البدون وكويتنا الحبيبه

[cat85]

( ان الله لا يغير مابقوم حتى يغيروا ما بأنفسهم ) صدق الله العظيم
بنات مايجوز الدعاء بالشر على الغير لمجرد اختلاف بسيط بوجهات النظر..
الحقد يحجب الدعاء عن رب العباد وهاذي حقيقة..
فى بدل ما تدعون بالشر والأذى لأسباب دنيويه زائلة أدعوا بالهداية
كلنا عندنا مطالب وامنيات نتمنه ونتأمل أنها تتحقق والله كريم
الي له حق بياخذ الجنسية انشاء الله.. هواشكم ودعاكم بالشر على بعض ماراح يقدم ولا راح يأخر ولا بيحل شي..
مو عيب ان الانسان يطالب بالي اهوا شايف ان من حقه لكن بشرط كما قال رب العالمين ( وجادلهم بالتى هى أحسن )
هذا الموضوع بأيد رب العالمين هو موزع الأرزاق.. ثم بأيد الدولة الله يحفظها من كل شر ويزيدها خير وبركه آمين يارب العالمين

 

[ورود كويتيه]

ندعو الله أن تحل قضية المستحقين منهم عاجلا غير آجل ...

امين يارب

 

[غرقانة بالحزن]

يوم القيامة قرب وكثر الهرج والمرج اي التنازع والقتال بلاسبب معروف
اخرتك يابني ادم قبر متر بمتر وتطلع من الدنيا مثل مادخلت لها عاري
مايغطيك غير الكفن
انا بعرف شنو عراقي وشنو سوري وشنو سعودي وشنو كويتي
احنا مسلمين مســـــــــــــــــــــــــلمين قبل كل شي
دينا هويتنا الاسلام وكلنا سكان الجزيرة العربية عاداتنا وتقاليدنا وحدة ولغتنا بعد هم وحدة
ليش هالفكر الضيق والتنازع على حدود احنا رسمناها وقسمناها
والي تقول البدون مو مظلمين خل تسال نفسها تقدر تتنازل عن خدامتها اسبوع واحد بس
اوانها ماتشتري للعيد من المشاغل او المحلات الفخمة والماركات وبدالها تشتري من المحاميد
خافو الله خافو الله خافو الله خافو اللة وراكم قبر
وبعدين اهمة مارح ياخذون شي من عندك ويعطونهم
هذا خير والحمد الله ديرتنا معيشة مية دولة بخيرها ومعوناتها ماتقدر تعطي البدون حقهم
لا تقدر وانشاء الله تقدر والله يفرج عنهم ويحمى ديرتنا من دعوة المظلوم
يحميها من دعوة الام الي تنطر رجعت ولدها
يحميها من دعوة الشايب لي قعد يصلي الفجر
اشتبون يصير فينا بعد كانا الحمد الله خير وفلوس وصحة وخدم وحشم
بس ماكو راحة مع كل هالخير مو مرتاحين نفسيا لان اخوانا مظلومين :eh_s(2):
اللهم لا تحاسبنا بما فعل السفهاء منا يارب العالمين :yaaaaaarb:

 

[شلة بنات وبس]

في مقابله تفصيليه مع الفضاله قال


للبدون حق التعليم مجاني
حق العلاج مجاني
طبعا التموين يصرف لهم حالهم حالنا ؟؟؟؟؟؟؟؟؟
جواز فقط للعمره والحج
شهادات ميلاد
شهادة وفاة
عقد زواج
وضائف للبعض لان الكويتي اولى


شنو يبون بعد؟ شنو؟
صحيح صار في طواله ........لكن انا اعرف بدون اغنى من الكويتين
روحي منطقتهم وشوفي سياييرهم

اهلهم بسوريا والعراق معروفين اصلهم معروف ليش يقولون احنا بدون؟
كل واحد بيي الكويت ويقعد ومايطلع منها وتالي يقول جنسوني صاتر فوضه؟

