البلاك بيري اليوم ضاع بباص الكليه

[قطعة حلا2]

بنااااات الفزعه تكفون تكفون اليوم طلعت من الملحق واحد بالباص ورايحه لرئيسي وفوني كان بيدي ومامعي الا واحده بالباص ونزلت من الباص وشكل البلاك بيري طاح مني بالباص والله اول مره اركب الباص من دون ماشوف وجهه راعي الباص المشكله فوني ضاااع وفيه صور اختي توها عروس تكفون بنات البلاك بيري عليه كفر بنفسجي واهو بولد ودقيت عليه ولقيته مغلق تكفووووون اللي تلقاه تبلغني جزاكم الجنه واللي ماخذته والله مابيحهاااا. مهبب مبيوحه فيه والله ماخليت باص او بنت ماسالتها تكفون سااااعدوني وللااسف الكرتون حق البلاك مو عندي :eh_s(11)::eh_s(11): عفيه بنات هذا البن مالي ضيفوه وازعجوه قولو احرق المموري لانه مليان صور :eh_s(11): 29796a53

 

[يجازيك بحبك]

اول شيء حبيت أقولج هدي من نفسج والله أنا ضاع لي تليفون ومتروس صور

وأختي توة جديد كله صور لها ورجالها وجلكسي شوفي انتي سوي اللي عليج وتوكلي على الله

استودعيه الله وقولي دعاء الضاله بيقين وانج متوكله على الله وخلي احد ثقه يكلم مسؤول الباصات
ويحاول فيهم

ان شاء الله ماراح يصير الا كل خير

أنا رفيجتي عروس تخيلي بعرسها والله أمها ماسكه ظرف في صور العروس والله انسرق منها وهي بس بلحظه حطته على الطاوله وراح

تصير واجد شيء مكتوب
وان شاء الله تبشر ينا انج لقيته ومرة ثانية حطي قفل فيه

 

[حلآوهـ حلوهـ]

الله يعيييينج

انا بعد انصرق مره فوني يوم سويت حادث ><

وفيه صوريي بس راح خلاص =(

 

[موريا آدم]

عليكي بالدعاء اختي بكل صلاة وان شاء الله بيرجع

 

[سماء الاحساء]

هدي من نفسح يا أختاه وش بيسوي فيه أكيد ببيعه واذا باعه وضافوه بالبن اللي حطيتيه تروحي تشوفي باي محل قبل مايشترونه ناس مع ان مايندرى كيف الصرفة

 

[معي احلى]

مش في طريقة حق التلفون المسروقه .. تعملها شركة الاتصالات لو جاء يفتح التلفون ينضرب .. بكل مافيه ؟؟

 

[قطعة حلا2]

الله يجازكم خير وانا فوضت امري لله لكن والله ثم والله اني اول مره اصور ومع ذلك انسرق في لحظه والباصات سالتهم وكلماركبت بنت كلمتها بس خلاص مو طالع بيدي شي غير الدعاء وان الله يسترنا بستره واليوم اخردوام لي بالكليه لان الاسبوع الجاي فاينل كله،،،،، اشكركم بنااااات والله لايخليني منكم