البنات العزوبيات تفضلوا خل نسوي تجمع للفضفضة حيااااااااااكم

[أشواق]

تعاالوا يا جماعه بقول لكم قصتي والحب

يومياات حبيبة :33_1185028183::33_1185028183:​

 

[DKNY]

اييييييييه بلييييييييييييييييز انا عايشه جو حب مع اغنية شيرينوووووه عذبتني حسدت كل اللي يحبون

ناطره اليوميااات

 

[ليالي الكويت]

هلاااااا أميرة

امممممممممممم ياربي شنو اقول عن نفسي

انا عمري 24 الا شهور << اهم شي الا شهور لوول و مدرسة لي اقل من سنة

<<راااحت ركض تسمع اغنية شيرين

دكني واشواق جبتوهاا على الجرح <<ذابحتني الرومانسيه هههههههههههه


ااالله اشواق ناطرينج قولي بسرعه لا تطولين علينا

 

[أشواق]

مره من المراات ولد خالتي كان عنده دور ثاني فقال لي درسيني بلييز انتي تخصصج انجلش مقررات / انجليزي واهو دور ثاني بهالماده ممكن تساعديني وكان اكبر مني بثلاث سنين وانا داشه اصغر بسنه واهو كان ساقط سنه فبينا سنه دراسيه وحده مع انه اكبر مني والمفروض كان خالص ثانوي بس صبياان عاادي عندهم المهم قلت له مو مشكله علاقتنا ببيت خالتي حددها حلوه وعاادي نقعد معاهم ونطلع مافيها اي مشااكل :tomato2:

رحت نمت عندهم جم يووم وكررست نفسي لتدريسه لين نجح ويااب درجاات حلوه :ggdw::ggdw:

بعدها بفتره كان بالصيف أو شي جذي


في يوم دقت علي خالتي الصغيره اهي اصغر خوالي وخالاتي .. وخالتي بالعشرينات فقالت لي ولد خالتج يعقوب معطيني رساله أعطيج اياها تبين أقراها لج الحين ولا بالزواره تاخذينها .. قلت لها شدعوه تقرينها لي بالتفلون قالت اهو مستعيل ويقول اقريها لاشواق عشان باخذ ردها قلت لا لما أشوفج باخذ الرساله .. وما همني مستعيل ولا لأ لأن ما طرى ببالي أي شي عن هالرساله وانها ممكن تغير لي حياتي :eh_s(1):​

شراايكم أكمل ؟؟

 

[el3aNoOoNa]

مس عسل حبيبتي والله من اشوي كنت اسأل عنج كنت اقول اني فاقدتج

اشواق حبيبتي كملي بس راح اقرا التكملة باجر لانة حدي قفلت وبنام


فا اشوفكم باجر انشالله

تصبحون على الف خير


وسلمو على البنات

 

[ليالي الكويت]

اييييييييييييييييييييييييييه كملي بسرعه

 

[DKNY]

ليااااااااالي انتي نفس عمررررري بالضبط ومدرسه مثلي

واغنية شيرين مووووووووت مووووووووووووووت الفلبينيه شيرينوه ذبحتناااا صراحه >>>>اذا ذابحتك الرومانسيه انا كل يوم اتهدد ابي احب هههههههههههههههههههههههههههه بس اقول لا حرررررررام ومجننه صديقاتي بهالسالفه كل يوم اقولهم ابي احب بس حرام واجيهم من يوم ثاني اقولهم خلاااااص انا بتخلى عن القيم وبحب لووووووووووووووول

 

[DKNY]

اشواق كملي بلييييييييز ترانا طايحين انا وليالي باغنية شيرين اليوم وتصلح مع كذا يوميااااااااات

ليااااالي حطي اغنية شيرين ووانتي تقرين ترى وناسه مجربتها بيوميات من قبل خخخخخخخخخخ

 

[أشواق]

المهم لما رحت الزواره يمكن بعد اسبوعين ولا خالتي نااسيه الرساله ولا سألت اساسا عنها ما همني الموضوع بس عقب قالت لي ويي لييش ما ذكرتيني اتاري داق عليها يعقوب وزافها انا ناطر على نااار الرد :eh_s(14): وانتي مو هامج ومن هالحجي .. فقلت لها خلاص بااجر بمرج نروح السووق وبتنام عندنا بالمره فيبيها معااج قالت لي أوكي

لما مريتها عطتني الرساله ورحنا السووق ولويه لما ردييت البيت بالليل جان تقول يا اشواق بطلي الرساله خلينا نقرا شنو كااتب :ggdw: (( بلاغة شف هالحرييم :dddds: )) بس انا خالتي هذي ما اخش عنها شي وكل اسراار بنات وعال خوالي عندها لأنها قريبه من سنهم ومرساال غراام للعايله

بطلت الرساله وكاانت كالآتي ​

حبيبتي أشوااق

إي نعم حبيبتي لا تستغربين انا أحبج من زماان من يوم كنتي تيين عندنا بالبيت وانا يااهل .. انا أمووت على التراب اللي تمشين عليه .. لا تستغربين اني ما صرحت لج من قبل بمشاعري بس لأني الحين قادر أفتح بيت ولأني أخاف علييج وكل عيال العايله لما يقولون يبونج ولا يبون يكلمونج كنت أزفهم وأهددهم لأنج لي آنا وبس .. يمكن انتي لاحظتي ان المكان اللي تكونين موجوده فيه لابد اكون آنا موجود . أوصل أهلي أروح تالي الليل أييب لكم شي من الجمعيه بس علشان أسمع صوتج أو أشوفج .. لو من بعييد ..

