سلام
اذا قصدج يا اختي اللي يم بن العميد ولا البدوي ما اذكر بالضبط, اعيال بنت خالتي فيها, وايد تمدحها و تقول قويه بالتأسيس للياهل. بس وايد يصير ضغط على الأم و الياهل من ناحية الواجبات و كثرة الامتحانات.
و بصراحه كثرة الواجبات و الامتحانات احسن للياهل علشان يتأسس صح و يكون قوي بالمدرسه. يعني حتى لو تنقلينه مدرسه ثانيه تأسيسه زين.
المدرسة نظامها بريطاني, و شفت كتبهم لما كانوا اعيالها في كي جي 1, ياخذون شغلات تشبه اللي اعيالي ياخذونها بمدرسة انجليزيه, بس تختلف طريقة العرض.
ما يعجبني فيها انه السنه الدراسيه تبدي شهر 4. يعني اعيالها اول ما بدو كي جي 1 كانت جذي, بعدها غيروا النظام صاروا نفس الوزاره يبدون السنه الدراسية اليديده شهر 9.
لما كنت بالكويت شهر 12 بنت خالتي تقولي راح يرجعون نظامهم القبلي انه السنه الدراسيه تبدي شهر 4.
يعني الحين اهي اعيالها بثانيه ابتدائي. و شهر 4 ان شاءالله يبدون بثالثه ابتدائي.
اي سؤال ثاني انا بالخدمه
