(( البخار + السونا )) شنو استخدامكم لهم بالنادي ؟؟

[q8 nono]

هااااااااااي كويتيات

بقيت اسألكم سؤال لان ودي ادش غرفة البخار او السونا الي بالنادي بس ما اعرف حق شنو استخدامهم لوووووووول :dddds:

و شلون تستخدمونه ؟؟

كل وحده تقول تجربتها مع البخار والسونا و شنو استعمالها لهم و شنو شافت من نتيجه ؟؟

 

[*نور الكويت*]

هلا والله


حتى آنا ابي اعرف

اذكر بنت خالي تقول تشوف البنات بالنادي قبل لايدخلون البخار
يلطخون اجسامهم بالخلطات والسنفرات
تقول يطلعون لوون ثااااني لونهم ورردي ماشاالله

بس السونا ماعندي فكرة

 

[daloo3ah]

وناسه !!
وين الخبرااااااااء يالله خيعلمونه .. انا بعد اشوف غرف البخار + السونا بالنادي و ما اروح والسبه مادري شلون

حتى الجاكوزي ..

 

[سبكهاوا]

الي اعرفه انه السونا اتضعف اتخلييج اتعرقيين وتطلع السوائل والسموم الي بالجسم

بس لازم اتعوضين اتشربين ماي وايد

 

[q8 nono]

مشكورين كل البنات الي ردوا
و البنات الي ما ردوا نبي تجاربكم

انا ودي اسوي خلطات و مغربي بس اخاف اموت داخل لووووووووووووول

 

[موزة ام فارس]

الي اعرفه انه السونا اتضعف اتخلييج اتعرقيين وتطلع السوائل والسموم الي بالجسم

بس لازم اتعوضين اتشربين ماي وايد

اختي ماعليج أمر تقولين السونا يخليج تعرقين
طيب البخار مو نفس الشي يخلي الواحد يعرق ؟!!!

عفية ردي علي محتاجه صح أعرف الفرق بينهم

 

[q8 nono]

وينكم بنات ؟؟

 

[ام لآلئ]

مرحبا حبيبتى البخاريستخدمونة حق تنظيف الجسم والسونا تقعدين فيها قبل الرئاضة بربع ساعة اح تساعد على حرق الشحوم بس عقب الرياضة يستخدمونها للاستراخ وانشاالله اكون فدتج حبوبة

 

[daloo3ah]

انا سألت مرت خالي .. الي اهيه حياتها وعشقها وروحها كله بالنااادي ,, وصارلها سنين في النادي يعني بختصار النادي شي اساسي في حياتها


تقول البخار اهوه السونا .. و لحد يقص عليج يقولج يظعف مااااااا يسوي ولاااااااااااااا شي بس مجرد انه يفتح المسامات .. ويطلع السمووم من الجسم .. بس سالفة انه يظعف انسي .. وجذابه الي تقولج امبلا يظعف ..

وكثرته مو زينه تسبب التنق .. و اصلا ماراح تقدرون تقعدون فيه انا اهلي من تجاربهم كلهم قالولي والله 5 دقايق ما تكملين @@

كلهم معتمدين على السباحه اكثر شي + الكلاسات

 

[الفزاعة]

السونا والبخار اتخلينهم اخر شي قبل لاتتسبحين وتطلعين
اول شي اترشين جسمج بماي وتلفين نفسج بفوطة وتدشين السونا تتمددين او تقعدين عادي ودلكي جسمج وسوي استريتش
السونا مافيها بخار بس حرارة.. بس لاتمين وايد يعني حدج ربع ساعة
عقب تطلعين اتدشين اتغسلين جسمج ويستحين بماي بارد عشان اتحركين الدورة الدموية..
عاد اهني خلي الفوطة برة ولبسي البكيني ودشي البخار فركي عمرج عدل وفروة راسج بس لاتاخذين سنفرة او كريمات داخل معاج! لاتوصخين الدنيا في ناس بتدش وراج! هم لاتطولين بالبخار ربع ساعة بالكثير! تطلعين وهني تتسبحين عدل وتتوكلين على الله

نصيحة اللي اساسا عندها هبوط بالضغط مو اتخيس بالسونا والبخار لانه الصاحية اصلا بتطلع فيها هبوط خصوصا اذا مو ماكلة
انا شخصيا مرة طلعت من السونا وطحت غشيانة محد درى عني لانه ماكان في احد
والله قمت ابروحي وشربت عمري ماي ودورتلي شي مالح اكله عقب عاد زفيت اللي يشتغلون قتلهم بغيت اموت محد درى عني شنوو هذا لول
يقووولون اتضعف بس ماحس انها اتضعف انا اسويها عشان النظافة والجلد الميت

 

[^^اليتيمه^^]

سونا حلوه بس كثرتها موزينه يعني مره الاسبوع تقدرين تقدين فيها نص ساعه بس
لازم تكونين مغطيه شعرج وووووووو يفضل لوتحطين كريم ودشين بعدين تدخلين تتسبحين بماي بارد


اما بخار حاله حال حمام مغربي

والله قلبتو مواااااااااااجع انا عندي اشتراك نادي ولا اروح بس انا اخذ وياي حمام زيت حق شعري
وووووووووصابون مغربي

مرات ادش بخاار اكون طالعه من رياضه فاتعب يعني ماشششششششد على نفسي واافرك وايد

 

[q8 nono]

مشكورين بنات عالرد

 

[^^ROSE^^]

انا لاتسبحت بماي حار وطلع بخار بالحمام اختنقت وحالتي حاله وانادي الخدامه تييبلي ماي بارد وانسدح عالسرير
هالدور ادش البخار ابسط فيه لو اموت
انا عندي غرفه البخار المنزليه اللي راسي يصير بره وجسمي داخل شحليلها بس اتعييز افجها واركبها ولا هي ترى تنفع حق اللي بيتلطخون ويحطون خلطات تلطخي وقعدي كثر ماتبين لان منتي مختنقه راسج بره
ولاخلصتي تفركي وخلاص

 

[ANoOoNA]

يعني بالسونه بس احط ماي وادش عادي اقعد فيها ربع ساعه ..
والبخار اقدر احط اي كريمات وادش ..!؟
وبعدين عادي اتسبح . بالحوض ولا سباحه عادي لما اطلع .

صج نبي نستفيد لان حتى انا ماعرف ..

 

[ANoOoNA]

ماكو احد يرد !!!؟

 

[كليه البنات]

والله انا بين كل فتره وفتره قبل لا انزل اسبح

اغسل جسمي وادش السونا ,, الاحساس داخل جنج قاعده بالسياره بدون تكيف بعز الصيف

لوول بس والله احسها اتضعف واتخلي الجسم يعرررق


اطلع اغسل جسمي وادش غرف البخار .. احنا بتشامبيز في غرفتين وحده تستخدمين كريمات

والثانيه بدون كريمات ...

انا ادش اللي بالكريمات اقعد شوييي واحط حمام زيت وو احط صابون مغربي او اي خلطه

اتم شوي واطلع اروح اتسبح عادي


غلبا اسوي السونا بعد الرياضه على طول .. وبعدين اغسل جسمي وانزل اتسبح وقعد بالجاكوزي ..

عقبها اروح البخار اتفرك .


: وبس