البس ساعه حق عرسي ولا ما البس ؟؟؟

[منيره kkk]

جيكى على الخاص

 

[MISS JoOory]

لآزم سآعه الماس بزواجي كنت لابسه سآعه الماس


موفقه حبيبتي

 

[مس جلاميروس]

العروس ماتلبس ساعه ابدا بس انسيال الماس ،،

 

[Laidy n3ooma]

انا مو مع الساعه !! احس شكلي مو حلو

ليش الساعه بتشوفين الوقت مثلا خخخ

وعلى قولة اللي قبل هلاقه لاني صج ماشفت اميره ولا ناس كشخه يلبسون ساعه

الدبله والسواره اللي مع الشبكه الماس

بقطر لان الشبكة على الريال يقدم الشبكه وفيها طقم الالماس والسواره ومايكون فيها ساعه

 

[catwiti]

ماقصرتو حبايييبيي ومشكورين كل الي اقترحو علي اماكن اشتري منها
انا ما افضل اشتري ساعه مثل ماقالو بعض البنات انه مالها داعي والي لبست بعرسها لان كان عندها او شاريه ساعة الماس هم حلو لانه الالماس كشخه بس انا ما اقدر على الالماس

اكتفيت بالاراااء ماقصرتو

 

[FOOSHA]

شالهوالات
شنو الف وفوق
شدعوه عليكم
في ساعات اشكالها اتينن
وماتعدى 400
وماركه بعد
بس البذخ والهياط هذا الي فالحين فيه


شوفي الركن السويسري و روائع جنيف
،،

وساعات عشششقي
وادور القصات الغريبه
وربي الكل يسال عنها
مو شرط شوبارد ورولكس وكارتير !!!!

:eh_s(15)::eh_s(15):
معـآهــآ ,,

موفقه خيتــو :eh_s(17):

 

[ريتاج_90]

الله يوفقج ويسعدج ويسخركم لبعض

لازم ساعه تلبس العروس
وبنات شهالمبالغه لازم الماس
لا موشرط الماس اهم شي تكون ماركه
اهم شي انه يكون فيها شوارفسكي وتكون فيها لمعه
ٱ‏​نـِْ♡̨̐ـِْا شريت ساعه عرسي مٍـٍْ♡̨̐ـِْْنْ محل بالافنيو
اسمه ون تاايم فيها لمعه وشوارفسكي اخذت ماركه
دكني كانت حلوه حيل
حتى هالمحل اسعار الساعات فيه معقوله
ٱ‏​نـِْ♡̨̐ـِْا اخذتها بشي وستين

 

[اميره^_^بحلآها]

يقلبي انتي فكري فيها يصير عروس بدون ساعه ؟؟ ..~
طبعا مو حلوهه حلاة ابيدج ساعه حتى لو مو ماركه الحين تقليد صار نفس الاصلي ما يفرق و اذا تبين تقليد درجهه اولئ عندج المحلات الي بالمغاتير طبي و اتخيري اشكال و انواع و اسعار رخيييص ..~ و بعدين امانه عمرج شفتي عروس بدون ساعه ؟؟ انا والله اروح اسلم ع العرايس اول شي اشوفه ايدها فيها ساعه و دبله ولا لا و هاذا انا من الف مره تبي اتسلم عليج و اتشوفج و اتخز فيج عدل ..~ نصيحه نصيحه اسمعي لي و اشتري ساعه مو شرط ماركه الماركه اخذها بعد عرسج انشالله فديتج

 

[اميره^_^بحلآها]

و بعدين ترا في ماركات رخيصه مثل دكني و جوسي و اقنر هذول اغلا وحده فيهم ١٣٠ هاذي الي كلش غالي يعني

 

[بنت الكويت90]

شرايج اكيد لازم ساعه وماركه بعد الناس بيشوفون الظاهر بيقولون وين مهرها مااايدرون عن وضعج

 

[Jolyan]

ما احس الساعه ضروريه .....
عروس حلوه بساعه او من بدونها ما تأثر وااايد

 

[شموخ أنثـــى]

مو لازم حبيبتي
انا مالبست وكان طقمي فخم
وشحلوي وشزيني : )

الله يوفقج ويتمم لج بخير يارب

 

[زوجة عزيز]

لا الساعه ترا مالها لزمه !!! والعرايس مايلبسون ساعات

 

[i'm so happy]

اول مره اسمع عروس تلبس ساعة بحفلة زواجها الا قليل جدا اهم شي طقمها بارز مع التراجي والاسواره والخاتم يكفي
بعد ساعه ليش اتصير دفشة الوحده ماتخلي شي ماتعلقه عليها ماعليج حبيبتي الساعه مب مهمه