انا الحين رسالتى حق الخوات الكويتيات والامهات تحذير
لان هالشغله من فتره صايره

الاخ ايي كاشخ بسياره هالطول ومسوي الشعر ويتعرف على هالبنت ويخليها تحبه هذا اذا ماخذي فلوسها تالى يطلع بدون
شنو حال البنت لاسمعه ولافلوس وهالسالفه ترى وايد صارت


حطوا بالكم

كنتفى السابق ماحمل اي ضغينه لكن الحين عقب ماطلعوا وحرقوا وطلعوا حريمهم حطوهم بالصف الاول وطقوا الشرطه لابالله
مانبيهم عله على قلوبنا

أعوذ بالله من غضب الله ليش جذي شايله بقلبج عليهم ؟! ترى الظلم ظلمات يوم القيامه حب لأخيك المسلم ماتحب لنفسك لوكنتى منهم ترضين احد يجمع ويقول عن كل البدون عله على قلوبنا ؟! ترى زمان أول كانو يطقون البيبان بالفرجان ويقولون تبون تسجلون بالجنسيه الكويتيه ؟! والديره كان فيها وايد ناس من السعوديه و من الشمال اللى اهو العراق ومن البحرين اللى اهم حاليا اهل الأحمدي جان ماتخبرين عدل يااختى وكان فيها من دول فارس اللى هي ايران واللى هم حاليا اخواننا العيم من عوائل معرفي و بهبهانى ووكثير منهم وحتى الهند ومنهم عايلة النيباري الكرام ترى حلو الأحترام حبي الخير لغيرج مثل ماتحبينه لنفسج منهم سجلو بالجنسيه وبالتأسيس بعد ومنهم من إختار الجنسيه العراقيه ومنهم من بقي على حاله وهم أغلبية أهل الباديه اللى نحطهم تاج على روسنا لان محد كان متصور ان القوانين راح تتغير عشان جذي تم تسميتهم ببدون جنسيه عرفتي والسلام ختام :eh_s(7):

 

[Lost]

الله يالعن هالورقة الي تذل الانسان

قال جنسية قال ........... مادري يمكن مصنوعه من خالص الذهب والالماس؟

 

[فطوم 84]

غرقانه بالحزن وشلة بنات وبس بميزان حسناتكم "ووالله دنيا فانيه والله كل مظلوم بيوقف جدام الله وماراح يحلل كل شخص سلب حقه وظلمه ووالله اذا كان الله معانا فما ننتظر منة من الحساد واهل الدنيا االلي غارتهم الدنيا بملذاتها وعاميه عيونهم وناسين انا كلنا اخرنا حفره صغيره ومايبقي الا عملنا اللهم انا نحبك ونحب من يحبك ونحب عمل يقربنا الي حبك

 

[Om.3bo0od]

اي والله صح كلامج فطووم
وعسى ان تكرهو شيئا وهو خيرا لكم

 

[((noor ))]

في مقابله تفصيليه مع الفضاله قال


للبدون حق التعليم مجاني
حق العلاج مجاني
طبعا التموين يصرف لهم حالهم حالنا ؟؟؟؟؟؟؟؟؟
جواز فقط للعمره والحج
شهادات ميلاد
شهادة وفاة
عقد زواج
وضائف للبعض لان الكويتي اولى


شنو يبون بعد؟ شنو؟
صحيح صار في طواله ........لكن انا اعرف بدون اغنى من الكويتين
روحي منطقتهم وشوفي سياييرهم

اهلهم بسوريا والعراق معروفين اصلهم معروف ليش يقولون احنا بدون؟
كل واحد بيي الكويت ويقعد ومايطلع منها وتالي يقول جنسوني صاتر فوضه؟

انا الحين رسالتى حق الخوات الكويتيات والامهات تحذير
لان هالشغله من فتره صايره

الاخ ايي كاشخ بسياره هالطول ومسوي الشعر ويتعرف على هالبنت ويخليها تحبه هذا اذا ماخذي فلوسها تالى يطلع بدون
شنو حال البنت لاسمعه ولافلوس وهالسالفه ترى وايد صارت


