الباراسيكيولوجي , توآرد الخوآطر ..

[VET-Nour]

سلام ​

قبل أسبوعين [ بداية المدرسه ] لاحظت شيء غرييب جدا جدا جدا:eh_s(10):
و هالشيء الغريب جدا جدا جدا اهُو :
عندي بالصف بنت , فيها شبه مني بالشكل [ يعني مو حيل بس شويه ] و كلاّ ههآديه نفسي
المهًم الي لاحظته ان اشيا وااجد تشابهني فيها
و حتاا لما تقعد نفسيء ×~ ياللهول شيء غريب
و لما تكُون متأخره و الباب مصكّر ×~ ويت بشرحلكُم ​

تعرفون اشلون لما تكونون شايفين جدام مثلا
جدامج كرسي و طاوله !
فجأه بعقلج تداخلت صورة باب الصف , فهمتو علي ؟
يعني جنّه جدامج الباب و انتي قاعده و جدامج طاوله و كرسي ؟؟
يعني اشوف جذي و لا تدش الصف ؟؟
و قبل امس لما كنت بالساحه [ فرصه ] تداخلت بعقلي صورة صآلة البدنيه !
عاد انا من لقافتي رحت صالة البدنيه ولآآ أشوف البنت اهنأأك
انصدمت حدي
و بعد لمن ابي أسأل الأبله سؤآل [ لي الحين ماسألتها أكُون قام افكر اسالها ]
فجأه أهيآ تسأل نفس السؤآآل و أكثر من مره صار هالشيء ,
و حتا لما اعدل قعدتي اهيا اتعّدل و بنفس اللحظه !
و مره كنت بسألها سؤال و ماتكلمت جان اتجاوب على سؤآآلي مع اني ماسألتها ولا بطّلت حلجي
و اليوم بحصة الرياضيات الابله تشرح
وانا قاعده منتبهه و أسألت الابله اذا كنآ فآهمين أو لا ؟
انا فاهمه الدرس بس حسيت ان مو فاهمه
بعدين البنت قالت حق الابله انها مو فاهمه !! ​

يعني ماادري اذا كأن في توآرد خوآطر ؟
آمم انا فكرت اسالها يعني اقولها تفكر ابشيء و بعدين اقولها اذا صح او لا , بس تراجعت
,
انزين فَـ ودي اتناقش معاكم بهالشغله الي صارت معاي و شكلها مستمره ,
و اهيا اول سنه معاي بالصف يعني كنت اشوفها بالمدرسه بس مااعرفهآآ ..
.
وهذا الي عرفته عن توارد الخواطر [ الباراسيكيولوجي ]
..
اسمها تيليباثي و اهيا ظاهره باراسيكيولوجيه غريبه و حقيقيه
و اهيا ظاهره انتقال صور و افكار من انسان حق ثاني بدون استعانه بأي حاسه
و فيها نوع من الاتصال الغير مفهوم بين الشخصين
يعني لمن تفكرين ابوحده فجأه تدق عليج ؟
أو لمن تفكرين ابشغله و تسالين وحده تعرفينها عن هالشغله الي تفكرين فيها و تطلع اهيا تفكر فيها بعد ؟
أو أي شيء من ألي صآرو حقي؟​

و ألحين كل وحده تسدح وجهة نظرهآ و تفسيرهآ للأشيآ ألي صآرتلي ؟ ​

 

[VET-Nour]

Up!!!
Up!!!

 

[.Nihal.]

انا متعمقة في هذي السوالف من سنين ودارستها عدل مدل

واؤمن فيها بس وايد ناس يعتبرونها خرابيط

التخاطر يختلف من انسان لي ثاني

في ناس قوة تخاطرها كبيرة

وهالشي اعاني منه .. ساعات تطري على بالي ناس مابيها وتطلع بويهي !! يا ربي شالدبرة :\

 

[حلاتي ابتسامتي]

يمكن تؤامك > فلم هندي لوول

ممم والله مادري ما صارلي هالشي هذا

موضوعك حلو مرررررررررررره

^^

 

[زهرة الفردوس]

والله مادرى احتمال تكون صدف او فراسه منج والله اعلم والفراسه انج تتوقعين شى ويصير

 

[^همآليل^]

^^^

الفراسه ماله علاقه باللي تتكلم عنده البنت
الفراسه معناه دراسة التبصير ومعرفة الطباع من خلال قراءة خطوط الجبين والوجه ))



اما اللي تتكلم عنه الباراسيكولوجي

الاسبوع اللي طاف بالميداني المشررف شرح لنا عنه نبذه بسيطه
الباراسيكولوجي موجود من زماااان وقديييم من ايام الرسول صلى الله عليه وسلم .. لكن للحين مااثبتوه كـ علم لان مايقدرون يسوون عليه تجارب ويطبقونه بالمختبر حسب المنهج العلمي



موقف صار لامير المؤمنين عمر بن الخطاب يقول

أن عمر بن الخطاب رضي الله عنه
كان له جيش يقاتل المشركين على رأسهم قائد يسمى (سارية)..
وقف عمر ليخطب خطبة الجمعة في المسجد، ولكنه قطع خطبته
وصرخ بأعلى صوته: (ياسارية .. إلزم الجبل)..!
يقول ساريه رضوان الله عليه ويقسم أنه عندما هم بمطاردة الأعداء
سمع صوت عمر في المعركة يأمره بالالتزام بالجبل
.حتى يظن الاعداء أنهم تقهقروا وانهزموا فيتبعوهم في مطاردة تبعدهم عن الجبل المعتصمين به فيطبقوا عليهم من خلفهم بالفرسان فيبيدوهم


الفكرة تقوم في أساسها.. على الاعتقاد بأن المخ خلال العملية الفكرية يطلق إشعاعات أو ذبذبات هي في الحقيقة عبارة عن (الموجات الفكرية)..