أحب ضحكتج وعفويتج أحب لما تتغشمرين معااي ومع الوالده

أشواق أكتب لج هذه الملاحظه بالأحمر علشان ممكن تغير مسار حياتي وحياتج .. تقبلين تتزوجيني ؟؟ راح نملج لمدة سنتين لين أخلص الكليه ( أكادمية سعد ) ونتزوج بعدها مبااشره تكونين خلصتي سنتين بالجامعه ودراستج مستقرره .. بانتظار ردج على نااار

 

[snow^white]

@@@@@@@@@@@@@@@@@@@
اشواق غطيتي غطيتي ويتي بهالخبر

شصار عااااااد شنو ردج؟


دكني ياعلج العافيه قولي امين الاغنيه عيشتني جووووووووووووووووووووووووووووووووووووووووووووووووووووو حدها واو شوكرا على الاهداء بروحنا على طريف احنا

 

[DKNY]

والله حركااااااااااااااااات ياااااااااااااشوووووووووووووشووووووووووووووو

كملي بلييييييييز يالله وناااااااااااااسه تهبل اليوميااااااات
بس هالكلام متى حددي بليز عشان نرسم القصه بمخنا

 

[أشواق]

شوفوا عسولات القصه هذي انا ذكرت في البدايه انها كانت بآخر سنه من الثانوي وانا الحين صار لي 3 سنين موظفه

المهم شنو توقعوون رديت ؟؟ على الرساله

 

[DKNY]

سنو وايت اييييييييه تعيش بأجوووووواء غرييييبه :ggdw:تحسين انك تحبين وانتي خرطي لاحب ولا قالها الله:tomato2:..
حطيها وشغلي بس ابجوره وحده مو ثنتيييييين لااااا وحده بسسسس :tomato2:واقري يوميات فيها حب وانطلقي باحسااااااااس الرومانسيه والحب الخربوطي المزيف:cxxxp:

 

[DKNY]

مممممم اتوقع رديتي له خبر انه مثل اخوك بس مع خالتك طبعا

 

[أشواق]

خل أعطيكم نبذه عني

انا كنت غيير كل بناات العايله انا ببيت أهل ابوي كانوا عمامي عايشين ببيت واحد بعد ما توفى يدي الله يرحمه مع يدتي واهما 4 عماام وبيتنا بالروضه ماخذين 3 بيوت مع بعض وفاتحينه على بعض البيوت كباار على 1000 متر فكاان مكفينا البيت وعايله وحده المهم عمامي عيالهم كباار ونصهم متزوجين وطالعين وابوي القعده بالعايله وانا القعده بالبيت

فدلووعة بيت يدتي وعمامي وعياالم مدلعيني _03ba:

اللي أبيه مجااب واللي أمي ما ترضى فيه اهم يرضون وما كنت متحجبه وشعري طويل

والله أتذكر يدتي تقول لي لبسي على طوول نفنوفج اذا كنت مسويه عجفه ومنزله شعري البس طول النفنوف على طول العجفه واذا كنت لامه شعري شوي فووق كنت أقصر النفنوف على طول العجفه وبالحالتين النفنوف اطول من الره لأن شعري طوييل (( كاان ))

ببيت خوالي أهل امي العكس تماما

انا وبنات خالاتي وعيالهم كلنا بأعماار متقاربه بيننا اكبر فرق 5 سنين فكلنا وااايد مع بعض ووايد من عيال خوالي خذوا من بنات خوالي وخالاتي والعكس ​

 

[snow^white]

دكني ابي احب بتزوج عن حب عفيف شريف<=-=- بالمشمش

شوشو اتوقع قبل 7 سنين
4 سنين الجامعه و3 سنين توظيف

ههههههههههههه مو؟؟

 

[snow^white]

شوااقه كملي

 

[snow^white]

تفكر تقلد شواقه<=-=- وتقول سوالف التي مضت لووووووووووووووووووووووووووول بنخورها اليوم شكلنا

 

[أشواق]

المهم قعدت مع خلتي وكلمتها اهو واايد يمدحونه وكل بيت يدتي ام أمي يثقون فيه فعمري ما لقيته مع الصبيا اللي بسنه لا كله مع خخوالي الكبار ويرافقهم وخالاتي كلهم يحبونه

واهو المسؤول عن بيتهم من بعد أبوه واخوه الكبير متزوج وطاالع عنهم

بس انا عمري ما فكرت فيه كزوج أخوي يعقوب طلعاات وقزز وعاادي واللي ابيه يسويه لحين عررفت لييش لما ارح لهم البيت ولا الزواره وندق عليه نبي روح عررس ولا جمعيه يقول لخواته اشواق معاكم ؟؟ اذا ايه خلاص كااني انا بوديكم ويقعدني جداام ولا الكرسي اللي وراه وسوالف طوول الطرريج ويهدي لي اغاني وحركاات عمري ما عرفت معناتها الا بهاللحظه ..

عرفت لييش

خالتي قالت لي قولي ايه ماراح تحصلين نفسه

واهو اللي بغااج​

اخذي اللي يبيج مو واحد انتي تبينه

فقلت خلاص بكتب له رساله ان انا بعد أبيه وموافقه

 

[DKNY]

شوووووووشووووووو ناطرين حرام عليكم الافكار تودي وتجيب فينا اناااااااا وسنو وايت خخخخخخخخ يالله كملي قبل لانتهور ونحب