 

[خلود ه]

لاه لاه شكووو ساعه حتي باالصور بيطلع لوكج عرضه ازياااااأء موو ععروس حلات العروس يده فاضيه وباليسار سوار ناعم حده شوفي شوفي الصور شوفي الاميرات كتبي نفانيف عرايس الاميرات او نفانيف عرايس اكو ساعه بيدهم نادر حدهم خواتم سوار اوكي وببععدين انتي الععروس انتي اللي تختارين شنو يلوق بسموج وشنو مآيلوق عادي احذف وضيفي وبدعي وضيفي شي ماحد سواه
خلي الكل يقول ولا ملكه من جد فلاانه بدعت

وبععدين ياروحي الناس بتركز علي الميك اب والتسريحه اسحريهم بهالشي
وشنو ماركات وقيمه غاليه شكوو والله اشتري بقيمه سبع وعشر كريستال ولا اروع انا اختج بعدي عن الفخفخه وخالقج اكسوار عجبني ولمعته حلوه ان شااءالله بنص دينار شعلي اذ انا اعرف لوكي واعرف شنو اللي يكمل وشنو اللي يبرز

ونصيحه ساعهه بعدي بعدي مايحتاي بس اكيد اذ فيه ثآني ييوم <صبآحيه> لبسي ولعبي بنفسج لعب بلييييز اول ليله لوك ناعم وبنفس الوقت جذاب يسحر الحأظرين اشتغلي علي الثوب شوي >> جني طلعت ععن المواضع لوول
واسففه علي الاطاله حبيبت افيدج وانتي لج الراي الاول الاخير وتبعي قلبج والله يحبه ويريحه

 

[%دانة%]

مبروك مقدما
الله يوفقكم ويسعدكم

 

[PuPa^^SWeeT]

لازم ساعة


شوفي رووحي عندج محل اون تايم بس ما اعتقد بتحصلين اللي تبين بس دوري مو خسرانة شي

في ساعة جست كفالي ناعمة على شكل حية من داخل المينا تبرق على 100 تقريبا او اقل

في ساعة حق بربري ب قيمتها 750 همن حلوة شوفيها



او محل روائع جنيف


او trafalgar


اتحصلين عندهم ساعات حلوين على 150 ليين 600


دوريلج ماركة سنعة تبرق



يعني حتى ايقنر في موديل 2012 تبرق حيييييل اب 150



لازم لج ساعة ماركة و متميزة


بس دام ماعندج خلج على اللي قلتلج عنهم

 

[miss_Ba6oOo6a]

العرووس ماتلبس ساعه
اصلا ماها دخل اهي وين والوقت وين حلاتها تبرز الشبكه
ومو من الاتكيكت مافي اميرات يلبسون ولا اجانب

بس يعتمد البدوو عندهم الساعه وايد مهمه


معن العرووس ليه دخلت النظر دايما للنفنوف والوي والشبكه

 

[امـ خــزامـى]

^^^^
معاها

مو من الاتيكيت ولا الذوق تلبسين سااااعه بالمناسباااااات
وشلون زواااجك !!!!!!!!!!!!1

جد شي غريب
انا العروس اللي تلبس ساعه اضحك عليها واقول عنها ماعندها ذوق حتى لو ساعتها روليكس
ليش تلبسين ساااعه بالله عشااان بتشوفين الووقت مثلاا ليش انت بدوااام؟؟؟؟؟؟؟

تدرين عااد انا حتى بالزواجات لو بحضر ماالبس
لان من الذوق ماالبس عشان اللي عازميني

انا جايه استمتع بعزيمتهم وبعد العشاء اطلع واكون قدرتهم

لكن لو بلبس ساعه معناتها محددده وقت معين بطلع فيه يمكن ساعه او ساعتين
وهنا افضل اني اعتذر منهم احسن


اتمنى تتثقفون عن اتيكيت لبس الساعه

وصدقوني بتقتنعووون

 

[ترنيمة سكون]

انا عن نفسي مااحب الساعه على فستان الزواج

خواتي لبسو ساعه بس انا مو داش مخي البس ساعه

وماراح البس وحتى لزواجي ماشريت ساعه


يعني بغض النظر عن قيمتها واذا ماركه او لا انا ضد تلبسين ساعه


احس مو حلو يكفي خاتم واسوارة ناعمه وخلاص


الله يتمملج على خير حياتي