البلاليط شلون طريقتهم ؟؟؟؟؟

[dal3 kuwaiti]

مرحبا ....

اول مشاركة لي بالمنتدي .... واتمنى انكم تردون علي ....

قبل ياتني خدامه مشتغله بقطر وسوت لي بلاليط من كثر ما عجبوني كل يوم اقولها سوي بس الخدامه ما تمت عندي تقول ما ابي اشتغل ابي اسافر ....

المهم اهي قالت لي على الطريقه بس صراحه خفت اسويها

بقولكم طريقتها ...

اهي تقول انا احط جدر فيه ماء واحط البلاليط على النار واحط معاهم سكر واذا خلص تحمسه بالقلاه وتحط معاه دهن وهيل وشويه زعفران وبس :eh_s(8):

تراه ما احب البلاليط مع البيض فيه نااااس تسوي معاهم بيض


ابي افكاركم بس بدون بيض :eh_s(6):

اختكم

دلع

 

[بنات الحفر]

والله ما اعرف اختي


بس ان شاء تحصلين احد يقولج الطريقه

 

[جارة القمر]

تفضلي طلبج

البلاليط او (الشعيرية الحلوة)

المقادير
كيسين شعيريه
ست بيضات
اربع حبات بصل
ملح ذره على البيض
سكر حسب الرغبه
زعفران ملعقة طعام
هال ملعقة طعام
نصف فنجان ماء ورد
طريقة التحظير
نغلي الماء نضع البلاليط اقصد الشعير يه بالماء
وعلى حسب نوعية الشعير يه بعضه يحتاج دقيقتين وبعضه خمس دقا يق
وبعد ذلك نقوم بتصفيته في المصفاة المشخله
ثم نضع السكر حسب الرغبة ونحركه
وملعقتين طعام زيت و أحركه حتى لا يلتصق ببعضه
أضيف عليه الهيل والزعفران وماء الورد ونحركه ونتركه في المشخله
ثم نضع القدر على نار هادئة نضع أربع ملاعق طعام زيت لقلي البصل والبيض
بعد ان نكون قد فرمنا البصل ناعما ونملحه قليلا ثم ويترك البصل على النار حتى يذبل
نكسر عليه الست بيضات نزيد الملح نخلطه مع البصل ونضع ملعقة هيل
نواصل الخلط حتى ينضج البيض مفتت مع البصل والهيل ثم نسكبه بالمشخله
ونخلطه بالشعير يه أي البلاليط تم يوضع بالحراره ويؤكل مقدما باطباق هنيئا


البلاليط او (الشعيرية الحلوة)

المقادير
كيسين شعيريه
ست بيضات
اربع حبات بصل
ملح ذره على البيض
سكر حسب الرغبه
زعفران ملعقة طعام
هال ملعقة طعام
نصف فنجان ماء ورد
طريقة التحظير
نغلي الماء نضع البلاليط اقصد الشعير يه بالماء
وعلى حسب نوعية الشعير يه بعضه يحتاج دقيقتين وبعضه خمس دقا يق
وبعد ذلك نقوم بتصفيته في المصفاة المشخله
ثم نضع السكر حسب الرغبة ونحركه
وملعقتين طعام زيت و أحركه حتى لا يلتصق ببعضه
أضيف عليه الهيل والزعفران وماء الورد ونحركه ونتركه في المشخله
ثم نضع القدر على نار هادئة نضع أربع ملاعق طعام زيت لقلي البصل والبيض
بعد ان نكون قد فرمنا البصل ناعما ونملحه قليلا ثم ويترك البصل على النار حتى يذبل
نكسر عليه الست بيضات نزيد الملح نخلطه مع البصل ونضع ملعقة هيل
نواصل الخلط حتى ينضج البيض مفتت مع البصل والهيل ثم نسكبه بالمشخله
ونخلطه بالشعير يه أي البلاليط تم يوضع بالحراره ويؤكل مقدما باطباق هنيئا


المقادير:-كيس بلاليط
5 فنجان سكر
4 كأس ماء
زيت
ربع كوب ماء ورد منقوع به هيل وزعفران
دهن خالدي
للوجه:-
بيض
ملح
فلفل اسود
قليل من منقوع ماء الورد
زيت
الطريقه :-
يحمر نصف كيس البلاليط في الزيت حتى يشقر ثم يوضع الماء الحار والسكر وباقي البلاليط ويحرك ويترك لمدة 5 دقائق تقريبا حتى ينضج ثم يصفى ويوضع مرة اخرى في القدر ويرش عليه ماء الورد والدهنه ويترك قليلا ثم يعمل البيض بان يخلط مع الملح وماء الود والفلفل ثم يسخن الزيت ويعمل على شكل الاومليت ويقدم بالعافي

