الايفون

[مارشميلو..]

مرحبا بنااات
شخباركم
واضح لكم العنوان ادري مسبب لكم الايفون مآساة ههههه
بغيت اخذ رايكم
زوجي يبي يشتري ايفون بس للحين مااشتراه
لاني قايله له اذا شريت لنفسك تشتري لي انا بعد
وشكله مستخسر يقط الفلوس على جهازين بنفس الشهرهههههههههه
يقول انا الشهر الجاي وانتي اللي بعده قلت لا لالا مع بعض
انا بصراحه ماودي فيه عادي ماتهمني الاجهزه والتلفونات واجد
بس من سوالف الناس عنه احس في خرابيط وااجد خايفه منه
ابي يكون عندي عشان اعرف شلون يستعملونه وشنو اللي فيه
واقدر اعرف زوجي شنو يسوي فيه
لاتلوموني بس انا صدت عليه قبل سوالف صحيح انه تاب وماعاد يكلم بنات
بس الثقه احس عمرها مارح ترجع مثل قبل لو شنووووو لو مرت سنين
والله للحين بنات كل مااتذكر انه كان يكلم وحده غيري اموووت
اتخيل كل شي واتذكر شلون واجهته وكل شي صار بالتفصيل كنه صاير امس
خاااااايفه ينعاد هالشي
الايفون كله برامج تعارف وخرابيط اخاف يرجع مثل قبل ويتعرف على بنات

انا لو عاندت وسويت سالفه مارح اخليه يشتريه
بس بنفس الوقت ماودي اصير شكاكه لهالدرجه
واخاف تصير مشكله بينا عشانه
قبل كان يبي بلاك بيري واشتراه بس ماخليته يستعمله وسويت سااااااالفه شكبرها
لما عطاني الجهاز وحطيته بالكبت وليومكم ماقال وينه
بس اخاف يقول عطيتها وجه هههههه ويعاندني ويشتري الايفون غصب عني

بدون شك اللي يبي يخون بيلقى الف طريقه مو بالايفون ولا بيبي
بس زوجي نوعيته مو راعي طلعات ولا يروح مجمعات ولا شي
يعني من الدوام للبيت لاهله
اذا بيطلع يوديني السوق وطول الوقت يمشي معاي
وماكان يعرف نت ومسنجر ولا شي بس شرا لابتوب
واول شي سواه فتح موقع العاب وتعرف على بنات
وعطاهم رقمه بعد
وربعه هم اللي يرسلون له عالميل افلام خايسه مثلهم
عاد من يشتري ايفون بيشتغلون 24 ساعه عالواتساب:eh_s(16):

ادري بتقولون لاتراقبينه وبتتعبين بس والله غصب عني
اللي جربوا الخيانه شلووون تجرح وتقهر بيفهموني اكثر

عسى الله لا يوريكم هالشعووور يالغاليات

ومعلومه اخيره
ترى زوجي للاسف مايتأثر من الناحيه الدينيه
لانه مو ملتزم واجد ومقصر بصلاته للاسف الله يهديييييييه
هذا اللي مخوفني اكثر
خلصت كلامي
قولوا لي شرايكم انتو

 

[مارشميلو..]

>>>>>>>>>>>

 

[زوجة عزيز]

فديتج والله عااد انتي لا تفكرين هالكثر بتتعبين وترا كلهم عندهم اي فون وبي بي واكا انتي قلتيها اللي بيخون بيلقى له اكثر من طريقه غير هالطريقه انا اقول خليه ووكلي امرج الله والله يسخره لج لان الريايل صعب تمنعينهم من شي خوفج يطلع له من وراج وتكبر السالفه

 

[مولاي الفرج]

كل واحد يمشي بالطريج اللي يعجبه حسب اخلاقه

خليه يشتري يامعوده وانتي اشتري عليج بالعافيه

 

[فلنتينو]

اممممم
انا بعرف ليش مسببلكم الايفون مأسي
عادي راقبي تلفونه
او اشتري نفسه ايفون

كل واحد وذمته وضميره

 

