البدون وكويتنا الحبيبه

[مهـآآآآوي]

استغرب من بعض البنات يقولون البدون متوفر لهم كل شي
اولا التموين منحه من صاحب السمو الله يحفظه
وشهايد الميلاد والوفاه حتى الحيوان عنده !!!
والجواز تطلع روحج على ما يطلع ولا بعد الفيزه شوفي بجم سعرها محد يسافر لانه محد عنده فلووس للفيزه
وترا شهايد الميلاد ما طلعت بس للعمر تحت ست سنوات فوق الست سنوات ما شفناه احد اخذها لحد الان بس مراجعات
وين حق العمل وين حق التملك وين حق التقاضي وين حق المواطنه للمستحقين ؟؟
منو يصدق سياره ما نقدر نحطها باسمنا !!
الله يحفظ الكويت من كل شر

حبيبتي عسوووووووووووووووووووووووووووووولة لا تخافين انا معاج باذن الله سيظهر الحق رغم عن اانف الحاقدين وربج اذا حب عبده ابتلاء وان شاالله هذا اختبار قوة الايمان اخواننا البدووون والله ان رفيجة عمرررررررررررررررررري ابوها شهييددددددددددددد للحين بددددددددددددددددددون وبعدين ترا الحقوق الي اقروها بس على الورق اللهم حق العلاج بس والي تقولي تموين ترا بعد شهرين بفلوس مو بلاش يعني بفلوسهم​

 

[amami al-kuwai]

انا قريت جم شغله من كلام البنات وماكملت


في ناس اساسهم كويتيين وفي ناس معروفين من وين ومعروفه اصولهم وخاشين جناسيهم علشان ياخذون الكويتيه

انا مع تجنيس البعض مو الكل

يعني اللي معاه احصاء 65 خله ياخذ

اللي شارك بالغزو خله ياخذ

الدكتور والطبيب والمهندس والقاضي وطالب جنسيه خله ياخذ


موكل من هب ودب

 

[حمام شاقني فنه]

ولله ماخذين حقوقهم وزود بلا تفليم

والمستحق بياخذها بس الي كسرووو واذو الشرطة مالهم شي
وويستاهلون الابعاد

 

[للصبر اخر]

الله يحفظ الكويت

 

[:حضرية واجد:]

في مقابله تفصيليه مع الفضاله قال


للبدون حق التعليم مجاني
حق العلاج مجاني
طبعا التموين يصرف لهم حالهم حالنا ؟؟؟؟؟؟؟؟؟
جواز فقط للعمره والحج
شهادات ميلاد
شهادة وفاة
عقد زواج
وضائف للبعض لان الكويتي اولى


شنو يبون بعد؟ شنو؟
صحيح صار في طواله ........لكن انا اعرف بدون اغنى من الكويتين
روحي منطقتهم وشوفي سياييرهم

اهلهم بسوريا والعراق معروفين اصلهم معروف ليش يقولون احنا بدون؟
كل واحد بيي الكويت ويقعد ومايطلع منها وتالي يقول جنسوني صاتر فوضه؟

انا الحين رسالتى حق الخوات الكويتيات والامهات تحذير
لان هالشغله من فتره صايره

الاخ ايي كاشخ بسياره هالطول ومسوي الشعر ويتعرف على هالبنت ويخليها تحبه هذا اذا ماخذي فلوسها تالى يطلع بدون
شنو حال البنت لاسمعه ولافلوس وهالسالفه ترى وايد صارت


حطوا بالكم

كنتفى السابق ماحمل اي ضغينه لكن الحين عقب ماطلعوا وحرقوا وطلعوا حريمهم حطوهم بالصف الاول وطقوا الشرطه لابالله
مانبيهم عله على قلوبنا