حطوا بالكم

كنتفى السابق ماحمل اي ضغينه لكن الحين عقب ماطلعوا وحرقوا وطلعوا حريمهم حطوهم بالصف الاول وطقوا الشرطه لابالله
مانبيهم عله على قلوبنا

حبيبتي احنا جارنا بدون ولا حق من هالحقوق جاه والله العظيم بعدين شلون البدون اغنى من الكويتي شلون ما دش العقل واذا على التموين اشهد بالله يجيهم تموين بس شهر 3 ينقطع عنهم وهذا حرام واذا قصدج سيارييرهم كشخه وما ادري شنو اصلا هم يحلمون حبيتبي بعدين البدون هم اكثر ناس يستحقون الجنسية واللصراحة شكثر نسمع راح نجنس البدون من سنة يدي وانا اسمع هالكلام وللحين ما صار شي يعني حراام انا الصراحة خايفة على لكويت من دعااء الببدون الله ما يرضى شذي حتى والله في نائب مدري عضو طلع بالتلفزيون جان يقول اي واحد يقرب على البدون او يضرهم الله ما راح يوفقه والدليل على هالكلام الجويهل لمن تكلم على البدون شوفوا الحين شنو صار له حتى من ا
حتى مطر ما قام ينزل علينا من يوم طقينا البدون والله حرااام وين التعاون وين المحبه الناس للناس وين حق المسلم على اخيه المسلم والله شذى ربنا ما راح يوفقنا


انا اقول الله يخلي البدون ويحفظ لنا لكويت

 

[((noor ))]

وبعدين في قانون بالكويت الصراحة ما عجبني ان اي كويتي يتزوج هندية ولا مصرية ولا فلبينية بعدها تجنس كويتيه ليش عشان زوجها كويتي شوفي يعني الهندية تستحق الجنسية اكثر من البدون اللي عاشوا بالكويت منو احسن يتجنس البدون ولا الهندية

 

[om-3azo-83z]

عطوكم حقوقكم مو بس انتو حتى الوافدين شتبون اكثر؟ و شنو جزانا؟ مظاهراتكم حمدو النعمه اللي انتو فيها ليش عينكم ضيجه و تبون اكثر و زيادات؟ عيال الكويت ما زادوهم و تعالي شوفي حالهم شلون مو قادرين ياكلون !
و بخصوص الوظايف خليتوظفون عيالنا بالاول قاعدين بالاشهر ببيوتهم
انا مافي بقلبي شي عليكم
في ناس صج مسكين بس في ناس وااايد من ياخذون الجنسيه يتفرعنوووووووون
كافي ان اغلبيه اللي دشو مجلس الامه بدون عفسونا
ما اقول الا حسبي الله و نعم الوكيل و اللي له حق بياخذه

 

[((noor ))]

من زمان نسمع هالحجي من له حق بياخذه زين وينه على فكرة انا كويتيه بس الصراحة لمن اسمع كلمة بدوون ودي ابجي من حالهم بعدين بنات انتو ما جربتوا حالتهم لو جربتوا حالتهم قولوا هالكلام

 

[ريحه ابوي]

عطوكم حقوقكم مو بس انتو حتى الوافدين شتبون اكثر؟ و شنو جزانا؟ مظاهراتكم حمدو النعمه اللي انتو فيها ليش عينكم ضيجه و تبون اكثر و زيادات؟ عيال الكويت ما زادوهم و تعالي شوفي حالهم شلون مو قادرين ياكلون !
و بخصوص الوظايف خليتوظفون عيالنا بالاول قاعدين بالاشهر ببيوتهم
انا مافي بقلبي شي عليكم
في ناس صج مسكين بس في ناس وااايد من ياخذون الجنسيه يتفرعنوووووووون
كافي ان اغلبيه اللي دشو مجلس الامه بدون عفسونا
ما اقول الا حسبي الله و نعم الوكيل و اللي له حق بياخذه

؟؟؟


عيال الكويت مازادوهم ولالقوا وظايف وشتبون اكثر وشنو جزانا...؟؟الوافد زادوه مو بس انتم...تقارنين بينا وبين الكويتي لانج حبايب قلبج مهما كان سيئهم؟؟؟والوافد اعز لانكم واجد تفضلون الوافد علينا وهذا الشي شفناه عرفناه محد يجهله..


