~الا يا كاره افراحي خلاص لاتعذبني~ }واقعيه {[ روآيه مسمُوح بهآ ]

[miss disaster]

~الا يا كاره افراحي خلاص لاتعذبني~ }واقعيه {

مقدمه :
1القصه اللي راح اكتبها واقعيه صارت حق ناس اعرفهم واحداثها فيها شوي من الجرأه وراح تكون الاحداث باسلوبي

2-كل يوم راح يكون اكو بارت (باذن الله )
بس اذا المنتدى خرف ووهقني ارجو انكم تنطروني

3-وبليييز لما يكون اكو بارت لا تقولون قصير راح احاول اطول كثر ما اقدر والبارت يتكون من جزأيين

4- اتمنى اشوف ردودكم وترى اتقبل النقد بكل رحابة صدر

5- اي سؤال تبونه انا حاضره

6- ما احلل اي وحده تنقل القصه بدون ذكر اسمي miss disaster
وبدون ما تذكر منتدى كويتيات (هذا تجنبا للي صار مع الكاتبات قبلي )

7- القصه راح تكون اغلبها بلسان بطلتها ريان او مناير

الحين راح انزل جزء من البارت الاول .......

 

[miss disaster]

رد: ~الا يا كاره افراحي خلاص لاتعذبني~ }واقعيه {

بسم الله الرحمن الرحيم
بارت (1)​

يوم الجمعه بعد الصلاة .....
وقفت اطالع نفسي بالمنظره واقول (في نفسي): متى اضعف اف مليت من المتن الكل يقولي جميله ومع الضعف تصيرين اجمل هاذي انا بطلتكم ريان

امي من الصاله : ريون ..ريون
ريان :نعم يما
امي : يلا ترى تأخرنا
ريان : ان شاء الله يما كاني يايه

نزلت بعد ما خلصت لبس و رحت سملت على امي وابوي

ريان :يلا انا جاهزه نمشي
عبدالوهاب :ما بغيتي ؟؟!!!زرعتينا
ريان : لوووول ليش معصب كاني خلصت

واحنا رايحين السياره ابوي قال :ما تبيين تسوقين سيارتج ؟؟
ريان :بس يبا انا امس مطلعه الليسن ما مداني اشتري سياره
امي : بس انا وابوج شرينا لج السياره اللي تبينها
ريان :صج !! مشكوريين (كنت وايد فرحانه )ورحت بستهم على روسهم

طلعت وشفت السيارة وصج كانت رنج سبورت موديل السنه

عبدالوهاب :يه يه من قدج بنت ابوج يلا الحين مالي شغل فيج لازم تقززيني
ريان : ولو وهابي من عيوني
ابوي :ها ما راح تودينا بيت يدج؟؟
ريان :امبلا اكييد يلا ركبوا ...
وطلعنا من الضاحيه رايحين جنوب السره .......

خل اوصفلكم عايلة ريان :
**ابو ريان :ريال بالاربعيين حبوب وغشمرجي وايد والكل يحبه لانه راعي نكته
عنده شركات وبزنس ووايد يحب عياله ويخاف عليهم وله اسمه ووزنه بالسوق
**ام ريان : مره حدها طيوبه والكل يحبها ويحترمها وعلى الرغم من انها سيدة مجتمع الا ان عيالها لهم الاولويه في حياتها و عمرها هم بالاربعيين بس اللي يشوفها يعطيها بالعشرين من كثر ما اهي ناعمه ما عندها غير ريان وعبدالوهاب
**عبدالوهاب :طويل اسمراني شعره اشقر على امه وعيونه رماديه هم على امه اهو مثل الرسمه كل اللي يشوفه يطالعه قصبا عنه من جماله عمره 17 اصغر من ريان بسنه
____________
** الحين ما راح اوصف ريان بخليها بعدين

وصلنا بيت يدي ونزلنا وكان ولد عمي بره (هذا ابوي مربيه من وهو صغير من قبل حتى لا انولد ) اسمه حمود

