البلا فيني ولا فيهم

[صمتي اعجوبه]

مسـآآء الخير للجميع وكل عـآآم وانتو بخيير:eh_s(7):

بصرآحـــه انا عندي مشكله مدري هي مشكله ولا شيء عادي بس مسببه لي قلق:eh_s(10):

حموولتي نـآس طيبين وزينين .وانا ساكنه فوقهم عندهم ثلاث بنات من سني تقريبـآ ووحده متزوجه بس اللي استغربه منهم انهم ما يدقون علي ولا يقوولون لي يا فلانه وينج تعالي تقهوي انا احيـآنــآآ ودي اروح اتقهوى عندهم واسوولف معااهم بس اسستحي اخااف ما يبووني او اني ثقيله عليهم او موب مسستعدين او بيطلعون.دايم اجلسس بروحي با البيت بس ما انزل لهم واسمع اصواتهم تحت وضحك خااطري اروح لهم بس مقدر اقول عيب فششله

واذا جيت انزل لازم اخلي زوجي ينزل معـآآي وهو يتضـآيق يقول عادي انتي مثل بنتهم مافيها شيء .واذا نزلت لهم عمي يقول وينج ما نشووفج استحي مدري وش ارد
مع اني مستغربه من نفسي انا الكل يقولي انتي شخصيه اجتماعيه بس معاهم مدري وش فيني اسستحي ما واخذ راحتي با السوووالف مع ان لي سته شهور متزوجه

اليوم عيد وابد مو حااسه فيه جــآآلسسه بروحي وحمولتي رايحين عن اهلهم واهلي مسافرين وانا وزوجي متـهاوشيــــن وطالع:eh_s(2)::eh_s(2)::eh_s(2):

انتوو كيف تتصرفون مع الحمووله عادي تنزلون بدون مايدقون عليكم ولا شلون

 

[Combat]

يعني بوقت القهوة سوي حلو واخذيه وياج ونزلي
عندهم بس لاتطولين ساعه جذي وردي شقتج وديري بالج من حجيج جدامهم.

 

[om al ghaleen]

.., عادي حبيبتي نزلي وتقهوي معاهم
بس لا تطولين معاهم ولاتناقشيهم لوول خليج دايما مؤيده ..

لانه اذا قعدتي فوق قالوا عنج وحشيه وماتعرف الواجب
وان طولتوا عندهم قالوا لزقه وماتعرف الاصول
فعامه أهل الزوج حتى لو كانوا زينين مايعجبهم شي بمرت الاخو وتتم غريبه لو تعطيهم ماي عيونها ..
حقيقه محد ينكرها

 

[كويتية بروما]

ابعد عن الشر وغنيلله
دامهم مانادووج مايبونج فهمي
حلاتج مع الحموله رسميييييه ابرك لج بمليون مره
لهي نفسج ببيتج ومردج ان شاءالله تحملين وتعيلين ويملون عليج البيت

 

[Patcholli]

الله يعينج مادري شلون نظامهم
احنا عندنا يوم العيد شي رسمي الكل يحضر بدون عزيمه فبيت ابو زوجي ..
يعني عندنا جمعة الغدا رسميه .. ووقت الحلو والباب مفتوح ناس داشه وناس طالعه
بس مادري شنو روتين اهل زوجج

 

[sh_mashael]

هلا اختي

تقدرين تحددين يوم و تلتزمين فيه و تنزلين عندهم و تييبين الحلو و القهوه معاچ

بالبدايه لازم تستأذنين من خالتچ او عمچ

و انتي تعرفين متى يجتمعون ف خلي هاليوم اهو اليوم اللي تنزلين فيه عندهم

و بعدين راح تشوفين انه الحواجز اللي بينچ و بينهم راحت

و الله يوفقچ

 

[Gifts&Occaions]

ماعندي فكرة

 

[يؤ !!]

