البنات اللي مقاطعين حمولتهم تعالوا لاهنتوا

[أم ريم]

انا ما قاول قطعيهم مره وحدة و لا تواصلين على طول خلي زيارتج لهم بالمناسبات بس يعني تباركين برمضان و يعيدين و إذا عزا و حفله كبيرة يعني لا تقطعين و لا تروحين كل اسبوع بعدين اذا خالتج نمامة صلتج فيها ما راح اتسكتها بتظل تتكلم فيج لي باجر فلا تحرين نفسج و تنغثين اهي بالتكلم ماراح يسكتها شي انتي بعدين بتقولين انا مو مقصره معاها ليش قالت جذيه فخلج سطحيه معاها حيل علشان لا تتضايقين من فعايلهم والناس ما يسكتها شي

 

[tmtmt]

عشان لا ضميرج يانبج على قولتج
روحيهم بالعياد برمضان صار مناسيه احد ولد تزجبينه
فقط لا غير

بس عيالج وابوهم لازم كل اسبوع يروحون

 

[الدميره تنتونه]

والله شوفي انا وديي يصير هالشي لان نفس حالتج وايد تعبوني معني توني متزوجه والحين ساكنه ويا ريلي بروحنا لين يخلص بيت الحموله الي قاعد ينبني عشان اسكن عندهم مجبووره و لازم ماغلط يعني تخيلو هذاك اليوم جنطتي ضاعت وندوره مولاقينها جان يقول يمكن نسيتيها بيت اهلي قتله دق على اختك الكبيره شوف دق جان القا الجنطه بدبه سياره ريلي اهو حاطها وناسي بليل تدق امه هواش شنو سالفه الجنطه وشنو هذي مرتك كله تنسى وصراخ انا انصدمت اوكي جنطتتي ونسيت ليش داقه تناجرنا وتخيلو على اي شي جذي حتى معامله نفسيه تعاملني بلهجه مادري شلون واكلمها تفر ويها وانا بنص سالفتي وبالعيد كانو بيروحون الشاليه قلت حق ريلي خنعيد على امي نص ساعه ونروح الشاليه درت امه قعدت تصرخ امس شايفين امها ولاتعيدون عليها تعالو الشاليه على طول والمشكله ريلي يقلب يعني زفني صح كلام امي لين فهمته لي يلا وداني حق امي والله مادري شنو الحل اقطع اظل شنوو مادري والقهر كل ماراح لهم قالوله عيوووب واشياا مادري من وين يايبينهم واهو يرد متشيش وهواااش طول الوقت من اوامر اهله شالحل تكفه اختي تقول اهم يسون جذي لان اهو اختارج على ذوقه ان كان يحبج مادري ابي حل حقي وحقج

 

[زوجة عزيز]

قاطعيهم حبيبتي بترتاحين والله احسن لج

 

[درة أهل الطولات]

الله يعين

 

[كات 511]

لا للقطاعه لا لا لا لا لا
نصيحه خليج رسميه احسن اشتري رضي الله ومن ثم رضي زوجج وعيالج ومصيرهم بتندمون بس لاتقاطعين ولا تغلطين شوفي لو لج مرت اخو واهلج ضارينها شنو تحبين انها تسوي قيسي على نفسج.

 

[كات 511]

أقصد بتصرفها معاهم شلون مايجي منها غلط بتكبر بعينج
أنت بعد بتكبرين بعينهم لو بعد حين وهم بعيون زوجج وعيالج

 

[جلكسيه اس 3]

و ليش تهتمين لكلام الناس
اذا قالو لج شي قولي جذي مرتاحه
*

 

[فخر البداوه]

عن عائشة رضي الله عنه قالت: قال رسول الله صلى الله عليه وسلم : « الرحم معلقة بالعرش تقول: من وصلني وصله الله ومن قطعني قطعه الله» رواه البخاري ومسلم وهذا لفظه.

حسبي الله ونعم الوكيل في كل وحده قاطعة لصلة الرحم تكفون يا بنات والله الدنيا ما تسوى تقاااااطعين وتكابرين فيهاا ترا كلها ايام معدودة وبتعيشن تحت الارض في في ظلمة القبر لا تغرج الدنيا وزخرفتها والله اكتب هااااا الكلمات وانا في قلبي غصة ياما حريم تكبرن فيها ومنعوا عيالهم ما يدخلون بيت حمولتهم حتى السلام تمنعه انه يسلم عليهم وأخراتهم تندمووووا. بس عقب شنو عقب ما توفت ام الزوج  نصيحة للي تقول أنا مرتاحة لأني مقاطعتهم انتي كيف تحطين راسج ع المخدة وانتي قاطعة رحمك و شلون تبين الله يوفقج ويسعدج وانتي قاطعه وتعلمين عيالج على قطع الرحم بأجر لا سمح الله اذا صار لهم شيء منو راح يوقف معاهم وانتي تعلمينهم ع القطاعة  
لا يدخل الجنة قاطع 
*

 

[G!RLooNa]

بنات مو حرام تقطع عنهم ترا و لا صله رحم اهما مو اهلها بس بالنسبه لعيالها تصير صله رحم مع اهل ابوهم لكن شرعيا اهيا مو ملزومه

 

[مسؤولة تعيين]

صح كلام جرلونا مو حرام المره تقطع اهل ريلها لان اصلا هم مايعتبرون اهلها

 

[اخت الدكتور]