حمود : شلونك عمي ؟ شلونج خالتي ؟
امي وابوي : احنا تمام انت شلونك ؟
حمود :والله تمام عبدالوهاب شلونك ؟
عبدالوهاب :انا تمام عساك بخير ؟
حمود :الحمد الله .. والتفت وطالعني ريان شلونج ؟
ريان (بنفسيه ) :انا بخير وخليتهم ودخلت

اكيد انتو مستغربين ليش انا اكلمه جذي ؟؟ حمود هذا يحبني وانا ادري وتقريبا الكل يدري ما احب اعطيه ويه عشان لا يفهم غلط !!!
دشينا داخل وسلمت على الكل لحد ما وصلت عند مناير بنت عمي

مناير :يه يه محلوه شعندج يلا اعترفي ؟؟
ريان :لووول الناس يسلمون اول !!
مناير :الحمد الله على السلامه تو ما نورت الكويت وما قلتيلي شعندج محلوه ؟؟؟؟!
ريان :لوول الله يسلمج ومنوره بوجودج

بنفس هالوقت رن تلفون مناير وحطته صامت

ريان : مو عادتج التلفون صامت
مناير :ها لا بس هاذي وحده مليقه ما ابي ارد عليها
ريان :خلاص عطيني ارد عليها اقولها مشغوله
مناير :ها لا خلاص سكرته
ريان : (بديت امثل العصبيه ):من متي تخشين على هااا ؟؟؟​

ومن هني راح تبدي قصتنا 
تتوقعون منو اللي داق على مناير ؟
وليش ما قالت حق ريان ؟؟
ناطره ردودكم عشان اكمل .....​

 

[shoOshii]

رد: ~الا يا كاره افراحي خلاص لاتعذبني~ }واقعيه {

wnassa ana awl w7da ared 3lach
al.stooory shklha waaw
bs ma ra7 a3l8 naw 3la al.sh59yat lma a3rfhm 3del bl.partat al.yaya
wating the next part

 

[Dnoona]

نآآآيس
يعطيج العآفيه حبيبي
ونآطره البآرت اليآي

 

[حقووقيــــــه]

واو بدايه حلووووه ..

ناطرينج

 

[»άGώâ ми àώàŁ«]

وصـــلت :$
.
.
.
احــم تعلقي اول شي لازم
امم
ريآن :حرام يعني خل تعطي حمود ويهه !
.
.
وننطر البارت الياي ونشوف شيصير

 

[miss disaster]

رد: ~الا يا كاره افراحي خلاص لاتعذبني~ }واقعيه {

wnassa ana awl w7da ared 3lach
al.stooory shklha waaw
bs ma ra7 a3l8 naw 3la al.sh59yat lma a3rfhm 3del bl.partat al.yaya
wating the next part

امممم يسلمو على المرور والرد الحلو نفس صاحبته :ggdw:

وان شاء الله بالبارتات اليايه بتعرفينهم اكثر :eh_s(6):

 

[miss disaster]

نآآآيس
يعطيج العآفيه حبيبي
ونآطره البآرت اليآي

الله يعافيج حياتي وان شاء الله الحين انزله

 

[miss disaster]

واو بدايه حلووووه ..

ناطرينج

حبيبتي انتي الحلوه

والحين انزل الباجي

 

[miss disaster]

وصـــلت :$
.
.
.
احــم تعلقي اول شي لازم
امم
ريآن :حرام يعني خل تعطي حمود ويهه !
.
.
وننطر البارت الياي ونشوف شيصير

لوووووووووووووووول شدراج يمكن تعطيه ويه ؟؟!!!!

الحين انزل الباجي

يسلمو على المرور:eh_s(6):

 

[miss disaster]

تابع بارت (1)

راح ابتدي بوصفي لريان ومناير

**مناير : بيضا طولها زين عيونها بنيه وضعيفه و نعومه و شعرها بني قصير ومتحجبه عمرها 19
**ريان : طويله طول عارضات الازياء متينه بس متنها ضايع مع طولها عيونها وساع وناعسين لونهم بني فاتح ماخذه جمال امها من شفايف مرسومه الى العيون الناعسه وهم ماخذه من ابوها طوله ولونه البرونز (مو تان ) عمرها 18
_____________
مناير : ريون ما تعودت اخش عليج شي بس ادري راح تعصبين وتزفيين توعديني ما تعصبين ولا تزفيين ؟؟
ريان : ما اوعدج (كنت شاكه بموضوع ) بس اسمعج
مناير انزين بقول بس مو هني
ريان :اوكي ثواني ....

