البحرين

[شربات]

:68_asmilies-com: شلونكم يا كويتيات

أدري بتقولون البحرين قديمة بس الصراحة خبري فيها عقب الغزو على طول بعد التحرير

واللي سمعته بس في مجمعين العالي والسيف

بس بغيت أعرف شنو المحلات المشهورة عندهم حق :

الحريم من (( ملابس - عبي و ...إلخ ))

اليهال شغلات مو موجودة بالكويت

ومنكم نستفيد :tek:

 

[ام الاموره]

بما اني توني راده منها راح افيدج باللي اعرفه

اللي موموجود عندنا :

محل سيفورا بالسيف مكياج وعطرور خذيت منهم قلوس يكبر الشفايف (مادحينه لي البنات بالمنتدى

وعندج سوق المحرق مترووووووووووس محلات عبي وملافع

والحلوى راح ادووووووخيييييييييين من كثر محلات الشويطر بس احنا سألنا ناس خبره وقالوا لنا ان محل حسين محمد شويطر بالمحرق و اهوا التوب واللي عليه الدوس وخذينا منه الحلوى الملكيه واحنا رادين بس اطلعت روعه والكل استخف عليها ... لااطوفكم


وسامحينا على القصور

 

[شربات]

جزاك الله خير على المرور والرد الطيب

 

[اوركيدا]

المجمعات .. العالي اغلب المحلات ماركات .. حق لصغار كلش فالقسم اليديد من مجمع في محل فوق اسمه One Moment Please يبيع بدلات ماركات وايد حلوين .. وبضاعته يديده .. عندهم قسم خاص ملابس اطفال او اغراض للرضع من Dior او في محل خاص فالعالي حق Baby Gap ..
فالعالي محل عبايات اسمع الزمرده في له فرع فالسيف بعد .. عنده عبايات كلها سوارفسكي .. اشكال او انواع ..
او عندج فالعالي ياقي المحلات اغلبها للاكبار .. في محل Coach او اهيا ماركه امريكيه معروفه وايد حلوه جناطهم ونعلهم ..

السيف .. محلاته اغلبها عندكم فالكويت .. بس طبعا انتي اذا رحتي بتعرفين .. السيف مكبرينه فيه القسم اليديد والقديم .. واهناك بيستانسون فيه محل العاب يمها مطاعم ..

العبايات مثل ماقالولج البنات سوق المحرق اكثر شي .. محلات العبايات فهالشارع كل محليين او ترك .. او قاصصيهم اهم شي ..

عندج المطاعم برى .. يسار العالي في صفة مطاعم لازم تروحون ليلو .. وااااااااايد حلو .. قعدته تينن ..
او انصحج غدى العشى زحمه ..

اذا تحبون السي فود روحو منتجع البندر .. Fish Market احلى اكل بحري بتاكلونه بحياتكم والبندر .. في برج سباحه والعاب للاطفال .. موجود بمنطقة ستره .. منتجع بحري اهوا ..

هذي اللي يذكرني اللحين او حياج الله

 

[شربات]

ميرسي اوركيدا على المعلومات الحلوة

 

[السولعية]

محلات العبي عندج شارع بكواره في الرفاع كله عبايات