من كلامج احس لو بيدج الهوى جان منعتي عن البدون وان كان لج عداء شخصي مع بدون معين فلا تعممين على الكل انتي عندج عيال وبنت ناس..




ابي افهم واعرف كل وحده تكرهه البدون تقول هي منين وشنو تعرف عن البدون ..؟؟؟




ياجماعه اذا مو بدين لكم اخوان بعروبه واسلام واذا مو بدين وعروبه واسلام با الانسانيه

واذا مو بكل قيم ومبادى ان كانت عندكم




اعتبرونا هنود لالالالالالالالالا مو هنود لانكم تموتون على الهنود





ان لله وان إليه راجعون

 

[ريحه ابوي]

قال تعالى {ألا لعنة الله على الظالمين} وقال تعالى {ولا تحسبن الله غافلاً عما يعمل الظالمون} قيل هذه تسلية للمظلوم ووعيد للظالم. وقال تعالى {إنا أعتدنا للظالمين ناراً أحاط بهم سرادقها} وقال تعالى {وسيعلم الذين ظلموا أي منقلب ينقلبون}. وقال صلى الله عليه وسلم (من اقتطع حق امرئ مسلم أوجب الله له النار وحرم عليه الجنة.. فقال رجل: يا رسول الله ولو كان شيئاً يسيراً؟! قال: ولو كان قضيباً من آراك}. وقال صلى الله عليه وسلم (ما من عبد ظلم فشخص ببصره إلى السماء إلا قال الله عز وجل لبيك عبدي حقاً لأنصرنك ولو بعد حين). وقال صلى الله عليه وسلم (الا ان الظلم ثلاثة 1) ظلم لا يغفر، 2) ظلم لا يترك، 3) ظلم مغفور لا يطلب.. فأما الظلم الذي لا يغفر فالشرك بالله قال تعالى: {إن الله لا يغفر أن يشرك به ويغفر ما دون ذلك لمن يشاء} وأما الظلم الذي لا يترك فظلم العباد بعضهم بعضاً، واما الظلم المغفور الذي لا يطلب فظلم العبد نفسه)..
وقال علي رضي الله عنه (يوم المظلوم على الظالم أشد من يوم الظالم على المظلوم).
وكان معاوية يقول: إني لاستحي أن أظلم من لا يجد علي ناصراً إلا الله..
وقال بعض الحكماء: اذكر عند الظلم عدل الله فيك، وعند القدرة قدرة الله عليك.. لا يعجبك رحب الذراعين سفاك الدماء فإن له قاتلاً لا يموت..
وقال سحنون بن سعيد كان حاتم يقول: ما هبت شيئاً قط كهيبتي من رجل ظلمته وأنا أعلم أن لا ناصر له إلا الله فيقول حسبك الله، الله بني وبينك.
وبكى علي بن الفضل يوماً فقيل له ما يبكيك؟! فقال أبكي على من ظلمني إذا وقف غداً بين يدي الله ولم تكن له حجة.وقال أبو الدرداء: إياك ودمعة اليتيم ودعوة المظلوم فإنها تسري بالليل والناس نيام.


....رحت للقبور ذات مره وبكيت بكاء شديد ووجدت الكبير والصغير البنت والولد الغني الفقير من شبع ومن جاع من عاش مترف ومن عاش بعناء والم وضياع وقهر


...بالله يامن تكتبون كل كلمه وعنها تسألون؟؟ هل عن الموت والقبريوم من الايام إلا واردون!!!!!!!


