البردقوش والحمل

[سعودية غير شكل]

مرحبا كيفكم انا بنظم معكم صارلي سنتين ونص متزوجة وماصار حمل الحمدلله على كل شي
بس بسألكم عن البردقوش وعلاقته بالحمل مين تعرف عن الموضوع هذا

 

[أم حسون]

حبيبتي البردقوش وايد زين حق اللي فيهم ضعف بالتبويضض يعني يقوي البويضه

 

[سعودية غير شكل]

تسلمين ياقلبي يأم حسون بس انا سمعت انه ينظم هرمونات الجسم ومادري ودي تفاعل اكثر من حبايبنا الباقيات

 

[أم الطيب]

صح حبيبتي ينظم الهرمونات وهذا يلي اعرفه

 

[تفااحة]

انا سمعت انه يضبط الهرموووووووووونات ياليت اختنا مذهلة تفيدنا بالموضوع لانها تستعملة

 

[مسك أبيض]

يضبط هرمونات الجسم وخاصة هرمون الحليب الذي هو سبب في تاخر الحمل انا صار لي من شهر تقريبا اشربه وهو المركز اللي من مصنع الكامل اصبه في كاس مع شوية موية واشربه مرتين او 3 في اليوم...

 

[كويتيه مذهله 87]

حبيبتي ان استخدمه علشان فيني ارتفاع هرمون الحليب

والدكتووره عطتني حبوب اخذهم لمده 4 اساابيع بعدين تعطييني علاج اخف لان كان مرتفع واايد

وماشالله امس سويت تحليل واليوم دقت علي السكرتيره الي بالعيااده وقالتلي هرمونج نزل

وتخيلي لي الحين ما كملت علاجي بس اسبوع

ويوم قريت عنه ان ينشط المباايض وينظم الهرموونات اذا متلخبطه

وربي يرزقج قريب يااااارب

 

[<Miss ROoSe >]

سعودية غير شكل
ايه والله أنا سامعة انه زين حق المبايض ويساعد على ازالة التكيسات

كويتية مذهلة
مشكورة حبيبتى على الافادة

زين بنات الميرامية شنو علاقتها بالحمل <<< افتحت موضوع ثانى
خخخخخخخخخخخخخخخخخ​

 

[كويتيه مذهله 87]

سعودية غير شكل
ايه والله أنا سامعة انه زين حق المبايض ويساعد على ازالة التكيسات

كويتية مذهلة
مشكورة حبيبتى على الافادة

زين بنات الميرامية شنو علاقتها بالحمل <<< افتحت موضوع ثانى
خخخخخخخخخخخخخخخخخ​

انا سمعت ان يضعف المباايض والله اعلم
بس زين لأرتفاع هرمون الحليب

 

[ام يوسف القمر]

انا سمعت انة وايد زين للعقم والله اعلم

 

[سعودية غير شكل]

يعطيكم الف عافية يابنات الله يرزقني ويرزقكم انشالله يالله همتكم يابنات نبي تفاعل اكثر للموضوع علشان نستفيد ونفيد انشالله وكيف استخدام كل وحده

 

[غيـ الناس ـر]

المرقدوش العشبه ترى المقصود فيها مو الماي ..


الخلطه هذي عجيبه لتنشيط المبايض وتخربط الهرمونات


( مرقدوش + مرميه + يانسون )


كل يوم كوب والله الطبيبه قبل اسبوع شافتني قالت لي تبويضج اكثر من ممتاز


مع اني مو ماخذه منشطات ولا حاجه غير هالكوب اللي اشربه يوميا

 

[عسولةريلي]

هلا خواتي
بس احب اسال عن مرقدوش هو شراب مثل ماي لقاح ؟
هو صج يعاج التكيسات بس اخاف اخذه يصلح شئ ويخرب شئ ثاني ابي منكم الافادة ؟[/b​

]

 

[سعودية غير شكل]

طيب انا عندي سؤال الي استخدمت البردقوش كيف استخدامه انا سمعت انك تاخذي ملقعة منه وتحطيها في كوب مع مويه حاره وبعدين تغطين الكوب مدة 10 دقايق وبعدين تصفينه وتشربينه ويقولو كمان اك ماتغسلينه على طول تحطينه مع مويه حارة ياريت الي عندها معلومة تفيدنا بهالخصوص

 

[أحلام العمر]

انا اللي اعرفه البرقدوش نوعين نوع مثل الماي تشربينه حق التخمه واذا ثقلتي بالاكل
و النوع الثاني هو العشبه تلقينها عند العطار تاخذين ملعقه وتصبين فوقها ماي حار ربع ساعه وتشربينه
وهذا النوع هو اللي زين ينظم الهرمونات

 

[من دار أبو متعب]

البردقوووش مفيد حتى الدكتور المشهور طبيب الاعشاب عبدالباسط ينصح فيه شرب البردقووش ممتاااااااااز ابكتب موضوعات بخصوص هالشغلات لان عندي كتاب الدكتور عبدالباسط ان شاء الله بنزل هالموضوع

 

[سعودية غير شكل]

تسلمين والله بس ياريت تكتبين لنا طريقة استخدامة من الكتاب الي عندك لاطولين علينا حبوبه

 

[Swan]

اهو ينظم الهرمونات ومنها هرمون الحليب
يعني ينزل الهرمون المرتفع ويرفع الهرمون النازل
فاللي عندها لخبطه بالهرمونات يكون افضل علاج لها

والطريقه اللي قالتها سعودية غير شكل اهي الطريقه الصحيحه
والمقصود فيها العشبه طبعا مو الماي
واسهل لكم انكم تاخذون المرقدوش الموجود بالجمعيه عند علب الشاي
لأنه جاهز تستخدمينه نفس الشاي بس الفرق انج تتركينه 10 دقايق وبعدها تشربينه

 

[كويتيه مذهله 87]

انا استخدم البرقدوش الي مثل البتون بس سمعت بنات معاي بالدوام ان الي مثل ماي لقاح مركز اكثر

 

[اهات الصمت]

وايد زين