الام بالنسبه لي مو مدرسه

[سكوتي بذوقي]

اختي مايصير تدعين على امك حرام

قولي يارب اهديها وترضى عني واعيش متهنيه بحياتي

ادعي الله يفك ضيقتك وإن شاء الله ربي يرزقك بالزوج الصالح

موفقه يارب

 

[Ranoon]

لا حول ولا قوة ألا بالله

تعوذي من ابليس واستغفري ربك
وحرام الكلام اللي كتبتيه .. على امج !

في كلام ومصارحة وحوار لازم يكون بينج وبين امج ..

 

[كيم هيون جونغ]

حبيبتى الرسول عليه الصلاة والسلام اوصي بالام وقال الجنة تحت اقدم الامهات انت الحين معصبة تفاهمى وياها اعرفي شنو اسبابها مايصير تدعين عليها ووين ابوج؟ ليش ما يتدخل فى المشاكل اللى تخصك كتير ماتت امهم وعقب ما مات ما جنوا غير الشقي والالام وكانت يتمنى ان امه بس ترد للحياة وتسوي اللى بدها اياه فيه ويقول الرسول الكريم يوم تموت الام ينزل ملك من السما للعبد يقول له ماتت التى كنا نكرمك من اجلها فاعمل عمل صالحا عسي نكرمك من أجله استغفري ربج وكلاميها بهدوء بدون عصبية وان شاء الله الله يكتبالج الخير

حديث ضعيف
​

 

[أإلع ـشق دلع ـهـأإ]

لآ حبيبتي لآ تدعين عليهآ حرآم عليج

مهمآ كآن هذي أمج لو شنو تسوي قولي تمونين يآيمه لو تحرميني من كل شي تمونين ..

أذآ متضآيقه منهآ كلميهآ روحي أبجي عندهآ وطلعي كل اللي بقلبج لهآ ..

صدقيني أذآ رآحت أمج بعيد الشر .. بتضيقين وتتحسفين وتقولين يآليت ويآليت ..

 

[زوجة عزيز]

انا امي سووت لي ازيد من جذي بمليون مره

 

[pasion]

حبيبتى فى امهات جذى صعبين ويعتقدون ان الى يسوونه لمصلحة عيالهم

وان العيال مايعرفون مصلحتهم وما يفهمون شى

بس تعتقدين الحل فى الى قاعدة تسوينه تدعين على امج ؟

صدقينى يا زينب ما راح تعرفين قدر امج الا اذا بعيد الشر عنها فقدتيها

تعاملى معاها بذكاء وكلميها بالطريقة الى تفهمها قوليلها انج واثقة

انها تبى مصلحتج وانج تفهمين هالشى طيعيها وساحليها ليين تلين

وادعى لها فى كل صلاة مو تدعين عليها

انتى الحين عرفتى طبع امج عطيها الى تبى وقوليلها الكلام الى تحب تسمعه

وعامليها يا دهينة لا تنكتين شوى شوى لين تكسبينها والله يعينج​

 

[سوزي الشرقية]

السلام عليكم ورحمة الله
في البداية احب اقول الش مايصير تدعين على امش مهمايكون هذه امش وتبقى امش وعلى عينش وراسششششش
ثاني شيء انتين مازلتي في عمر الزهور استانسي شوي في حياتشششش ساعات الامهات يشوفو شيء احنامانشووووفه لذلك بعض الاحيان يرفضو الاشخالص المتقدمين الينا واحنانفسر الشيء غلط على هوانا يعني يمكن امش شايفه ان كل الي تقدمو الش مومناسبين الش بتاتا..

 

[Om_Ksha]

اول ماقريت الموضوع طرت ابالي الاخت محتاره وبصيييح نفس الاسلوب

حمدي ربج على نعمه الام اصلا اللي الله كاتبه بصيييييييير ومحد يقدر يوقف هالشي والمسأله نصيييييييييب

بعدين توج 21 وجذي !!!!!!!!!!!!! اللي يسمعج يقووول بييييييييه هاذي شكبرها وامها نحشت كل الخطاطيب وعنست
توج يبا بدايه حياتج والفرص جدامج ادعي ربج والله يسر امرج وصدقيني امج تبي مصلحتج .. وتبي لج الزيييييييين

 

[الغلا كله لبوي]

الله يفرجها عليج ويفرح قلبج بس تذكري ان فيه رب رحوم بعباده

تقربي من ربج بالدعاء ولأستغفار وبنسبه لامج لا تدعين عليها

حرام عليج والله يسخر قلب امج لج

 

[∫ ∫ ∫ ∫ جــوان ∫ ∫ ∫ ∫]

تدعين على امج علشان زواج ؟؟؟؟؟؟!!!!!!!!!