وش ينفعكم وشنو تاخذون وياكم


ربي نجني من القوم الظالمين

 

[:حضرية واجد:]

عطوكم حقوقكم مو بس انتو حتى الوافدين شتبون اكثر؟ و شنو جزانا؟ مظاهراتكم حمدو النعمه اللي انتو فيها ليش عينكم ضيجه و تبون اكثر و زيادات؟ عيال الكويت ما زادوهم و تعالي شوفي حالهم شلون مو قادرين ياكلون !
و بخصوص الوظايف خليتوظفون عيالنا بالاول قاعدين بالاشهر ببيوتهم
انا مافي بقلبي شي عليكم
في ناس صج مسكين بس في ناس وااايد من ياخذون الجنسيه يتفرعنوووووووون
كافي ان اغلبيه اللي دشو مجلس الامه بدون عفسونا
ما اقول الا حسبي الله و نعم الوكيل و اللي له حق بياخذه

اول شي حياتي احب اقولج عيب عليج تنكرين معروف ديرتج و تقولين الكلام الي (بالاحمر ) و تناقضين روحج و تقولين الكويت عطت الوافد و البدون كل شي .. الكويت عطت الوافد و البدون ع قولتج و خلت الكويتي ولد الديرة ..!! شهالتناقض حياتي ديرتنا ما تقصر مع الكويتي و لا تفسقين ترا النعمة زوالة الحمدالله فديت ابونا بو ناصر حتن بدل بطالة يمشي لنا بس الناس الفسقانة كثرت بالديرة عاد قوية مو لاقين ياكلون ..!!

بس بعرف شي واحد ليش الي مثلج و شرواج اول شي يبلشون يجرحون بهالبنات المساكين و باهلهم و ججماعتهم و تالي يختمون ردهم :

( البدون ما يستحقون .. قطو جناسيهم .. البدون فيهم و فيهم و فيهم و اخر شي تقولون : انا مو قاصدة شي و لا حاقدة و صح في بعضهم مستحقين و مساكين ) ..!! جد ترا عيب عليكم احسكم تستهبلون لمن تسوون جذي استهبال بدون ادراك ..!! انا اخاف على الكويت من حوبة هالفقارة و خصوصا اذا في ناس بدمها العنصرية تجري مجرى الدم ..!!

شنو فيج شي حياتي تعانين من نسيآن :eh_s(7): ؟ يقولون لج ما شفنا شي من هالحقوق :eh_s(7): ما شفنا شي :eh_s(7): فاهمة الكلام الي كتبته بالـ عربي فديتج يقولولج ما خذنا حقوقنا ما اخذناها يعني السالفة حجي جرايد و الناس الفاهمة دياما تسمع الكلام من حلج المحروم ..الجرايد كلامها ايضا حبر على ورق و الحقوق الي قالو عطوها للبدون ترا البدون ما شافوا منها شي يمكن للامانة ميلاديات صرفوها لا و على حسابهم دفعو سعر الدي ان ايه ..!! اكو احد يمن بميلادية و يعتبرها حق ممنوح حبي هذا حق شرعي مو ممنوح عشان تقولين شيبون بعد اكثر ..!! جد عيب وصل التفكير جذي و بصراحة انا اصدق البدون لم تقولي ما اخذنا حقوقنا لاني واعليا شايفة شلون متبهذلة بعيوني و اشوف الجرايد شلون تشلخ و تجذب .. :eh_s(7):

كلمة حق و بقولها و قسم بالله العظيم اني كويتية اصيلة قبيلية و جنسيتي أولى و هذا مو فخر اعتبره تخلف لكني تعودت اخاطب الناس على قدر عقولها و علشان البنات الي عارفين روحهم لا يزعجوني بالخاص " استريحوا " ..