ويقولج الاشخاص اللي قلوبهم نظيفه ونقيه اكثر قدره على هذا الاتصال من غيرهم بهذا التواصل

والاشخاص اللي مزاجهم داايم عصبي صعب عليهم هذا الاتصال لانه يتطلب الهدوووء والتركيز والشفافيه لاجراء هذا الاتصال



وعلى فكره انتي تقولين البنت ماتعرفينها الا هالسنه صارت بصفج
ترا مو ضروري يكون الشخص تعرفينه .. عادي حتى لو مالج علاقه فيه .. لكن اذا كنتي تعرفين هذا الشخص يكون الاتصال اسهل واسرع



وبس
تعبت لوووول



،

 

[noni_q8]

يسلمواااااا الموضوع حده عجيب

 

[samyah a.o]

تصيرلي دااااااااااااااائمااااا
وصرت اخااااااااااف من نفسي ساااااااااعاااااااات ليش لأنها تجي واااااااااااضحه غالبا معي وهذا الي يخوفني اكثر سبحااااااان الله

 

[بنت النوخذا]

انتي يمكن عندج الســـنسر قوي هههههههههههه​

مثل ما قالت لج كـآيـدهـ
انه في الاشخاص اللي قلوبهم نظيفه ونقيه
اكثر قدره على هذا الاتصال من غيرهم بهذا التواصل
انا كنت اقري عنها اهي تقريبا اتصال فكــري مثل توارد الخـــواطر
و العلماء في الاونه الاخيره ترجموها الي ...... الموجات الفكريه
باعتبار انها تلزم و تستقر بالدماغ و الفكر ​

بس لا تخافين من هالشئ بالعكس انتي عندج الفكر التشغلي القوي
و السيطره علي بعد او ما يسمونها الــهاله الفـــعاله
و هي الشئ بيخدمج اذا اشتغلتي في مواجهه عمــــلاء او زباين ..... الخ
وهي الطاقه الايجابيه الاقناعيه ​

نصيحه
تعرفي علي البنت بس لا تقولين لها عن احساسج
تعرفي علي ميولها و تفكيرها و شنو تحبه و شنو هواياتها
ممكن تكتشفين شئ حلو وتكون صديقه حميمه لج
:eh_s(15)::eh_s(15):​

 

[صب القفشه]

ماا فهمت السالفه عيديها بشكل مختصر

 

[امل وكلي آمآل]

سبحان الله فعلا
قبل امس كنت بسوي حركه مع وحده باجتماعنا شفتها سبقتني وسوتها معي وصرت مقهوره لحد الصبح افففف

 

[ساره أمها كويتيه]

ههههههههههههههههههههههههههههه
يسلموووووووووووووو حيااااااااااااااتي موضوووووووووع حلووووووووووووو

 

[VET-Nour]

منورين

منو صار فيها جذي ؟
وأقدر اقوي هالتوارد ؟! @@

 

[meme>the best]

يمه شي يخوف o_o بس صج وناسه الحين لما تتظاايقين اهيا تحس فيج ياعيني ياعيني لااااااا وبتقوين هالتوارد بعد كخخخخخخخخ

والله ماعرف عن هالباراسيكيولجي ولا شي ياريت اقدر احصل نفسج بس اذا تقرى أفكاري لا والله ماابي بتفضحني هههههههههههه

بالتووووووفيق حبوبه ^_^

*

 

[عشقك وطن]

انا مؤمنه بهالشغلات

لانها قد صارت معي


في شي ثاني اللي لما يصير قدامك موقف وانتي تحسين انه صار قبل يعني لما يصير الموقف قدامك

تقولين هذا صار وعارفه وش صار فيه والحوار اللي انقال عاد مدري وش يسمونه هذا الشي علم جديد بعد


:$

 

[VET-Nour]

هههههههه
up
up
up

 

[~..samar]

تدرين آنا واختي شآكين انه فينآ هالشي لوول والله كم مرة ودي اعلق على شي اتعلق نفس الي بقوله او ف بالي سؤآل تسأل نفس السؤآل بالضبط حتى اختي الثآنية تحتر منآ اتقول اشمعنآ لووول .. بس بصرآحة ياختي احسه حلوو جنهآ تقرآ افكآرج .. وآنآ مستآنسة حسبآلي احنا الوحيدين ف العآلم ههههه ..​

 

[ام سعود ديكسون]

اي وايد تصير معاي افكر بشخص و اشوفه بعد مدة قصيرة
وهذي ظاهرة ما عرفوا يفسرونها علميا
و أنا قمت أخاف افكر بالأشخاص غير المرغوبين صراحة )

 

[Tom ♥ Jerry]

.


تصير دايما وياي .!
مرات حتى اقول انا وآختي أو انا و ريلي أو انا و رفيجتي
مره وحده نقول كلمه في بالنا انا و الشخص هاذا :/

و تصير معاي وايد ،
يعني ارووح مكآن آحس اني بشووف فلانه وصج اشوفها

 

[Ray.Bana =$]

وناااسه لووووووووووول جنه فلم لما يصيرلي جذي