الامهات اللي باجر بيداومون عيالهم اولى ابتدائي اول يوم .. يدشوون

[shai5at al3arab]

السلام عليكم

شلونكم يا امهات

مثل ما تدرون باجر ان شا الله اول يوم دوام اولى ابتدائي ..

بسئلكم شلون النظام اللي مسوينه المدارس ..

يعني الطالب يداوم دوام كامل ولا شلون ..

واولياء الامور يقطون عيالهم ويمشون ولا يدخلون معاهم ؟؟

لان كل سنة قبل كانوا يسوون اول يوم دوام حق اولى ابتدائي ما فيه تدريس وشرح كانوا يسوون حفلات

الحين هالسنة اكيد ماكو حفلة وجذي عشان المرض .. بس شنو اهي الخطة ؟؟

ناااطرة ردكم .

 

[(( غلا زوجـي ))]

حبيبتي انا حيل محتارة الأكيد انشالله ان بنتي ماراااح اتداوم لان سمعت الاسبوع الي طاف خبر ان مدرسة ام هاني الأبتدائية بنات بمنطقة النهضه اكتشفو فيه انفلونزا الخنازير واليوم بعد بالجريدة نفس الموضوع والكل قال لاتودينها بنتي ضايق خلقها لأني حيل مجهزة لها حق اول يوم

 

[توت عنكبوت]

انا سألت وكيلة المدرسة

وقالت دوام كامل

 

[الدلال]

انا سألت ناظرة مدرسة ولدي قالت تعالوا معاهم واول حصتين مسوين لهم مثل حفله ونوزع عليهم هدايا بس علشان ما يستغربون الوضع

وبعدها خلووهم وروحوااا

 

[shai5at al3arab]

اهاا يعني نخلي عيالنا

امهات كلكم بتودون عيالكم ؟؟

 

[سموالاميره]

انا بذن الله بوديها والله يحفظهم بحفظه والصراحه ماادري شلون طريقة الدوام.

 

[شووكولاته]

بنتي ثانيه بغيبها اول يومين بشوف الوضع

 

[@ الرسامة @]

انا بعد بودي ولدي
والله وايد احاتيه

 

[م فطومه]

انا بودي عيالي ومسويه حفلة عنونة حق طلبتي لاني ادرس
اولى ابتدائي

 

[شجن2005]

انا ماراح اودي بنتي هالسنه هي الحين تعباااانه وحرارتها مرتفعه واسم الله عليهم الصغار مناعتهم ضعيفه بخليها للسنه الجايه ان شاءالله
سنه ماتفرق اهم شي الصحه

 

[HERMITAGE]

عندي سؤال محيرني الحين رابعه متى داومو لان في وحده بنتها برابعه ابتدائي بالحكومه تقول داومت بنتها من قبل سبوعين شلون فاتحين لها المدرسه بروحها !!!!!!!!!!!!!!!!1
يعني الي داومو اليوم ب 1 و2 و3 ؟؟؟؟

 

[& شهد &]

رابع وخاس داوموا من اسبوعين تقريبا واليوم داوموا اولى وثانية وثالثة ابتدائي

انا قطيت بنتي واستودعتها عند الله اللي ما تضيع ودائعه

 

[StrOnG WoMeN]

حبيبتي انا بنتي اول سنه لها
واول طفل عندي بيروح ابتدائي والوضع عادي وديتها دخلناها
لنهايه الدوام
اما رفيجتي صح مثل ماقلتي في حفله