الباريسياترشحولي احسن الفنادق اللي سكنتوها

[ايمان80]

شلونكم ياحلوات

ابيكم ترشحولي احسن الفنادق اللي سكنتوها بباريس

واماكنها سواء بالشانز او لاديفانس او عند ايفل

مع وصف الغرف من حيث النظافة والاسعار

وشنو احسن منطقة سكنتوها بباريس
وهل كل فنادق باريس مطله علي برج ايفل

لان ناوية اروح انشالله ومحتارة احجز اي فندق

وودي اسكن بالاديفانس بس اخاف تكون بعيدة عن الشانز


ناطرة ردودكم

 

[احبك ياارب]

هلا حبي
ارشحلج اداجيوا في لادفانس
شقق حلوه ورخيصه بعيده عن الشانز بس اذا بتروحين بالقطار خمس دقايق الا انتي واصله والمحطه قريبه منها لاتحاتين
أنا حبيت الادفانس اكثر كل شي حولج وقريب منج
الشانز
عندج الماريوت روعه بس غالي
وعندج كلارج موذاك الزود واسعاره زينه

 

[ايمان80]

شدعوة وين ردودكم يالباريسيات

شنو الفنادق اللي سكنتوها وشلون مستواها ومكانها

 

[احبك ياارب]

شدعوه فديتج ردي مب كافي
حز بخاطري ولا جني مجاوبتج

 

[الحلا مبتليها]

والله ما اعرف لباريس

بما اني دخلت قلت لازم ارفع الموضوع على الاقل

 

[ام حتحوتين]

والله حلمي اسافر لباريس

وياليت كنت اقدر افيدج

 

[ايمان80]

شدعوه فديتج ردي مب كافي
حز بخاطري ولا جني مجاوبتج

حبيبتي والله سوري كتبتلج شكر بس الظاهر علق الاي فون معاي

ماقصرتي يالغالية عالرد
بس ماودي اسكن بلاديفانس

شلون هالمنطقة فيها مجمعات وقهاوي ومطاعم والا تصير صخة بالليل


واعذريني مرة ثانية وحقج علي

 

[غٌربَة مَشَشآعِر]

رفع لعيونج ماعندي خلفيه عن باريس
ان شاءالله شهر 6 مسافره لهاا

 

[كُن معي يالله]

عسى الله يهنيك بروحتك يارب وانا ماعندي خبره فديت روحك باذن الله راح ازروها بخير وعافيه لان بخاطري فيها هي ولندن
وافيدك ~ شدعوه بتستناك لول

عسى الله يوفقك لما يحب ويرضى

رفع لعنونك

 

[ايمان80]

ماقصرو اللي رفعو الموضوع

يالله البنات اللي راحو باريس
شدعوة وين ردودكم 

 

[Joy Designs]

عن نفسي ارشح لج فندق كاليفورنيا شانزيليزيه دايما اقعد فيه
وفندق كلاردج
وفي فندق الكونكورد لافاييت بس ماعجبني

 

[om 5aloody]

شوفي حبيبتي اذا ميزانيتج مفتووحة اسكني بماريوت الشانزلزيه ماعليه كلااام يهبل بس غاالي
انا لما رحت سكنت في فندق وارويك بالشانز قريييييييييب حيل خطوتين عن الشانز حلو ونظيف بس عيبةه
الحمام عزكم الله مقسم الى حمامين واحد للمرحاض والثاني للمغسلة والدش........
اذا تبين نصيحتي .............

لا تسكنين الا بالشانز لانها منطقة حية وونيسة

اي سؤال انا بالشوفة

 

[Ḿ Ϊ$$. Ḿ Ē Ḿ Ē]

حبيبتي انا منزله موضوع عن اغلى فندق في باريس حلو وراقي شوفيه بالاثاث والديكور​

 

[ايمان80]

مشكورين اللي ردو

يعني تنصحون اسكن بالشانز؟

انشالله بتوكل علي الله وبدورلي فندق حلو

 

[ام مهاوش]

احسن شي تسكنين بالشانز او فنادق قريبه من الشانز بس فنادق الشانز غاليه اذا تقدرين ارشحلج فندق كاليفورنيا موقعه اينن عجيب الفندق بالشانز او عندج كونكورد لافاييت انا مجربته مشي عشر دقايق عن الشانز حلو وكله خليجيين وامان ولاصق فيه مجمع صغير فيه جم محل وسوبر ماركت ومحطة قطار وصيدله بس عيبه غرفه اشويه صغار
وجربت بعد ميريديان اتوال حلو الفندق بس عيبه باب الحمام تكرمين الباب زجاج وينسحب شفاف اشويه مايصلحلنا احنا المسلمين
واي استفسار انا حاظره

 

[law love]

اي انا قعدت بمريديان اتوال كان حلو و نظيف بس الغرف نتفه

بس والله خوش فندق

 

[المزيوونه]

السلام عليكم بنات
بغيت اسالكم عن فندق فرانكلين روزفلت اللي عندها اي معلومة عنه تلحقني بيها لاني حاجزة فيه الصيف الجاي من 17 يونيو الى 22