابه ههههههههههههه عقدوونا الله يهديهم
غصب تصيرين مستحيه وخايفه ولاماتصيرين عروس


حتي انااتحمست ابي ارقص

بس بصير حكاايه الموسم هههههه


لوووولووو ربي يوفقج ويهنيج ويسعدج
يااارب والعرايس كلهم يارب

من صجج حتى الضحكه يحاسبونا عليها لا تضحكين يقولون خفيفه لا تبتسمين لا تتحركين لا تتلفتين لا تطالعين لا تسلمين ناقص بس يقولون موتي بمكانج هههههههههههههههههههه

 

[عروسة اكتوبر]

من صجج حتى الضحكه يحاسبونا عليها لا تضحكين يقولون خفيفه لا تبتسمين لا تتحركين لا تتلفتين لا تطالعين لا تسلمين ناقص بس يقولون موتي بمكانج هههههههههههههههههههه

لييييييييييييييش التحلطم والتذمر عادي ارقصي بس انا مو مستحيل ارقص إلا انسي مو عشان الناس عشان نفسي والله انا ونفنوفي ويني وين الرقص يبووووووووي ما اتخيل اشهد اني بجيب العيد

 

[رقيقه المشاعر]

لولوو


انا رقصت بملجتي بس ماذكر اي اغنيه

انا و بنت خالي ماخذين خوان وسوينا الملجه ببيت واحد

و غصبونا نرقص و رقصنا مع بعض

ياليت تقوليلنا الاغاني اللي اخترتيها و كل اغنيه حق شنو فيدددينا

 

[om 7amoodi]

انا عيل تعمدت اشتري نفنوف عرس عالجسم بس فيه ذيل مو طويل وايد و مو منفوش و كعب مو عالي وايد وطرحتي قصيرة عشاان ارقص

بعد كيفي عرسي و بستانس و كان طق يايبين طارق الخريف يعني ليش اقعد.. قعدت عالكوشه بس حق التصوير مع اهلي و باجي العرس كله رقص عادي مع رفيجاتي واهلي وايد ناس حبوا الحركة واستانسوا بعرسي حتى انا لما اشوف الفيديو وايد استانس لان كان كل شي عفوي و طبيعي ترا ما كانت اغنية خاصة حقي ولا شي اذكر قمت على ما يطيق الصبرا و رفيجاتي سحبوني لاني ابي اقوم بس متوهقة مادري شنو التوقيت الصح :krkrkr:

 

[لوولوو_88]

مهابه و بنت سنافي ههههههههه اموت عليكم والله

رقيقه المشاعر انا ما رقصت بملجتي معنا الكل ايني يترجاني ارقص بس صعبه علي وااايد

الحين بعرسي برقص عشان اهلي ولا انا ما ود لاني حياويه و لانه نفنوفي منفوش و الكعب عالي وايد و انا من اول مو راعيع كعوبه

بس سالفه الحيا هذا يوم بالعمر ولا رح يتكرر ف بدوس على نفسي

و سالفه نفنوفي المتفوش جربت لمن قسته الجيبون مساعدني ف حسيت راحه

و سالفه الكعب ببدله باقصر

و قررت ارقص على انا و قلبي نعترف حق راشد الماجد

و سلامتكم

 

[beealh]

عااااااااادي العروس ترقص انا كان ريلي يحن اكثر من اهلي واهله اني اقوم ارقص بس انا قلت لا ولن ولم اول شي استحي وحتا لو تحديت نفسي الكعب مشكله و النفنوف ثقيل خفت اتكرفس على ويهي خخخخخخخخخ

 

[عروسة اكتوبر]

انا مستحيييل ارقص بس مادري حسيت اغنيه ذهب ذهب حق وليد الشامي حلوه حق رقص العرايس

 

[M!SS.LOBY]

هههههه سوالفكم توونس الله يوفقكم

 

[M!SS.LOBY]

بالملجة عادي الوحدة ترقص بس بليلة الزفة
اعتقد صعبة شووي من ناحية الكعب والنفنوف الثقيل والحركة والتصرفات محسوبة عالعروس من ناحية المعازيم ينتقدون
مثل وحده من معارفنا عروس الله يذكرها بالخير قاعده تضحك حق معرسها ورفيجاتها وتسولف وتدردش عالكوشة
من ثاني يوم الناس قاعدين يذمون بالعروس قالو مو مصدقة تزوجت مشفوحه وهبله وماتستحي ولا عندها ذرة حيا او عيب
بس ارد واقول يختلفون من عائلة لعائلة على حسب