اتقي الله في نفسج و عسا الله يشهد عليج هالمشاركة يوم القيامة ..!!
وآآي انتي و الي مثلج شلون تفكرون ..!!
حرام عليج الي قلتيه كله .. انا مابي افصل ماحب اقرق باموري الخاصةبالمنتديات بس في امور ملحة تجبرني اتنازل .. تقولين البدون مو عيال حمايل يا بعدهم ..!! انا و بلا فخر و العياذ بالله ماحب هالتخلف لكني من عايلة قبلية معروفة جدا جدا و فخذنا شيوخ بعد قبيلتنا مو مداية .. و شخص من اقربائي من الدرجة الثانية و "بدون" ..!! و يقرب لنا قرابة دم يا بعد زول رفعة ..!! بكيفج تكفرين باصله و اصل وايد من نمونة قريبي هذا .. و منو انتي عشان تقولين كل واحد عارف اصله من وين ياي لا يكون باحثة قبلية الاخت و انا مدري ..!! :ch12:
عيب عليج هالحجي و حقدج الواضح اتمنى تضبطين نفسج لانه صار اكثر من واضح بواااجد ..!!

و يوم تسطرين الحقوق " الحيوانية " بكل فخر جنج قايلة معطينهم شهادات اليمين و شهادات الشمال و موفرينلهم قصور و جسور و فلل تطل على الابراج و ما ناقص غير تقولين وفرولهم لحم طير مما يشتهون هه .. (ميلادية و اكل و شرب و علاج) ترا هذي مو مفخرة علشان تستشهدين باقوال صالح الفضالة و تصاريحه الي جريدة الوطن العنصرية مستهدفة هالفئة و مستضيفة تصريحات " صالح الفضالة " الي ما تحقق منها شي بأم عيني شفت هالشي و كل كويتي شريف نظيف يدري .. و على فكرة هذا دليل ادانه بحقه ان من اول ما حطوا الجهاز التنفيذي لمعالجة الاوضاع من ستين سنة هه و الناس محرومة من هالحقوق الحيوانية .. !! يعني مو شي تفتخرين انه توفر توه ..!! من بعد ستين سنة حرمان آمبيه شقسوة القلب يا ناس ربي يبعدني و لا يخليني جذي بيوم .. و يكون بعلمج رسالتج الي تقولين حق الاخوات وتوجهينها للكويتيات و انتي توصفين بالشباب البدون و مناطقهم ( تيماء و الصليبية ) عليكم الله بنات روحو شوفو مناطقهم الي الاخت تسولف عنها لووووول .. و الاخت تكمل وصفها للشاب البدون فتى الاحلام ابو شعر " كيرلي " و عيون مكحلة ..و تقول السالفة صارت وايد و منتشرة انهم يقصون ع البنات جن الزين و الشين مو موجود بكل مكان تفكير سطحي ينم عن سذاجة و يفضح سر هه .. انتبهي لا تفتحين باب على نفسج ترا في ناس حادين الذكاء و يلقطونهآ و اهيا طايرة و يقرون من بين السطور عدل مدل " مثلي يعني " :eh_s(22): .. و الي يصير ( لبعض الناس المقصات ) مو شرط يصير لغيرهم .. سواء كان الي قاص عليهم ( بدون و لا سوري و لا شيشاني و لا كويتي و لا خلافه ) .. !!
البدون عيال اصل و فصل و هالشي منتهين منه ..!! و اذا بتتكلمين عن السوريين و العراقيين و الايرانيين وغيره ترا كل اصول الكويتيين و جذورهم من هالدول الي ذكرتيها و الي دش من بعد الغزو هذيلا كويتنا مالها شغل فيهم و سهل تطلعهم هاللجنة الي خللت الناس المستحقة ..!!
و اظن لو في نية من هالمؤسسات الفاسدة ان يحلون القضية كان الاولى يبلشون بالناس المستحقة من ذوي الاوراق القديمة الي حتن اقدم من اوراقج انتي و اوراقي انا يمكن و اوراق غيرج و شفت بعيوني اوراق شعر راسي وقف منها اوراق تثبت تواجد قبل قانون الجنسية شرايج .. !!