و رجاءا كل وحدة تبي تتكلم و تجرح بالبنات و تختمها اخر شي و تقول : بس انا مع المستحقين توفر ع روحها او " تقل خيرا او لتصمت " .. ترا الموضوع عن المستحقين اساسا .. يعني لا تجي وحدة تجرح و تجرح و تطعن بانساب و احساب و تالي تقول بس ترا انا مع المستحقين طيب يا حبيبتي من اول اختصري على روحج و قولي انا مع المستحقين و بلاش عبط و حقد ترا الظلم ظلمات يوم القيامة و التجريح مو زين .. !!

عسا الله يحفظ ديرتنا حبيبتنا الي مو مقصرة معانا .. و ان شاء الله يالبدون ما تنضامون بحكم آل الصباح

 

[شوق العتبان]

مرحبا حبايبي
مشكووووه اخت عايذيه الظفيري
ومشكووورين الي دزولي على الخاص بنت بنت

للعلم الاخت عايذيه ظفيريه ماعرفه خارج المنتدى اول مره اشوفها
بس انا لما قلت نسايبنا صدفه طلعو مناسبين عتيبيه بس نسبتنا بالعكس
بس وربي ماتمدلي بصله عشان محد يقول مدحتها وتعرفها
لاوالله ماعرفها بس تشرفت بمعرفتها فديتها

وتمنى ان الموضوع يوقف خلاص لاترفعونه بنات

 

[شوق العتبان]

حضريه واجد فديتج لاتعورين قلبج

 

[*مطبخ الذواقة*]

الحمدالله والشكر صااااااااااارت شهادة الوفاة ميزه !!!!!!!!!!!!!!!!!!!

والحمدالله صاروا يصرفونها للبدون !!!!!!!!!!!!!!!!!!!!

 

[:حضرية واجد:]

شواقة حياتي انا جذي طبيعتي احب اناقش و اشوف اغلب الي ناقشتهم قطو نقاشاتهم و انحاشو لوووووول
بالعكس حبي ارتاح احب ادافع عن الحق .. لاني اعرف معدنكم و الي ما يعرفك يجهلك بس شقول غير الطعن بالميت حرام .. !!

بعيد عن الموضوع : مطبخ الذواقة بذبحج ماحب اشوف ردودج اموت من اليوع لوووول ليش هالاجرام لازم نذوق شغلج " soon" ان شاء الله

 

[نووووف الكويت]

الدوله ماقصرت بصراحه مع البدون واللي يستحق الجنسيه بياخذها مااحد بياكل حقه بس اللي مايستاهلها وله مرجع وخاشه بيضغطون عليه لما يعترف ويطلع اوراقه يعني لاحد يتعب عمره وعلى باله ان الدوله ترضخ لمطالبهم غصب
والله يحمي ديرتنا من الفسق وخصوصا ان حيلة الضعفاء انهم حطوا النساء بالمقدمه عشان يقولون طقوا الحريم اي واحد يهدد امن الدوله يتعاقب سواءا ذكر او انثى والحق ماينزعل منه

 

[شماسه]

استغرب من بعض البنات يقولون البدون متوفر لهم كل شي
اولا التموين منحه من صاحب السمو الله يحفظه
وشهايد الميلاد والوفاه حتى الحيوان عنده !!!
والجواز تطلع روحج على ما يطلع ولا بعد الفيزه شوفي بجم سعرها محد يسافر لانه محد عنده فلووس للفيزه
وترا شهايد الميلاد ما طلعت بس للعمر تحت ست سنوات فوق الست سنوات ما شفناه احد اخذها لحد الان بس مراجعات
وين حق العمل وين حق التملك وين حق التقاضي وين حق المواطنه للمستحقين ؟؟
منو يصدق سياره ما نقدر نحطها باسمنا !!
الله يحفظ الكويت من كل شر

ادعي ربج انه يفرجها عليكم ويسسر اموركم امين والله كسرتي خاطري :yaaaaaarb:

استغفر الله... ولا حول ولا قوة الا بالله العلي العظيم ....