حتى لو معصبه حتى لو امج ذابحتج ما تدعين عليها حرااام الله بيحاسبج على كل الى قلتيه ويمكن تشوفين هالشى بعيالج ترضين

بنتج تدعى عليج بالموت

بدال لا ادشين النت وتكتبين موضوع وكله دعاوى على امج روحى صلى ركعتين واطلبى من الله يهدى امج وعلى فكره كل تاخيره

فيها خيره والى الله كاتبه لج بتاخذينه

روحى تسامحى من امج صدقينى لو لا سمح الله توفى بتموتين حسره والم طيعينى والغضب من الشيطان توضى وشوفى اشلون

يروح الغضب منج

والله يوفقج

 

[زينب العقيلة]

عليكم السلام بنات

انا الحمدلله ملتزمه وادعي دايما

صج بموضوعي معصبه على امي بس بالصج ماغلط عليها

حتى لما قمت اقط نغزات مرات عليها على هالموضوع يأنبني ضميري

مع ان ماطولت لساني مجرد رسايل اوصله لها باللي بخاطري

انا جذي كتومه ماعرف اقول كل شي لها

مع ان قبل كنت اقولها وشرحت كل شي

يعني اهي عارفه شنو فيني وشنو ابي

بعد انا بنيه واستحي موكل مرة اقولها

ابي اتزوج وانتي تعيين قاعده تحرجني والله

انا عشان اثنين من خواتي تطلقو

ترفض بسبه اللي صارلهم

وبسبه اللي يو لهم

ليش انا شذنبي اذا في بشر موزينه

شذنبي اذا انكتب لخواتي الانفصال

عمري صغير ايييه صح عمري صغير

بس بعدين اذا البنيه لجأت لشاب تكلمه

قمتو عليها حرام وحرام

والحين لما اطالب بحقي

اطلع صغيرة

 

[~ بنت الهدى ~]

شلون يطاوعج قلبج تدعين على امج ولله عورت قلبي قطعه من قلبها تقول عنها ههالكلاا..
الله يسامحج مهما تسويلج هذي اممحد و مايهتم بمصلحتج الا اهي و صبري شوارج تره عمرج 21مو كبيره ..
الله يهدي امج و يهديج ياحبيبتي و ربي يبرد قلبج و يرزقج بالزوج الصالح اللي يحطج على راسه بحق محمد و آل محمد ..

قولي الحمد لله عندج امممم غيرج يحلم ان تكون عنده ام يستشيرها و تنصحه و تخاف عليه و تهتم بمصلحته و تحن علييه ولله لو تكفخه هم ماله غناة عن اممه

 

[FeShinGoOo]

لاتتحسبين على امج

 

[زينب العقيلة]

بنات خلاص اسفه

لاتذكروني كل شوي اني تحسبت عليها

 

[^LILY^]

السلام

انا صج معصبه الحين

لكن هذا الصج

الام مومدرسه اذا اعددتها

لانها الخراب بعينه وعلمه

الام اللي يومها كله صلاه وتسبيحات

وبعدين تيي تتفلسف على بناتها

هذي مو ام

الام اللي تمنع نصيبي

مرة فلان من هالعايله

مرة دراستج

مرة عمره صغير

مرة عمره كبير

مرة مادري اي زفت تقوله

كله نصب بنصب

الله لايسامحها ولا يسامح كلمن بيدافع عنها

لانها متبلده المشاعر

انا شذنبي اذا اهي معقده

لاتقولون خايفه علي

موخايفه علي

متعقده من مشاكل االناس ومانعتني اعيش حياتي بسبتهم

انا ليش مالي راي

ليش حياتي واقفه

ليش كل شي بايد امي

انا ماني ياهل مالي احساس مالي شعور

عساها تموت مابيها

اذبحتني

انا ماقوووووول الا حسبيا الله الله عليج تدعين على امج بالمووت الله اكبر عليج
امج اللي حملتج يالله تقوول ويالله تقعد وانت في بطنها وحملتج وهن على وهن مج لو تحط اصبعها بعينج وتطلعها المفروووض تحبين اصبعها اللي نقفت عينج