رحت عند عمي صالح وقعدت يمه والتفت علي

ريان : عمي ممكن طلب ؟
صالح : امري حبيبتي
ريان : ممكن اخذ منور ونطلع ؟؟
صالح :وين ومنو بيوديكم ؟؟
ريان : وين ما ادري ؟بس منو بيودينا انا بسوق
صالح : شلون تسوقين وانتي ما عندج سياره ..لا ماكو ماتروحون
ريان :عمي تكفى..و من قال ما عندي سياره امس ابوي شرالي وحده
صالح :اوكي خل تروح ترى بس لانها معاج ولا لو مع غيرج جان ما رضيت
ريان مشكور وما تقصر (بسته على راسه )

خل اوصف شخصية عمي : امم شخص ملتزم الله ما رزقه صبيان بس عنده بنات كان وايد يخاف عليهم و ملبسهم عبي و مو كل وقت يطلعون

وانا رايحه كان قاعد يتغشمر ويقول :ترى ناطر العزيمه هاا
ريان :اوكي من عيوني

استأذنت من امي وابوي ورحت حق منور

ريان : منور قومي لبسي عباتج بسرعه خنروح قبل لا ابوج يهون
مناير :وين بنروح ومنو بيودينا ؟؟
ريان : وليي انا اللي بوديج قومي بسرعه ولا تقولين حق احد

وراحت لبست ويت وبعدها طلعنا بره وشافت السياره

مناير : واي يا حظج السياره عجيبه مو سيارتي الكحيانه
ريان : لوول قولي ما شاء الله وسيارتج ما فيها شي بعد شتبين اكثر من لكسزس موديل السنه اللي طافت هاا ؟؟؟!!!
مناير :صح معاج لكسزس بس مو رنج سبورت وموديل السنه
ريان :خلصينا ركبي

رحنا عقبها لونتور البحر وقعدنا وطلبنا

ريان : قلتيلي بالبيت ما اقدر اتكلم يلا الحين تقدرين تحجي
مناير : هااا اوكي الحين اتحجى
ريان :يلا اسمعج
مناير :شفتي اللي مساع كانوا داقين وانا سويت لهم صامت
ريان :اي (بديت اعصب )
مناير :بلييز ريون لا تقاطعيني ولا تعصبين ..هذا واحد تعرفت عليه وخاطبني من يدتي بس امي وابوي ما يدرون
ريان (بعصبيه ) :نعم !!! وشلون عرفتيه ؟؟؟
مناير : تذكرين قبل لا تروحون سويسرا لما ييت الضاحيه وودعتج طلعت منكم على الحب واهو شافني ولحقني وما فج الا لما خذا رقمي

خلونا نروح حق هذاك اليوم ......
بشارع الحب كان واقف بسيارته السوده معلى المسجل ويتحلطم
الولد: افف هالبنات صايرين كلهم واحد وما في وحده عنهم غير ابي وحده خام للحين ما اتعرف شي والتفت يمين شاف بنات بس ما اعجبوه والفت يسار وشافها
كانت تحوس بسي ديات السياره وتدور على سي دي اصاله
الولد : اي هاذي شكلها غير وبسرعه ينقص عليها لازم اييبها يعني اييبها

ولحقها لحد ما وقفها غصب
اهي طبعا خافت وقفلت البيبان وخلت الدريشه شوي مفتوحه واهو حاول يبطل الباب ما قدر فضل يترجاها من الدريشه

الولد :نزليها شوي بكلمج
مناير :شتبي فيني (وفيها بجيه )
الولد : بصراحه عجبتيني وابي اتزوجج عطيني رقمج
مناير : وانا ما ابي غصب ؟؟ ونزلت الجامه شوي لحد ما صارت نص
وظلت تكلمه عشان يروح ويوخر بس اهو معند لحد ما انتبه على تلفونها وسحبه ودق على تلفونه

الولد :الحين ما تقدرين تتهربين مني واسمي : حمد
مناير :ما تكلمت بس يرت يلفونها وصكرت الدريشه

