البلا فيني ولا فيهم

[مانسيته]

شدعوا للحين تستحين
انا نفسج صارلي 6 شهور متزوج وانزل بدون ما احد يدق علي لان هذا واجب اني انزل لهله واسلم عليهم ..
مو معقوله بنفس البيت اشوفهم مره بالاسبوع ؟؟
حتى وانا طالعه وداشه امر اسلم جذي تدشين قلب خالتج وتحبج ..
وسالفة انهم مايدقون .. اكيد مايبون يجبرونج ويبونج على راحتج احمدي ربج في ناس اعلل اهل زوجج خوش ناس كافين خيرهك شرهم

وخلج من كلام رسميه ما رسميه خلج ونيسه وحبوبه وسوالفج حلوه بسسسس انتبهي لكلامج ؟؟
وزووجج لا تسولفين عنه ابددد شرالي .. عطاني .. خططنا .. قالي ما قالي ابدددد
واهلج لا تقولين خصوصياتهم يعني خلي سوالج ضحك وموضه ووناسه

والله يسخركم لبعض

 

[يـاسمين]

حياتي انتي تقولين انهم حليوين معاج وعمج يشتررهه عليج اذا مانزلتي
وانتي ساكنه ابيتهم يعني ماتحتاجين عزيمه عشان تنزلين لهم فديتج
نزلي لهم مرتين بالاسبوع وشوفي متي اهم يجمعون
وترى الريال يستانس اذا مرته تنزل عند اهله وتقعد معاهم

 

[بنت الكعبي]

البلا فيج حبيبتي انتي عايشه وياهم في بيت واحد مب حلوه يالسه بحجرتج ولا تطلعين بيقولون حرمت ولدنا بس ختى الشوف ما نشوفها كله بقسمها ما تنزل وبعد مب حلوه بحقج كل يالسه وما نشوفها طلعي يلسي وياهم سولفي بحدود لا تدخلين بلي ما يعنيج بس حلو تيلسين وياهم بيقولون والله والنعم ببنت فلان وليش تبينهم يدقون لج يقولون دامها ما تحب تنزل وما تخالط ليش نتدخل بحياتها خليها على راحتها نزلي بروحج ويلسي سولفي بالعكس بيحبونج وبيستنسون عليج

 

[بنوته ستايل]

انا نفس طريقتج بس مرات حمواتي يقولون تعالي مسوين حلو وقهوه وانزل لهم واذا ماقالو تعالي انا اكلمهم بالواتس واقولهم وينكم بالبيت ولالا اذا قالو اي اقول انا شوي بنزل<<لاني ما احب اطب فجأه..

انتي اذا بغيتي تنزلين كلمي حماتج الي بعمرج ولانخلين بينكم حيا زياده عن اللزوم اعتبريهم خواتج

 

[صمتي اعجوبه]

تسســـلمووون على الردود فديتككم

ان شـآء الله بحاول اغير من طبعي وابداء اتعود عليهم شوي شوي وحده من خوات زوجي هي اللي مره حبووبه واحبها اما الباقين مدري كيف مزاجيـآآت وخالتي مره طبيه الله يخليها وعمي بعد
بس يمكن عشـآآني شوي حسساسسه م احب اضايق احد