والله والله والله وهذا انا حلفت لج سواء تزوجتي او ماتزوجتي بتشووفينها
والله امج كااسره خااطري تلقينها على نياااتها الحين وانت تقوولين عنها هالكلام

قال الرسوووووووووول:
رغم انفه
رغم انفه
رغم انفه
قيل من يارسوول الله
قال من ادرك والديه عند الكبر احدهما او كيلهما ثم لم يدخل الجنه


لبى امي وطقت عصااها ابكي شوي وانحني في رضااهااا

 

[blue ocean]

حبيبتي ممكن امج تكون آرائها خطأ بس هذا مايعني

تدعين عليها ؟ لا يالغاليه هذي جنتج ونارج ..

والدتج خايفه عليج يمكن تعبيرها عن الخوف يي بنتائج عكسيه عليج

لكن امج لو تذبحج تعذرينها ...

مايعرف قيمة الام الا اللي فقدها

الله يخلييج والدتج ويعطيها طولة العمر ..

بالمسايس والتفاهم كلمها وتفاهمي معاها والله يحنن قلبها عليج ان شالله​

 

[زينب العقيلة]

انا ماقوووووول الا حسبيا الله الله عليج تدعين على امج بالمووت الله اكبر عليج
امج اللي حملتج يالله تقوول ويالله تقعد وانت في بطنها وحملتج وهن على وهن مج لو تحط اصبعها بعينج وتطلعها المفروووض تحبين اصبعها اللي نقفت عينج

والله والله والله وهذا انا حلفت لج سواء تزوجتي او ماتزوجتي بتشووفينها
والله امج كااسره خااطري تلقينها على نياااتها الحين وانت تقوولين عنها هالكلام

قال الرسوووووووووول:
رغم انفه
رغم انفه
رغم انفه
قيل من يارسوول الله
قال من ادرك والديه عند الكبر احدهما او كيلهما ثم لم يدخل الجنه


لبى امي وطقت عصااها ابكي شوي وانحني في رضااهااا

لو سمحتي مالج حق اتحسبين علي

اللي ايده بالنار مومثل اللي ايده بالماي

الشرهه علي اللي يايه استعين فيكم تساعدوني

لكن انتو حريم بس لسان

تدورون الزله عالبنت بدال لا تساعدونها

فارجي بس اللي فيني مكفيني يالمثاليه

 

[حبي لله اشد]

حبيبتي كاج قلتيها خايفه من اللي طلقوا خواتج
يصير فيج نفسهم
يعني خايفه عليج
وايد امهات يصيرون جذي
يعني اللي نصيبج بينكتبلج بتحصلينه
مو امج اللي تترك نصيبج لا تحاتين
خلج سـاكته حتى هالموضوع لا تبطلينه وياها
يمكن بمجرد انج تقولين جذي
تتزوجين وتتطلقين نفس خواتج
وممكن اذا سكتي وماتحجيتي
وماقعدتي تتنرفزين من امج
اييلج نصيبج اللي احسن من الكل
امج تبيلج الاحســن صدقيني ..

 

[زينب العقيلة]

انا مقدرة شعورها بس لما تقول فلان من هالعايله فلان مادري شنو

احس التفكير هذا رجعي ومامنه فايده

وترى انا قبل كنت اخش بقلبي بدون لاحد يحس

كانو الحريم اهما اللي يحاجون امي

يقولون لها لاتوقفين بنصيب بنتج

تقولهم لا توالناس ماتبي ريال

الله كريم اي شي اهي تبيه اهو اللي بيصير

سواء سكت ولا اعترضت

بس راح اسكت

شكرا جميعا

 

[^LILY^]

اووووكي مثاااااليه
بس تدعين على امج بالمووووت ترا قووووويه
يمكن نصيبج بالاخره مو بالدنياااااا
وانا قاااعده اكلمج كاختي