و على فكرة البدون شأنهم ِشأن الكل من حقهم يعبرون حالهم حال البنقالية الي صكروا الشوارع .. و حالهم حال الصعايدة الي صكروا خيطان .. و حالهم حالنا لمن عبرنا عن راينا و اعتصمنا سلميا علشان كويتنا تنظف من القبيضة ..!! , مساكين لو مو طالعين مظاهراتهم الاولى يمكن جان ما حصلوا على حقوقهم " الي حتن الحيوان " اجلكم الله محصلها من اول ما انولد .. !!
و هالحقوق الي مثلج و شرواج حاسدهم عليها ما اقوله غير واخزيآه من هالاخلاق.. !! و الاخت توصي الناس من عيال الحمايل .. !! و نسيتي توصين البنات و توصين "نفسج" ان الي مو متربية و مقصة و ما تخاف ربها و ووازعها الديني ضعيف و تتعرف على الشباب تستاهل تنوخذ فلوسها و تتبهذل و ينضحك عليها لانها ما صانت شرفها و لا شرف اهلها و ضحت باغلى لقب بالوجود و اتخذت من الاخدان ما شائت الا و هو لقب "المحصنة " .. !! خافو ربكم بهالفقارة المساكين و عسا الله يفرجها عليهم و شيخنا حبيبنا بابا صباح يا عسا عمره طويل بالطاعة باذن الله ما رح يقصر معاهم .. انجآن زين رب العالمين يفكنا من الحسد و الغيرة بهالديرة فعلا هالمقولة حقيقة "لو زرتم المقابر لرأيتم ان اكثر من وافتهم المنية حسدا ..!! ​

 

[:حضرية واجد:]

ولله ماخذين حقوقهم وزود بلا تفليم

والمستحق بياخذها بس الي كسرووو واذو الشرطة مالهم شي
وويستاهلون الابعاد

ماخذين حقوقهم شفتي بعينج ماخذينها ؟؟ رفيجاتي و رفيج اخوي يايب بالتسعينات قاعد ببيتهم .. رفيجة اختي جابت 98 الثانية ع الكويت ادبي قاعدة ببيتهم للحينها من حقها مقعد بالجامعة المقاعد الي خبو العالم فيهم خبة و قالو للبدون مقاعد البنت انرفضت و قاعدة ببيتهم الحين تنطر فرج ربها .. بس تفليم بسج انتي تفليم و لا تقصين على روحج ..روحي اليوتيوب و شوفي التفليم على اصوله .. او مالومج يمكن ما تابعتي قناة الصباح او العدالة او عالم اليوم و فضلتي عليهم الوطن و الراي و جرايدهم المبتذلة الي سياستهم اساسا ضد هالفئة !!
هه اليوتيوب صار اهو الي ينقل الواقع خوش خوش .. انصحج تزورينه على يوم من الايام ..!!
و رسالة لج و لغيرج تركوا عنكم الجرايد ترا كلنا عارفين انه كل الجرايد جذابة ..!!
و اهم شي اذوا الشرطة " والله مدري منو اذى منو " : ) .. !!

هاج شوفي التفليم على اصوله ..!!

http://youtu.be/LCUo8dh8YVI

رسالة لكل بنت ما تعرف شي عن القضية و تقرا الجرايد دايما اسمعو القصة من اهلها .. دايما حطوا ببالكم الي بالجريدة شي و الواقع شي ثااني .. دايما حطوا ببالكم ان الحلقة الاضعف دايما " البدون " و دايما بيتمون بعض الناس يطالعونهم بعنصرية و فوقية مو علشان شي رغم ان قلوبهم يمكن تعورهم من عيشتهم او احوال البعض .. لكن يفضلون يطالعونهم بهالعنجهية بس علشان الاعلام يجمل صورة الي يصصف ضدهم ..

عموما انا اعتذر من كل بنت معانا بالمنتدى من بنات البدون بالانابة حقكم علي حدي فصلت لوووول < اليوم ممتحنة لوول و ما حليت زين :eh_s(2): :eh_s(17)::eh_s(22):

انا ما تعودت اشوف مظلوم و ما انصفه و لو باللسان و ان شاء الله بابا صباح ابونا كلنا بينصف كل مستحق فيكم .. < من جذي دشيت حقوق لووول مدري شكو

تصبحون ع خير ..~ْ :eh_s(17): ​

 

[فطوم 84]