انا حمولتي تحت وعكسج تماااااما دايم يسالون عني ويشرهوني ليش ماانزل احب اقعد في بيتي كثير

 

[Gatwa DaloO3a]

انا ما اشوفها مشكله،، يمكن هم مقدرينك او يبون لك الخصوصيه يمكن يقولون "غايبه عذرها معاها" ..بطبيعتي انا ما اعاتب احد دايما احط الاعذار ويمكن اهل زوجك نفس نوعيتي ..

فا انتي بادري و روحي طلي عليهم ، انزلي سلمي عليهم حاولي تدخلين بجوهم بدون ماتكونين ثقيله عليهم ..الشخص اللي له حضور هو اللي الناس تفتقده وتسأل عليه

 

[دلوعة أبوهآ]

حبيبتي ماشوفهآ مشكله
يمكن شافوكِ دايماً مستحيه فمآ حبوّا يضغطو عليكِ

خليكِ معاهم اجتماعيه وحسسيهم انك بين اهلك وعاآدي
وماتحتاجي عزآيم ورسميآت

 

[انسام الكويت]

ابعد عن الشر وغنيلله
دامهم مانادووج مايبونج فهمي
حلاتج مع الحموله رسميييييه ابرك لج بمليون مره
لهي نفسج ببيتج ومردج ان شاءالله تحملين وتعيلين ويملون عليج البيت

اسمحلي ردج ما فيه فايده للاخت كانج تقلبينها على حمولتها وهي توها عروس ما شافت خيرهم من شرهم

عشان تكون رسميه معاهم ويا ليت تنتبهين لكلامها باول الموضوع أهي مدحتهم انهم زينين معاها اذا انتي تجربتك مريرة

ويا حمولتج لا تعمين هالشي على غيرج قولي كلمه طيبه افضل شي


وبالنسبه لصاحبة الموضوع

انتي ساكنه مع حمولتج فعادي مؤ شرط يدقون عليج ويقولون يا فلانه تعالي لأنهم مؤ مسوين عزيمه ولا غيره عشان يتصلون

بما انج توج عروس نزلي واستانسي اقعدي بوساعه او ساعتين هالشي يبين على حسب وناستج معاهم ولازم توجبينهم وتنزلين لهم

طبعا مو يوميا لا كل يومين او ثلاث ايام طلي عليهم وتقهوي واستانسي وياهم ..خالتج لازم توجبينها تعتبرنها مثل امج عشان الله يوفقك بحياتج .

 

[PuPa^^SWeeT]

بالنسبة لي



اقووولج نزلي مرة ساعة عندهم و شوفي الوضع وياهم


و قالج ريلج نزلي بددووني



يعني مافيها شي
اخذيلج صينية حلوو و نزلي عندهم و طلبي من شغل الحريم سوالف و فناتق



بيستانسون عليج




انا اعتقد انهم كافين خيرهم و شرهم


مايبونج بعدين اتقولين عنهم كل شوي يتشرهون مانزلتي وماسويتي



وكلمة عمج قالها وينج يعني يبونج تنزلين




بس مايبون يضغطون



نزلي ساعة باليوم



حلوة و خفييفة

 

[Melazlaza]

^^^^^

كلام بوبا عدل

 

[قطوووة]

ماقصروا البنات
ودام في بنات كبرج اكيد بتسنانسين

لاتسوين حواجز ولا شي .. هذول مهما كان اهل ريلج بالاخير

 

[رقـة الاحسـآس]

انا مستغربه منج
لا تزعلين
بس انتي ساكنه معاهم الحين ما تحتايين عزيمه عشان تنزلين

سوي مثل ما قالولج البنات وقت القهوه كوني مجهزه سويت
ونزليه معاج ويلسي وسولفي معاهم لو ساعه و ردي طلعي لقسمج
طبعا يوميا نزلي
هذي اللي ساكنه فبيت بروحها تقدر تخلي الزياره يوم فالاسبوع و خلاص
بس دامج عندهم اعتبريهم مثل اهلج
اكيد انتي عند اهلج تطلعين عندهم كل يوم صح؟
يستوي يمر يوم بدون ما تسلمين ع امج و ابوج؟
اكيد لا
فانتي كوني حريصه لو مب 24 ساعه ملازمتنهم بس بعد قومي بالواجب

