الاوراق المطلوبه لمعاملة معاش الطلاق

[جلكسيه اس 3]

السلام عليكم و رحمة الله و بركاته

بنات ضروري ابي شنو اودي معاي من اوراق عشان ابيهم يمشونلي المعاش
و ناطرتكم بليز اللي ماتعرف ترفع الموضوع

 

[سندريللا بطه]

اذا قصدج الشؤون يعطونج ورقة فيها الجهات المطلوبة
اولا التامينات الاجتماعية
الهيكلة
وزارة التجارة والصناعة
وزارة العدل
اعلام رسمي من المحكمة انج ماتزوجتي

 

[جلكسيه اس 3]

حبيبتي ما فهمت عليج
بس اللي اقصده انهم راح يمشونلي معاش الطلاق فاكيد راح يطلبون اوراق او صور
ان شاء الله فهمتي علي
و بعد بنات ابي الاكيد المعاش متى راح ينزل و شكرا

 

[سندريللا بطه]

انتي تقصدين معاش من وزارة الشؤون الاجتماعية والعمل
الاوراق اللي قلتلج عليها مضبوطة
يمكن انتي قصدج من طليقج مادري والله
بس اذا انتي موظفة الشؤون مايمشولج معاش
اتمني فهمتي علي

 

[جلكسيه اس 3]

حبيبتي انا مو موظفه و الله مافهمت عليج شنو راح يطلبون
سوري بس ممكن اتوضحين

 

[أم جوري]

روحي الشئون التابعة لمنطقتج وبيعلمونج كل شي
المعاش بعدما تخلصين الاجراءات يمشي بعده بشهر ما يطول
طبعا تاخذين بطاقتج المدنية
ورقة من التامينات انج مو موظفه
ورقة الطلاق
ورقة من المحكمة انج مو متزوجة حاليا
ورقة من التجارة انه ما عندج رخصة
ورقة من الاسكان انه ماعندج عقارات واملاك
وورقة حساب بنكي علشان يحولون عليها الراتب
وووو عاد شوفي بعد شنو يطلبون ههههه
\الله يعينج

 

[أحلى البشر]

نفس ماقالت ام جوري وترى هالاوراق كلها تطلعينها من برج التحرير يعني ماتاخذ منج نص ساعه

بس اول شي تراجعين الشئون التابعه لمنطقتج ويكتبونلج شنو يبون وتروحين برج التحرير تطلعينلهم طلباتهم

 

[جلكسيه اس 3]

مشكورين فديتكم ماتقصرون
الله لا يحرمني منكم

 

[جلكسيه اس 3]

ات بسالكم عادي اطلع الاوراق الحين ولا ما يصير الا لمن يقولونلي
و صج بسالكم المعاش ينزلي اثر رجعي مال وقت العده و لالا

 

[جلكسيه اس 3]

وينكك بنات

 

[اشلون يعني &]

جم معاش المطلقة ؟؟

 

[جلكسيه اس 3]

رنده المعاش يا اربعميه و شي او خمسميه و شي

بنات بسالكم الحين الوقت اللي اطلع فيه اوراق واوديهم للشوون وعلى ماتخلص المعامله و ينزل المعاش
يعني تقريبا 3 اسهور ما ينزل منه اثر رجعي بعدين ؟؟
عفيه ابي جواب

 

[جنان الغدير]

معقوله معاش المطلقه 500 دينار

يعنى اقصد عليها بالعافية مسكينة بس في موظفات دبلوم معاشاتهم شذي

الله يرزق الجميع

 

[جلكسيه اس 3]

حبيبتي مو الكل اعرف وحده معاشها اربعميه و شي
واعرف ثانيه معاشها اربعميه وشي ما دري اشلون يحسبونها !

انتي عبالج خمسميه اتكفي و خصوصا الحين كل شي صاير نار

انا بقزر في معاش الشوون و بكمل دراستي ان شاء
عقب معاشي بيصير ستميه و شي

 

[جنان الغدير]

حبيبتي لاتزعلين مني والله ما اقصد

ادري ان 500 ما تسوي شي هالأيام

انشاء الله تتخرجين وتحصلين وظيفة سنعة وتتهنين بالمعاش قولي آمين

 

[جلكسيه اس 3]

مشكوره حبيبتي على الدعوه والله يسمع منج