حضريه واجد طولي بالج انا بدون والله احنا تعودنا نسمع هالكلام وهالعنصريه وتفرقه اساسا في البعض لوبيده يمنع عنا الهوا اللي نتنفسه بس مثل هالبنات خليهم تغريهم الدنيا والدنيا فانيه خليهم متمتعين كانه هالحياه ابديه )))الحياه طريق عبور عيشوا فيها كعابر سبيل احنا بنات البدون انا اتحجي عن نفسي منحرمه من اشيا وايييد ووظيفتي حدها بسيطه بس لما اتذكر اني بوقف جدام الله وانا ماظلمت احد بكلمه او فعل ارتاح يكفي انشالله رضا الله عنا فاذا الله معانا مانبي من احد شي )))احنا مشتاقين لله لانه اعمالنا صالحه واهم يعشقون الدنيا عشان ملذاتها اللهم اني احبك واحب من يحبك واحب عمل يقربني الي حبك

 

[:حضرية واجد:]

حبيبتي انتي الله يهون عليكم بالعكس انامطولة بالي بس مدري ليش من اكتب ارجع اقرا سوالفي احس اني بذبح نفسي لووول < جي معصبة

الله يفرجها عليكم والله حاسة فيج .. انا اشتغل و اخذ اعانة و ابوي يعطيني مصرفي الخاص و مو ملحقة على مصاريفي الشخصية و كلها خرابيط ..!! شحال انتو بعد بنات و لكم متطلبات فديتج والله .. عسا الله يرزقكم يآرب و يوفقكم و ان شاء الله بتاخذون حقوقكم كاملة مكملة و عسا الله يحفظ لنا كويتنا و تبشرينا اهني بجنسيتج ..

برؤب ,’

 

[عندنا اجازه]

طيب ليش مايفكرون يرجعون لديارهم الاصلية بدل البهذلة

 

[أم خشم]

قاعة اقرا كلام بعض الخوات ,, و خايفة لا الله يسقط علينا غضبه ,, من هول الظلم اللي بين الحروف
حبيت اقول كلمة ,, لما يانا الغزو ,, صار شعب الكويت كله بدون ,, ارض ووطن ,,
واللي تقول خيرهم وايد ,, فكافي مذلة لقب بدون ..
واهما عايشين صح ,, لكن من الحسنات والصدقات ,, اصلا ما اتوقع لنا اجر ,, لاننا حرمناهم من حقهم في المعيشة ,, و قعنا نتصدق عليهم ,, و نمن عليهم باللقمة ,, و نقلو عطيناكم و عطيناكم ,,
ارد واقول ,, الكويتي الاصيل ,, و الكويتية بنت هالارض ,, ما يعرفون الحسد و يتمنون الخير للجميع ,,
ما اقول الا الله يكافي الكويت شر دعوة مظلوم ,, الظالم نايم ,, و المظلوم سهران يدعي عليه ,,
خواتي ,, ترى الله يقتص من عبده الظالم من صحته ,, من ماله ,, من اعياله ,, فديرروا بالكم ,,
والله يرفع الهم و الغم والكرب عن كل مسلم ,, و يهدي الظالم بفعل او بقول
وكلمة اخيرة ,, اللي يستحق معروف ,, لكن اؤكدلج ان ما خذا حقه ,, و ما خذاها الا اللي ما يستحقها ,, الا القليل منهم

 

[حلمي الجنة]

والله استغرب من الكويتيين يسون كذا مع اني سمعت ثلاثين بالميه كويتيين وسبعين عماله وافده ؟؟؟؟؟؟؟؟؟؟؟!!!!؟!!!!الله يهديهم لطريق الحق

 

[جوجوو نايس]

الله معاكم يارب..
إلي كاتبة ربي راح يصير ..

 

[شوق العتبان]

الله ينصر المظلوووم

هذا ثالث موضوع اكتب فيه..اعتقد الجاهل وهو جاهل فهم

 

[ريحه ابوي]

الله ينصر المظلوووم

هذا ثالث موضوع اكتب فيه..اعتقد الجاهل وهو جاهل فهم

اللهم امين عاشت بطن جابتج اختي شوق العتبان انشهد انج تاج على الراس ربي يجزيج الخير ويحفظ شبابج يارب

 

[ريحه ابوي]

يومي اشوف واطلع على ماكتبت بعض النسوه الطيبات!!!!!!!!!الخايفات على الكويت من(( العدو البدوني))

اقولهن جعلها بذمتجن كل كلمه طلعت من نفوسجن الواهمه المتغطرسه اللي ماتحب الخير لكل قريب ...قريب مو بعيد لان البعيد عندكم اولى اولى يا اولي النعــــــــــــــمه...


