الاماكن الحلوه بدبي

[زهرات]

سلام عليكم
انا راح اروح دبي ووبقعد فيها 3 ايام

شنو الاماكن الحلوه اللي تنصحوني اروحلها.. من اماكن سياحيه و مطاعم واسواق؟

وشنو الاشياء المميزه اللي اقدر اشتريها من هناك؟

 

[نور×نور]

اختى زهرات:
اول شى بدبى لازم تزورينه مدينة الثلج اللى بمجمع امارات مول روووووووووووعه والمجمع نفسه يهبل وشرح
وثانى شى مدينه الالعاب المائيه وايلد وادى مثل الاكوابارك بس احلى واونس
وثالث شى اذا تبين عبى وملافع لاتشترين




من المجمعات الغاليه لانج لما تروحين مجمع ابو الهيل بتنصدمين بتلقين احلى منهم وارخص
ومطعم حاتم ايرانى لايطوفج يهبل بسيتى سنتر
ومجمع الوافى يهبل عندهم جناط وجواتى خيال وكلهم شوارفسكى
وفيه فوق بوفيه مفتوح يطل على بلكونه فظيييييييعه وفى قعدات برا بالبلكونه لاتطوفج بالنهار حزة الغدا

وانشالله اكون فدتج (على فكره انا من عشاق دبى تروحين وتلردين بالسلامه)

 

[buthaina2]

دبي فيها اماكن وايد حلوه بس يعتمد انتي تبين اماكن حق تسوق والا وناسه .اذا تسوق عندي الامارات مول يونس كل الماركات فيه من الرخيص لي اغلي الماركات وعندهم مثل ماقالت الاخت مدينه الثلج لا تطوفج وعندهم محل يبيع ايس كريم خيالي تلاقينه يم مدينه الثلج .وعندج طبعا مجمع ابن بطوطه مافي زود وايد بس شكل المجمع وفكرته وايد حلوه .ومجمع الوافي وبرجمان وايد حلوين انا عن نفسي احب برجمان اكثر فيه مطاعم تونس وعندج بعد مجمع ميركاتو في الجميرا وايد حلو وفي سينما بعد وعموما منطقة الجميرا وايد حلوه وتنوس حق تمشي وفيها اغلب الفنادق الحلوه .

 

[toooota2404]

المكان اللي لازم ماتطوفينة اذا رحتي دبي الامارات مول و برجمان الصراحة وايد حلو كبرو عن الاولي و وايد راقي في ماركات حلوة :eh_s(17):

 

[بنت زاايد]

ابن بطوطه حلوو
مركز مركاتو خياااال فى الجميراا
الوايلد وادي
الامارات موول
لامسي بلازا

والحدائق لاتحصى ولاتعد بس انتى حددي تبين لتسوق ولا للحدائق ولا شو بضبط؟؟

 

[@جورية@]

دبي كلها حلوة ،،،،سواءا مجمعاتها أو مطاعمها بس نصيحة اذا بتروحين بن بطوطة لازم يكون له يوم بروحه لانه كبير وينفع للتصوير أكثر لانه مناظره حلوة خاصة جناح دولة تونس

 

[@جورية@]

دبي كلها حلوة ،،،،سواءا مجمعاتها أو مطاعمها بس نصيحة اذا بتروحين بن بطوطة لازم يكون له يوم بروحه لانه كبير وينفع للتصوير أكثر لانه مناظره حلوة خاصة جناح دولة تونس

 

[Viva La Vanilla]

Royal Mirage
Arabian Court Yard
لا يطوفج الجاي المغربي اللي هناك و القعدة االلي جنج بالف ليلة و ليلة
انشالله يكون الجو حلو اشوى انج بتروحين قبل الصيف لانه حر
الحين جوهم روعة و القعدة مفتوحة و شرحة
اجواء ملكية واااااااااااااااااااي انا توني رادة السبت ابي اروووووح
مرة ثانية