انا اللي اعرفه انه زوجه الولد موشرط تزورهم بس الاهم طرشين عيالج على بيت جدانهم

 

[a7la_7b]

نصيحه لاتقطعين عشان ماتتحسفين لما يكبرون عيالج وحريمهم يقاطعوونج
الله يهدي النفوس ويسخركم لبعض

 

[Melazlaza]

حبيبتي والله كل واحد ادرى بوضعه

بس عموماً اهل زوجج عزوة عيالج
وصج ان بالدين ماهم صلة رحمج لكن اجتماعياً بتتأذين ريلج مايرتاح عيالج يروحون وناقصهم وجودج الحلو وانتي نفسج تحسين في شي غلط


من رايي روحي وخلج رسمية ومع الوقت بيقدرون انج تنازلتي
ولو ماقدروا زوجج كااااافي بيقدر ونص

وارجع اقول انتي ادرى

 

[عناقيد الجنه]

حبيبتي أنا اقول تعوذي من إبليس اللعين وزوريهم وخلج معاهم رسمية والله لو خالتي تتفل بويهي ما ارد عليها مو عشانها عشان ريلي

 

[Heart.LesS !!]

عن عائشة رضي الله عنه قالت: قال رسول الله صلى الله عليه وسلم : « الرحم معلقة بالعرش تقول: من وصلني وصله الله ومن قطعني قطعه الله» رواه البخاري ومسلم وهذا لفظه.

حسبي الله ونعم الوكيل في كل وحده قاطعة لصلة الرحم تكفون يا بنات والله الدنيا ما تسوى تقاااااطعين وتكابرين فيهاا ترا كلها ايام معدودة وبتعيشن تحت الارض في في ظلمة القبر لا تغرج الدنيا وزخرفتها والله اكتب هااااا الكلمات وانا في قلبي غصة ياما حريم تكبرن فيها ومنعوا عيالهم ما يدخلون بيت حمولتهم حتى السلام تمنعه انه يسلم عليهم وأخراتهم تندمووووا. بس عقب شنو عقب ما توفت ام الزوج  نصيحة للي تقول أنا مرتاحة لأني مقاطعتهم انتي كيف تحطين راسج ع المخدة وانتي قاطعة رحمك و شلون تبين الله يوفقج ويسعدج وانتي قاطعه وتعلمين عيالج على قطع الرحم بأجر لا سمح الله اذا صار لهم شيء منو راح يوقف معاهم وانتي تعلمينهم ع القطاعة  
لا يدخل الجنة قاطع 
*

حبيبتي انتي منو عشان اتحسبين عالاوادم ترا كل وحده ظروفها مايعلم فيها الا الله واذا الحموله اهي الي تبي القطاعه مثلا موشرط انهم يقولون بس في تصرفات توحي واتاكد شنو يعني اتعيش وتنظلم وتاكل روحها طول عمرها وكل من ذنبه على جنبه اوكي انا معاج في الي يمنعون عيالهم هذي ربي بيحاسبها بس مو اتحسبين على كل وحده قاطعه لان مثل ماقلتلج ظروف الناس وعيشتها محد يدري فيها والي انا اعرفه ان الزوجه ماتربطها صلة رحم بالحموله الا اذا كانت وحده منهم وفيهم .

 

[قلبـــهـ]

ليش لهذي الدرجة المواضيع شينه عن الحموله !
مادري احس يظلون حالهم من حال الاوادم فيهم الزين والشين ،
بس الفرق ان هالاوادم اهلج ، وهالكلام اوجهه بشكل عام مو لصاحبة الموضوع ..

وووو بالأخير نظل نحن الطرف الأساسي بالموضوع ، كيف نتصرف وشلون نفكر وكيف نحس ،
وأي شي بيطلع منا سواء كلمة ولا تصرف يظل منا نحن وهذا الأهم برايي ..

ما أقدر أغصب أحد يتصرف بشكل سليم او بالشكل اللي يناسبني ولو كنت صح ،
بس أقدر اتأقلم واتصرف بالشكل اللي اختاره انا ، يريحني ولا يضر غيري ،
والأكيد اني اختاره لانها أنا ، مو لان فلانه سوت واهمه قالو وليش شسمه :nocommint: ..



نقدر نقاطع أهلنا مثلا ولو فيهم عيوب الدنيا ؟
ولا أهل ريلج صارو أهله من صوبه وخلاص ؟
انزين وعيالج ؟

 

[الدميره تنتونه]

اقطعهم ادري ماراح اقدر اقطع لان ريلي متعلق فيهم بدرجه كبيره ومهما يغلطون بحقي يرد يشوف انا غلط دايما ينصفهم وصارلي اسبوعين قاعده احاول اصير رسميه بس مادري شلون مايبون يفهمون حياتي كل شي غصب تخيلو تعطيني اوامر جني اشتغل عندها يعني مثلا تدق حسبي حسابج بنروح باجر بيت عمات ريلج وتسكره يعني حتى لو عندي شغل ماتسال شنو عندج لا اواامر غصب بتروحين حتى بعيد ميلادي تخيلو اول عيد ميلاد يمر علي ويا ريلي توني عرووس تدق تقوله خل مرتك اتي تشتغل حق اختك وريلي يقولها عيدميلادها بطلعها تقوله يعني شنو عيدميلادها ختي تشتغل وتسده الي اهي تبيه تقول بامر وخلاص غصبا علي لازم اسوي وماقدر اقطع ادري ريلي بيتغير علي عشانهم