واشوف ردودكم العنصريه التي لاتحل قضيه قط وفار اجل الله الكرام والملائكه فكيف تحل قضيه عجزت عن حلها دوله..



قسم بالله قمت اقارن بين خلق الغربيين وكيف انهم مايحتقرون نمله؟؟؟وبين ادعياء العروبه نسوه هالزمان اللطيفات المهذبات ذوات الخلق الحسن والتربيه الغناء...


بالله بأي زمن نحنُ وهل بالفعل جذي حريم وبنات قسوتهن لاتطاق يارب ان لم ترحمنا فمن يرحمنا ..

يارب لاتجعل رقائبا بيد هؤلا..

الحمدالله اننا محكومين من أل صباح الكرام وليس من هذي وهذا ...


انتم مو مودكم البدون ينقرضون انتم حتى انفسكم تكرهون...

 

[MiSs_CRaZya]

الله ينصر كل بدون مستحق ! والله حالتكم ما تسرنا و دعواتنا لكم الله ينصركم عاجلا و ليس آجلا

مالكم الا الدعاء .. الله اعلم بحالكم و هذا كله اجر لكم

بس ارد و اقول كل بدون مستحق

 

[Vous jamais]

البدون لهم رب كريم ما راح يخليهم راح تفرج إن شاء الله

ثاني شيء البدون ما يطلبون جنسية لان الورقة اللي تعتبرونها مقياس للوطنية

احنا عندنا الوطنية افعال شوفي الغزو منو ضحى عن الكويت

شوفي موكب الشيخ جابر بمحاولة اغتياله

وشوفي نص الجيش من البدون

لكن اقول اتقوا الله في البدون والظلم ظلمات

انا بدون ومحرومة من أبسط حقوق الإنسان

و منو قال يوظفون البدون ؟

 

[شوق العتبان]

اللهم امين عاشت بطن جابتج اختي شوق العتبان انشهد انج تاج على الراس ربي يجزيج الخير ويحفظ شبابج يارب

هلا والله بنت الظفير والنعم بنسايبنا
مشكوره على الكلام الطيب ولج بالمثل حبيبتي

ذكرتيني بناس قالو البدون لابد يجي يوم وينقرظون ليش دينسورات مثلا" مو بشر
استغفر الله الله بهديهم
وربي مايفيد السوالف والمعارضه هي شخطت قلم من اي مساؤول خلاص خلصة القضيه
ام المعارضات اقولهن استريحن بس.. ماراح اعيد وزيد بكلامي لهن
مايقطع الرآس الا الي راكبه

 

[فطوم 84]

تاج راسي شوق العتبان "شيوخ القبايل"ماقصرتي لاخلا ولاعدم والبدون للعلم مو بس عسكرييين بالدفاع وبالداخليه ولكن اشرف القبايل عنزة وشمر وظفير والفضول وللاسف بدون وناس ممثلات خذوها مو مستحقين وناس يستاهلون لا ماياخدونها مثل فهد العنزي ومحمد راشد اللاعبين والمذيع المثقف احمد الفضلي وووايد من الاعلاميين الشريفين

 

[سندس 90]

اللي إيده بالمااااي مو مثل اللي ايده بالناااار
ناااس مو لاقيه تاكل ولا وظايف ولا بيوت
ونااااس تبلللع وموشبعاااانه وتحسسد وماتبي الخييير لغيييرها وتبي قطع الرزق لخلق الله
الرازق بالسما والحااسسد بالارض
الله يرزق اللي يـــــــــســــــــــــتـــــــــــحــــــــق بالجنسيه بنااات حبااايب قلبي ترا في ناااس شكثر مظلوميييييييين وتعبااانيين بحياتهم بس محد يحس
لا حول ولا قوة الا بالله