البردقوش

[رمشه]

مرحبا بنات ... انا متزوجة صارلي ٦ شهور وكانت الدوره منتظمه لحد اخر دوه نزلت واستمرت اكثر من شهر يعني للحين .. المهم سويت سونار وقالي الدكتور هذا اجهاض ولازم اسوي تنظيف للرحم لان مبين من السونار ان عندي لحميه في الرحم .. المهم رحت مستشفى الصباح على اساس احط موعد للتظيف .. بس دشيت عند دكتوره اعرفها هناك وقالتلي بسويلج سونار مره ثانيه تتأكد فسوتلي وقالت ان عندي تكيس واصلا ما كان في حمل من الاساس وان حيكون الحمل صعب يبيله علاج :eh_s(2): .. وبعدها بجم يوم رحت عشان تكتبلي العلاج فعطت اوراقي لدكتوره ثانيه لانها مشغوله والدكتوره الثانيه قالتلي عندج تكيس بسيط جدا ما يأثر على الحمل ومو مبين انه في لحميه وان لازم انطر لثاني يوم من الدوره الجايه عشان نسويلج سونار مره ثانيه ونتأكد من كل شي .. المهم انا مليت من حجي الدكاتره كل وحدة تقولي شي .. فدورت عالنت وشفت بنات كاتبين عن عشبة البردقوش وانها تساعد على الحمل ولها فوائد ثانيه تقدرون تسوون سيرج على النت وتعرفونها .. المهم انا اليوم بدئت اشرب البردقوش وابي كل وحدة عندها تجربه مع البردقوش تقولنا عنها يعني تكتب بشنو فادتها واذا فيها مضره لا سمح الله هم تكتبلنا

 

[عسل حدي]

ولا تاخذين شي روحي حق ام فيصل تعطيج عسل واعشلب تنزل التكيس تنضم الهرمون تنشط المبايض وعن تجربه
خلي عنج الدكاتره كل واحد فيهم بيتدرب علر افانا

 

[قنــــــــــوت]

الأعشاب افضل علاج للتكيسات

استخدمي الميرامية لعلاج التكيسات وتنشيط المبايض

 

[عسل حدي]

روحي حق حرمه تعرف مو كلام البنات احسن للج

 

[ماتغير شي]

الله يرزقج حبيبتي




مثل ماقالت عسل حدي روحي لخبيرة اعشاب

 

[أأأميرة الورد]

الله يرزقج

لازم تاخذين اعشاب تنزل الكيس او اللحميه

البردقوش لتنظيم الهرمونات فقط

 

[معي احلى]

البردقوش ينظم الهرمونات .. ياغاليه ..



وبخصوص انه يساعد على الحمل .. بالعكس لو حامل يسقط .. .. الحمل . .لان في واحده كانت تعبانه من رحمها .. فرحت اسأل صديتقي زوجها صيدلي عن اعشاب تستخدمها وذكرت لهم البردقوش . قال لزوجته اذا حامل لاتستخدمه لانه ينزل الحمل ..


وربنا يشفينا ويشفيك ويشفي كل اليم

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[رمشه]

انزين جم رقم ام فيصل و منو تعرف وحدة تعالج بالاعشاب .. ياريت تكتبلي رقمها

 

[عاشقة الككاو]

انا كان فيني تكيس مبايض وكله ياخر لي الدورة ويطلع لي شعر وايد وخاصة الذقن والخدود وجذي
وقبل الزواج كنت اخذ علاج منع حمل عشان ينظم الدورة والحمدلله ما اثر ولا شي ..

وبعد الزواج الدورة ما زالت مو منتطمة وكنت ودي احمل وفيه دكتورة الله يجزاها الخير ع هالنصيحة الذهب


قالت لي ((( التكيس له علااقه كبيررررررررررررررررررررررررررررررة في زيادة الوزن ))


كل ما زاد وزنج عن الطبيعي كل ما زادت التكيسات حول المبيض ..


مع اني ما كنت بطة بس متروسة وسبحان الله اشد حيلي وامشي واسوي برنامج غذائي صحي وانزل 4 كيلوا وبعدها حملت يارب لك الحمد .. لا تحاتين ولا تخافين كل شي له حل والتكييس هذا شي بسيط جدا ولا يذكر و وااااااااااااااااااااااااااااااااااااااااايد ناس حملو واهم فيهم تكيس ومافيه الا العافيه ..



وبالمسبة حق البرقدوش

انا قالولي يساعد ع الحمل لانه ينظم الهرمونات وسيدتنا عائشة رضي الله عنها كانت توصي فيه النساء الي فيهم عسر طمث .. وقريت اكثر من موضوع للدكتور عبدالباسط وهذا طبعا غني عن التعريف انه ينصح فيها وانها ما تضر باذن الله .. وللعلم

رحت العطار وشريتها ( جنها ملوخيه ) كنت اشرب كوب الصبح وكوب بليل + رياضتي ورجيمي وسبحانك يا اكرم الاكرمين رزقني الحمل ..

وترى كنت مكمله اشربه وانا مادري اني حامل لحد ما تاخرت الدورة ورحت حللت والحمدلله الحمل ما طاح ولا صار شي !!




قبل كل هذا عشان ترتاحين ولا تتوترين صلي الاستخارة ..



ولا تنسين بسجودج قولي كثر ما تقدرين

رب لا تذرني فردا وانت خير الوارثين واكثري استغفار وذكر .. وربي سبحانه رح يمن عليج بالحمل ورح تبشرينا عن قريب قولي آمين






اسفه حبوبة طولت عليج بس لاني حاسة بشعورج ..

 

[عسل حدي]

انزين جم رقم ام فيصل و منو تعرف وحدة تعالج بالاعشاب .. ياريت تكتبلي رقمها

ام فيصل جابر العلي ق2 ش 7 م27
تستقبل من السبت الي الاربعا من الساعه3 الي 7
23840860
تقدرين تروحيلها بدون لاتدقين روحي وشرحي حالتج

 

[أأأميرة الورد]

الله يرزقج

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[رمشه]

مشكورين ينات

حبيبتي عاشقة الككاو طمنتيني انا بالنسبه لي جسمي متناسق مو متروسه يعني مو محتاج اضعف بس بكمل على البردقوش يمكن الله سبحانه يخلي فيه العلاج واحمل لان ريلي واهله تعبوني حسسوني جنه صارلي ٦ سنين مو ٦ اشهر


عسل حدي حبيبتي ان شاء الله بروحلها بس بنطر شهرين استمر فيه على البردقوش اذا لا سمح الله ما جاب نتيجه اروح على طول

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[Nokia N95]

صلي استخارة قبل ماتاخئين اي علاج

روحي حق دكتورة معروفة و قولي لها اللي قالوه لج الدكاترة وشوفي رايها

ترا المرامية تنشط المبايض وممكن تسبب تكيس

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[نسمات 26]

حبيبتي روحي لدكتورة متخصصه نساء حمل وولاده

التكيس ما يخوف بس لازم تراجعين عند دكتورة

تنظم الدوره وتعطيج حبوب سكر للتكيس وكلوميد علشان تساعدج على الحمل

انا اعاني من التكيس توني داريه عنه من شهر وشوي لاني ابغي احمل بحملي الثاني

والحين عندي كورسات علاج والله يكتب لي ولج للجميع الذريه الصالحه

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