البشاااااره بكرا تنزل الاعانه باثر رجعي

[حنانو 89]

ماتيلدا ان شاء الله تنزل اهم قالوا شهر ٩ ... انتي شنو مانزلج شهر ٨ ولا بعد شهر ٦ و٧ ؟؟

 

[3oOba]

"@WatanNews: «إعادة الهيكلة» يعلن بدء التسجيل في المكافأة الاجتماعية للخريجين http://t.co/0EkGYQxaZn"

 

[مولاي الفرج]

انا ال 400 اللي نزلوها حق الطلبه مانزلوها لي وليلحين مانزل لي شي بعد

 

[om_ibrahim]

انا ال 400 اللي نزلوها حق الطلبه مانزلوها لي وليلحين مانزل لي شي بعد

راجعيهم شوفي شنو المشكله

 

[سهم ويصيب]

بنات متى راح تنزل هالاعانه ممملينا

 

[FDET NFSY]

اهاااااانه موووو اعانه

 

[حنانو 89]

اليوم قعدت ادق علي الهيكله لين اطلعت روحي كله مشغووووووول بطوا جبدي هالهيكله ... بنات في احد اخذ موعد وهل في اخبار جديده بخصوص الاعانه للي مانزلهم

 

[fa90s]

بنات انا متابعتهم عدل ... شوفو الله يسلمكم
الحين نزلت بأثر رجعي ٤٠٠ (حق اللي تخرج٦) واللي مانزلت له يقولون نهايه ٩ او بدايه ٩
الشي الثاني مكافأه شهر ٨ قالو اكثر موعد لها الاثنين يعني الاثنين اكيد انشالله بتكون نازله
الشي ثالث انه مكافأه شهر ٩ مراح تنزل الا عقب ما تاخذون لكم موعد من الهيكله انكم تتصلون على ١٠٣ وتحطون رقمكم المدني و السستم يعطيكم موعد ، و لازم تاخذون مواعيد قبل ٣٠ اكتوبر
و لازم تلتزمون بالموعد اللي معطينه لكم لأن لو كشتوا بالموعد مضطرين تنتظرون لين يحطون تسجيل ثاني (عقب٣٠ اكتوبر)
و المطلوب :
١-اصل بطاقه مدنيه و صوره عنها
٢-شهاده جنسيه و صوره عنها
٣-شهاده لمن يهمه الامر من البنك شامله رقم الحساب و الفرع
٤-اصل المؤهل الدراسي و صوره عنها
٥-شهاده من وزاره التجاره تفيد بعدم وجود رخصه تجاريه او ممارسه عمل تجاري او شريك في احد الشركات (تقدرون تطلعونها من حكومه مول جابر العلي او الجهارا او غرفه التجاره والصناعه بشرق برج التحرير الدور الثاني مجمع الوزارات)
٦-شهاده استمراريه زواج صادره من وزاره العدل(للمتزوج فقط)

حدهم معقدين السالفه :/ و يقولون راح يكون في مراجعات شهريه لان سيتم عرض وضايف بالخاص و ما اذا تم رفض وظيفه مرتين ستقطع المكافأه

 

[ghalyah91]

اوله!! من صجج؟ حتي خريجين الجامعات الخاصه؟؟


امبي وانا رافضة ٥ مرات يمكن اذا مو ٦!! يعني تنقطع مني عقب شهر ٩؟؟

 

[fa90s]

قانونهم يبدي اللي بيرفض عقب الموعد اللي يعطونكم اياه ( ونسيت اقول انه تبدون تاخذون مواعيد الاحد لان الظاهر ويك اند قافلين السستم/ و دقو وايد راح يطلع مشغول و يطلع ريال يقول انه في ضغط المهم حاولو)
يبدي قانون الرفض من اول ماتاخذون موعد ( اذا رفضتي الديوان مره تنقطع/ و اذا رفضتي الخاص عن طريق الهيكله مرتين تنقطع) القانون ساري على جامعه الكويت و االتطبيقي و الجامعات الخاصه و دورات ٩ شهور

 

[ghalyah91]

والله لو يصيرون اوادم ويوظفون على حسب الكفائه والمعدل ويبطلون واسطاتهم محد يرفظ من الاول!!

اففف منهم حسبي الله ونعم الوكيل فيهم!!

 

[ام نوره.]

بنات اللي ما سجل لازم يسجل علشان تنزل له اعانه حق شهر 9
قبل العيد الاضحى

دخلوا على هذا الموقع وسجلوا

http://www.mgrp.org.kw/uien/SVC_AppointmentRequest.aspx

حاولوا مره او مرتين راح يصير معاكم

 

[ghalyah91]

مو راضي يظبط!! لا بالموقع ولا التلفون @@

 

[ghalyah91]

بنااات!! يقولي طلبك موقوف حاليا!! شنو يعني!؟؟

 

[fa90s]

باجر اتصلي وقت دوامهم و كلمي الموظفه تحط لج موعد

 

[يستاهل قلبي]

بنات بسالكم الحين التسجيل هذا حق الكل يعني حق الخريجين اليدد والقدم؟
يريت احد يجاوبني

 

[حنانو 89]

يستاهل قلبي اي التسجيل حق الكل عشان تستمر للاشهر الجايه لازم كلنا نسجل

 

[يستاهل قلبي]

مشكوره حنان عالرد
المشكله بسجل بالموقع يطلعلي طلبك موقوف حاليا الرجاء مراجعه الهيكله.!!

 

[ghalyah91]

يستاهل قلبي يطلع لي نفس الي يطلع لج

متى متخرجة!!؟ انا تخرجت شهر ٦ سنة ٢٠١٢

 

[يستاهل قلبي]

نفسي بالضبط