[روزماري]

آنـآ آشوف الايفون مو لهدرجة ررعب ترآ نفس اللاب
خليه يشتري عـآدي وآنتي آشتري الشهر اللي ورآه

 

[مسك وطيب]

الله يهديه يارب

 

[_Pure_]

حبيبتي الايفون حاله حال اللاب توب

اهو عبارة عن كمبيوتر صغير متنقل و فيه كل انواع البرامج

اذا زوجج يبي يخون مو لازم ايفون يقدر بالكمبيوتر

انا اقول خل ياخذلج واحد معاه ترا وناسة انتي و زوجج ايفون

الله يهدي زوجج

ادعيله بالهداية بكل صلاة و كثفي الدعاء و النصيحة في رمضان

 

[ام الحوراء زينب]

ههههههه حبيبتي تعاملي ويا الريال نفس البيبي
اذا يبي يخربط والله لو عنده بوليت يخربط فيه
واللي يبي الفساد منتشر
بالعكس عطيه الثقه وحسسيه انج واثقه فيه

 

[happy january]

انا شريت الايفون قبل زوجي عادي وكنت اقنعه فيه وكان رافض وراح شراه عقبي بشهرين وزوجي واثقه فيه ماعنده خرابيط

لله الحمد ... عينه مليانه

 

[مارشميلو..]

مشكورين بنات

 

[مناير ...!]

هني بالمنتدى حدكم مكبرين سالفه الايفون
حبيبتي الايفون اهوا نفسه الايبود الي مع اليهالو
وخلاص مع كل الناس
لاتفكرون جذي
عيل لاتخلون ازواجكم يروحون الدوام بروحهم
يمكن عند الاشاره يصادف وحده حلوه
او لاتخلونهم يدشون الجمعيه بروحهم يمكن يرقم وحده

فكري حبيبتي بمنطق

 

[مارشميلو..]

وينكم بنات

 

[Tom ♥ Jerry]

,

آهوة شاري ايفون شاري ! سواء رضيتي و لا لأ !
فـ خلج رآضيه آحسن يعني

بعدين مثل مآ قال آهوة الشهر هاذا وآنتي الشهر الياي
عشان تحآفظون على الميزآنيه .،

وبعدين آنتي على طول قوي آيمآنه بالله
ذكريه حق الصلاه يروح يصلي بالمسيد الي يتقرب من ربه
مآ يسوي الحرآم (= ! .,،

 

[مارشميلو..]

Up>>

 

[مارشميلو..]

Up>>

 

[عود ماليزي]

حبيبتي لا ياخد الايفون نصيحه زوجي 24 ساعه نت وخرابيط وافلام ورقص لاتخلينه ياخد للعلم زوجي ماتزم بصلاته وحاج اربع مرات بس الخراب صار سهل بالمخبا حبيبتي غصب ينحرفون

 

[راعية الطويلة]

المفروض تزعلين و تخافين على تفريطه بالصلاة

بالعكس الآي فون فرصة
فيه برامج حلوة دينية و ثقافية
و بعدين هو مو ولدج عشان تاخذين منه التلفون
اللي تصرفوا مثلج و حاولوا يسيطرون
خسروا أزواجهم
خلي ثقتج بالله
و كل ابن آدم خطاء
انس سالفة خيانته
و تعاملي بثقة معاه
الله يو فقج
و يصلح أموركم
و يهيديكم لطاعته و مرضاته

آمين

 

[شووقة]

الحين الكل عنده ايفون عادي حبيبتي خليه ياخذ وياخذلج
وانسي الماضي وحاولي تثقين فيه

 

[لبى عيونه]

حبيبتي حاولي تقنعينه باسلوب شوفي يمكن يرضا واذا مااقتنع وكلي امرج لله وراقبي تليفونه ترا الحين كللل التليفونات تقريبا فيها نت وواتس اب وغيرهاا فارتاحي ولاتفكرين حييل وخصوصا قدامه تخلينه يتمسك اكثر فيه ويعاند