نرجع للبنات في لونتور
ريان (ضغطها واصل مليون ) : وبس قال ابي اتزوجج صدقتيه ؟؟؟
مناير : اهو كلم يدتي وقلها بس يخلص دورته بيتقدملي
ريان : جم مره اقول اللي يسون جذي عطهم طاف ولا تردين عليهم وشكو نزلتي الدريشه هاا ؟؟؟
مناير :ريون لا تعصبين 
ريان : طالع تقولي لا تعصبين تدرين هذا غلط وانا ما احب الغلط ما تخافين ابوج يدري ولا امج شراح يسوون فيج هاا ؟؟؟
مناير : فهميني ريون انا مو لا قيه الحب في بيتنا احنا بيتنا مو مثلكم ..تدرين ابوي قاصبنا على العباة وما كو طلعه الا بالحسره واذا طلعنا لازم معاه ولا مع امي .. رفيجياتي ما اطلع معاهم ولا اسوي اي شي الا لازم يدري
ريان : ولو هذا مو عذر ؟؟؟!!!!
بهالوقت رن تلفوني وكانت امي
امي :ريون ردي عشان بنروح بيت يدتج اليوم العزيمه نسيتي
ريان :لا يما ما نسيت راح امر البيت ابدل وايي عشان نروح (كان معروف عن ريان انها كشيخه حتى واهي متينه )
امي : يلا وديري بالج بالطريج اوكي
ريان : ان شاء الله
مناير : امج فيها شي خير شبغت ؟
ريان : ما فيها شي بس تقول ردو

وديت منور البيت ولحقت امي وابوي لما بيت يدتي
نزلت من السياره وانصدمت باللي شفته ؟؟؟

تتوقعون ريان منو شافت وليش انصدمت ؟؟
وشنو نهاية مناير مع حمد؟؟

 

[كويتية و النعم]

حلوة الرواية
يعطيج العافية حبي
ناطرينج

 

[miss disaster]

حلوة الرواية
يعطيج العافية حبي
ناطرينج

الله يعافيج وان شاء الله اليوم عال 11 اكو نص بارت

 

[rayona]

mm madri lish 3ndi e7sas enah 7mad mn el no3 eli yL3ab 3La iLbnat oo neyeta mu 9afya ==>> bs ymkin y9er 3ks eli atwg3a oo e7sasi y6La3 '3aLa6 .. Oo thnx 7yati 3La iL part na6riniiich :wqedqw:​

 

[الاحاسيس المبهمه]

من المتاابعيييين ..
حجزيلي السطره الاولى رجااءن ^_^

وحبييت رياان ...

وجنهااا اناا اناا متيينه وطوييييييله والمتن ضاايع ^_^

ونااسه حبيييت البطله لوووووووول

ونااطريييينج ... ياقوومر ( شفيه عبدالحسين عبدالرضاا @!؟)

 

[shoOshii]

lool 3jbtnii ryoun sh59ytha twnis :ggdw:
mm o0 mnour madrii bs mskena a7s bsr3a ynga9 3leha
bs bfham shlon 5a6bha mn ydtha o0 ydtha ma galat 7g a7ad :ggdw:m38oula ?!
o0 thenQQ 7ubii 3la al.part
o0 ur storey mbayena mn awlha 3jeba
wating al.nu9 part al.sa3a 11 lool :eh_s(6):

 

[P!NKia]

يسلمووو
ومن متابعينج

 

[بيـــشو17]

القصه شكلها واااايد حلوه وتشووووووووق
ناطرين بارت
مشكوره حبيبتي

 

[بيـــشو17]

القصه شكلها واااايد حلوه وتشووووووووق
ناطرين بارت باجر ان شاء الله
مشكوره حبيبتي

 

[miss disaster]

mm madri lish 3ndi e7sas enah 7mad mn el no3 eli yl3ab 3la ilbnat oo neyeta mu 9afya ==>> bs ymkin y9er 3ks eli atwg3a oo e7sasi y6la3 '3ala6 .. Oo thnx 7yati 3la il part na6riniiich :wqedqw:​

اممم ماتدرين يمكن احساسج صح ويمكن لا تابعيني وشوفي_03ba: