البنات اللي يشتغلون بنفط بس!!

[amooosha]

السلام عليكم

انا الصراحه قاعده اكمل دراستي وودي اقدم على النفط

فشرايكم ووين تنصحوني اقدم؟

انا كنت بقدم ببنك الخليج والوطني

بس دوام البنك تعب صراحه .. دوامين والمعاش مايسوى

الكل نصحني بل بترول يقولون المعاش زين والترقيات سريعه

لاني انا شايله من بالي العمل الحكومي والوزارات نهائيا .. ابي خاص

انتوا شرايكم من خبرتكم طبعا !!

 

[شادية]

مشاركة: البنات اللي يشتغلون بنفط بس!!

انا مااشتغل بالنفط بس يقلون كراف + معاش قوي + الدوام للعصر


تحياااااااااااااتي لج

 

[أوركيد]

مشاركة: البنات اللي يشتغلون بنفط بس!!

أختي شوفي الرابط...

http://q8yat.net/showthread.php?t=28514

ان شاالله ينفعج ..

 

[عشق]

مشاركة: البنات اللي يشتغلون بنفط بس!!

اللي اعرفه دوام النفط للساعه 3 او 4 العصر

قدمي على الوطنيه للاتصالات اعرف بنت اهناك تقول المعاش قوي وتطلع من الدوام الساعه 4 بس تعب وشغل

 

[حبنا الله عليه]

مشاركة: البنات اللي يشتغلون بنفط بس!!

اخذي الكلام اللي يجمد على الشارب

انا بوزارة النفط ونصيحه لله قبي بعمرج

الداخل لهالوزارة مفقود والخارج مولود

لاحوافز ولا تشجيع ودوام خرابيط وماكو تخصص تلقين جامعيات يفيلون ولا على ترتيب المكتبات خرابيط من قلب والحين بعد انتقالهم للمبنى الجديد واللي قدر وجاب واسطه قب للكهرباء والماء ارحم بمليون مره .

واذا قصدج kpc مؤسسة البترول الكويتية

فهم معانا بالمبنى بس فرق بينهم وبين الوزارة ليش قطاع خاص وطبعا حوافز ومعاشات راهيه ويمدحونهم حتى بشغلهم .

و من الحين اقولج اذا عندج وااااااااااااااااااااسطه شغليها وشوفي لج مكان بالنفط اذا حابته بس القطاع الخاص مو الحكومي ولا بتدبسين عدل فيهم

 

[nono78]

مشاركة: البنات اللي يشتغلون بنفط بس!!

انا ريلي بالنفط كي او سي

وده يطلع اليوم قبل باجر من التعبببببببببببببببببببببببب

صج معاش قوي بس كرااااااااااااااف

يقعد مع الصلاه الفير ويرد البيت بل 4

الله يعينه

والترقيات والكراسي نطري اذا احد تقاعد ولا مات هذا كلامهم >>>>>>>>كلام يبط الجبددددددددد

 

[amooosha]

مشاركة: البنات اللي يشتغلون بنفط بس!!

بنات ماقصرتوا


انا طبعا اقصد القطاع الخاص الحكومه لا كلش مو مفكره !!

احس الحكومه قعدت مكاتب واكل

وانا مو ناقصه


انزين في الاحمدي صج الشغل اخف !! وناس سنعه اكثر !!

انا واحده قالتلي بس الصراحه طرررررررررررريج الاحمدي!

 

[حبيبة الكويت]

مشاركة: البنات اللي يشتغلون بنفط بس!!

أنا من النفط ودوامي بالأحمدي صار لي عشر سنين أعرف بنات معاي بالدوام ساكنين قرطبة والدوحة عادي عندهم بس فعلاً دوام شركة النفط أحسن معاشهم قوي وتعتمد على الواسطة والمكان إلى تبينه موفقة مقدماً

 

[شربات]

مشاركة: البنات اللي يشتغلون بنفط بس!!

اهلين Amooosha
آنا الصراحة موظفة في Knpc شركة البترول الوطنية الكويتية ،، كان دوامي بالديرة ومرتاحة لأنه قريب من بيتنا بس ألحين صار لي سنة من إنتقلت الأحمدي ،، وصلت لدرجة إني أنام بالطريج من التعب طريج طويل والسيارات طايرة ،، ومن ناحية المعاش آنا أعطيج الضوء اللأخضر ماكو عليه،، عن الشركة اللي آنا فيها ترقيات ودرجات بالتفق وشغل وكراف من الصبح إلى قبل العصر،، الدوام من الساعة 7 الى الساعة 3 يعني لازم تطلعين مبجر وترجيعن البيت عال 4 العصر،، وعن نفسي مهما أشتغل ماكو فايدة ما يبين بعينهم ماكو حوافز وعندي كذا وحدة بنفط الكويت صج جامعيات بس هم مو مرتاحين (( صابرين علشان لقمة العيش )) آنا قاعدة أتكلم عن نفسي بس مو قاعدة أكرهج بالمكان لا حشا لله بس علشان الكل يعرف إن شغل القطاع النفطي معاش مع كراف وشغل يهد الحيل وسلامتج وتعيشين

 

[صمت الهدوء]

مشاركة: البنات اللي يشتغلون بنفط بس!!

انا بوزارة النفط وصار لي ثلاثة اشهر تقريبا جامعية ولا شهادتي بصوب وشغلي بصوب ثاني اللي يشتغل مثل اللي ما يشتغل بس المؤسسة صج شغل بس في معاش يبرد الجبد وكل شي تشتغلينا بقيمته ييبيلج واااااااسطة سنعة

 

[amooosha]

مشاركة: البنات اللي يشتغلون بنفط بس!!

تسلمون بنات .. والله كريم انشالله

يريت الباجي بعد اللي عندهم خبرة ومشتغلين يتكلمون عن تجربتهم في النفط

بس صج الظاهر كل ادارة تختلف لانه اعرف بنات مرتاحين واعرف لا !!

 

[حبنا الله عليه]

مشاركة: البنات اللي يشتغلون بنفط بس!!

amooosha اذا قطاع خاص توكلي على الله

لأن بشهادة الجميع أفضل من الوزارات كلها بما فيها النفط

وحتى مسئولينا يشهدون بهالشيء فلاتضيعين الفرصه على عمرج

وبالتوفيـــق ’’’

 

[GYUOOM]

حبيبتي أنا أشتغل بشركة نفط الكويت بالإحمدي صار لي تقريباً 13 سنة، إذا على الشغل في شغل و في كراف بس ترا مو كل الوقت و الدوام من 7 إلى 3 العصر صج تعب بس راح تتعودين عليه و المعاش ما شاء الله راهي و كل سنة في زيده على المعاش على حسب التقرير السنوية .. و اذا على الترقيات هم على حسب القسم الي تشتغلين فيه.

و على فكرة هالأيام في أعلان من شركة نفط الكويت بجريدة الوطن للتوظيف
و في بعد شركة نفط الخليج و هذه الشركة تابعة لشركة نفط الكويت حاطين أعلان توظيف بعد بنفس الجريدة.

 

[GYUOOM]

حبيبة الكويت


انت صار لج 10 سنين بشركة نفط الكويت بأي قسم
ترا حتى أنا بشركة نفط الكويت بس صار لي 13 سنة من سنة 1994