حتى فالعيد المفروض انتي رايحه معاهم طبعا اذا زوجج ما عنده مانع
وتكونين عاطتنهم خبر
لازم اداخلين اهل ريلج و تشاركينهم زياراتهم العائليه و مناسباتهم
وجوفي هم متى عندهم التجمع الاسبوعي
اذا مثلا الجمعه كوني حريصه تكونين حاضره انتي وريلج وتتغدون معاهم و جذي
حتى لو تسوون اسبوع عنه اهله واسبوع عند اهلج مثلا
او يوم عند اهله و يوم عند اهلج
عاد اللي يناسبكم

 

[al-musk]

انا شايفه انج عروس ومايبون يضايقونج ومخلينج على راحتج .. ولا اكيد ماعندهم مانع تنزلين بالعكس بيستانسون .. وريلج معاه حق انتي نزلي ولانج منهم فيهم.. شوي شوي نزلي وخلج خوش بنية وريهم السنع والاخلاق الطيبة ولاتحشين باحد وخلج معتدلة بكل شي وهم بيتعودون عليج وبيحبونج .. بس هم يمكن مايبي يفرضون نفسهم عليج

 

[شادن33]

اي روحي قعدي سولفي معاهم ليش حابسه روحج

 

[Miss Eteket]

ما قصصرو البنات ..~

 

[Tom ♥ Jerry]

,


حياتي تجرأي شوي مافيها شي
اذا سمعتيهم يسولفون روحي و قعدي وياهم
شوي شوي تتعودين عليهم ..

 

[كويتية بروما]

اسمحلي ردج ما فيه فايده للاخت كانج تقلبينها على حمولتها وهي توها عروس ما شافت خيرهم من شرهم

عشان تكون رسميه معاهم ويا ليت تنتبهين لكلامها باول الموضوع أهي مدحتهم انهم زينين معاها اذا انتي تجربتك مريرة

ويا حمولتج لا تعمين هالشي على غيرج قولي كلمه طيبه افضل شي


وبالنسبه لصاحبة الموضوع

انتي ساكنه مع حمولتج فعادي مؤ شرط يدقون عليج ويقولون يا فلانه تعالي لأنهم مؤ مسوين عزيمه ولا غيره عشان يتصلون

بما انج توج عروس نزلي واستانسي اقعدي بوساعه او ساعتين هالشي يبين على حسب وناستج معاهم ولازم توجبينهم وتنزلين لهم

طبعا مو يوميا لا كل يومين او ثلاث ايام طلي عليهم وتقهوي واستانسي وياهم ..خالتج لازم توجبينها تعتبرنها مثل امج عشان الله يوفقك بحياتج .

حبيبتي فيه فايده مافيه فايده اهي تقرر
والكلام موجهه لها مو لج اهي منزله الموضوع اهي ترد ع البنات انتي شكو
انا نبهتا انهم مايبونها لو يبونها ينااااااادونها
جمعه وحلو وسوالف وضحك شايل ماطرت عليهم لو يطرشون احد من اليهال يطق الباب تعالي
ليش اقلبها ع اهل ريلها اهي مستغربه منهم وماتنزل لانها من داخل كاشه
حتى العنوان مال الموضوع البلا منهم ولا مني
وع فكره اهل ريلي احسن منهم ماكو بس حلاته الواحد يكون رسمي
وهدا رايي اقتنعت فيه بكيفها
ما اقتنعت فيه خل تطبق نصايحكم ونشوف منو الصح فينا انا ولا انتي

والله يوفق الجميع