وشوفي هالروابط

شلون اسويه ؟؟


البلاليط............... بالصورة

 

[dal3 kuwaiti]

بنات الحفر تسلمين ع المرور والرد

مرحبا جارة القمر يالغاليه انا ما احب البيض فـــ ما ابي بيض بالمره

 

[^SwEeTa^]

حبوبة انتي سوي البلاليط نفس الطريقة اللي حطتها جارة القمر و لا تسوين البيض!!

 

[أم وضاحي]

شوفي حبيبتي انا بعلمج طريقتنا في البلاليط طريقة أهل قطر
أول شي فوحي البلاليط في ماي و سكر بس لا تخلينه يستوي بشكل كامل عشان ما يتلصق خلية نص سوا و في جدر ثاني حمسي البصل عدل مع دهن قطري ... أوة أنتو ما عندكم دهن قطري .... المهم دهن مصنوع من الزبدة .
المهم حمسي البصل في الدهن مع هيل و زعفران و شوية ملح و بعدين حطي فوقة البلاليط عقب ما شخلتية من الماي و قلبية عدل مع البصل و الهيل و الزعفران
و هنيئا مريئا.
على فكرة عقب ما عرست كانت هذي أول طبخة أسويها حق زوجي
خخخخخخخخخخخخخخخخ:eh_s(21):

 

[dal3 kuwaiti]

تسلمين سويتا على المرور والرد الحلو


الف شكر لج ام وضاحي على المرور والرد الحلو وان شاءالله بجربها وتعجبني الطريقه

 

[احلى كويتيه]

البلاليط
اكيس شعيريه المطاحن
6 استكانات سكر
5 اكواب ماي
هيل
زعفران
ماي ورد
شويه زيت
الطريقه
الماي والسكر والهيل وماي ورد وشويه زيت على النار لدرجه الغليان
فككي الشعيريه وحطيها بالماي قلبيها بس لا تطول يمكن 3-5دقايق انتي لمسيها قبل لا تستوي بشوي شخليها عدل من الماي
حطي بالجدر شويه زيت وزعفران وحطي عليهم الشعريه وقلبيها عدل وذوقيها اممممم وادعيلي
مرات احط كم عود دارسين يطعم جربيها

 

[الغاليه نونو]

طريقتي اللي اسويها بكتبها وانشالله تعجبكم


اخذ جدر فيه شوية مااي قياسي انا مو بالمقادير بالنظر يعني احط حسب الجدر اللي عندي وعدد جياس البلاليط اللي بسويها

احط ماي وطاسة شكر وزعفران وهيل وزبده واخليه يطبخ يطبخ يطبخ وبعدين افجج البلاليط واقطه بالماي واخليه يقلب قلبتين واحط الحديده واقصر الجوله واقلبه شويه بالجدر خل يتشرب كله واخليه براحته بوربع ساعه وبسسس يصير البلاليط حلووو وطمعه حلوو بعد وموووملتصق في بعض نثري اشحلاته

واييب البيض واحطه بطاسه وعليه شوي ملح وهيل مطحون وشوي ذره فانيليا واخلطهم بالشوكه وتالي اسبهم قروص قروص بالمقلاا وحزت النجاب احط كل قرص علي صحن البلاليط وبالهنا والشفااااا يارب



ملاحظه:

خلي الماي اقل بوااايد من البلاليط يعني لازم تحسين ان البلاليط ماراح يتغطاا بالماي وكلماا طبخت الطبقه اللي تحت قلبيها بالقفشه الخشب لي فوق وخلي النااشف يكون تحت حوسي البلاليط خليه كله يطبخ بمقدار الماي الشووويه علشاان ماايتلصق وبسسسسس

 

[dal3 kuwaiti]

احلى كويتيه تسلمين يالغاليه وان شاءالله بجربها قبل رمضان .....

الغاليه نونو مشكووووره ع المرور والرد الحلو بس ما راح اسوي طريقتج عشان فيهااااا بيض ..... وانا ما احب البيض مع البلاليط