الاكزيما يا بنات

[رشة دلع]

حتى انا مثلك اختي با الظبط ..يامرت ريلي ..
اعاني من الحاله اللي تعانين منها .. بس شلون
شكله ذا الجوز الهند في السعوديه ..

 

[سنابل]

مشكورة مرت ريلي

اتوقع اللي بالسايت كلهم نفس المحتوى بس الاحجام تختلف

بس اذا اهو oil ليش اصغر حجم حاطينه جذي ، جان صار مثلا بنفس بطل البيبي اويل اللي من جونسون اند جونسون؟!

هل اهو اويل و لا كريم و لا لوشن ؟؟

و يزاج الله خير

 

[مرت ريلي]

اويل بس متجمد بسرعة يتجمد وبسرعة يسيل سبحان الله
يعني لما آخذ قطعة صغيرة بسرعة تذوب في ايدي

 

[سنابل]

اها

مشكووورة

 

[مرت ريلي]

بس عجيب والله هذا وانا مهملة ساعات اتعييز احط ونفع معاي

عيل لو أداوم عليه ؟؟

 

[سنابل]

انزين الاكزيما اللي فيج شلون صايرة ؟؟

انا الاكزيما اللي فيني ، واحد من اصابع ايدي اليمين يتيمع ماي تحت اليلد و ينتفخ و شوي شوي يوصل لي سطح اليلد و وقتها يصير جاف و اذا طلع الماي يحكني وايد ، كل الدكاترة اللي رحت لهم يسألوني اذا استخدم مواد كيماوية و يقولون لي ان ابلات العلوم دايما اييونا و اصابعهم جذي ، بس انا ما استخدم مواد كيماوية او منظفات او غيره ! و يروح و يرد

 

[مرت ريلي]

عيل انتي نفسي عندج حساسية من المنظفات بشرتج وايد حساسة قلبي
يعني مثل الصابون العادي عرفتي ؟ استعملي صابون دوف لأن ربعه كريم
(أحس قاعدة أقول نفس الدعاية لوووول) أو سيباميد وايد زين ماينشف
وبعد ما تغسلين ايدج على طول حطيلها كريم مو مرطب الا شديد الترطيب
ولا تستعملين المنظفات العادية وحتى لو اضطريتي استعملي بعدها كريم
أنصحج بــ روك هاند كريم عجيب ودوف بعد حلو وايد Rich بس لا تستعملين كريمات عادية الا اللي قلتلج عنها وتبين نصيحتي؟ زيت السمسم عجيب بس مو من أي مصدر يعني حاولي اتيبينه من مصدر مضمون
حتى الجروح تلتئم بسرعة لما ادهنها بزيت السمسم سبحان الله انا دايما أدهن ايدي بعد الحمام بنتفة زيت سمسم وأركز عالأماكن المتضررة أكثر شي وبعدين أنطره ينشف واحط كريم ايدي العادي أحلى طريقة والله
وماتشوفين شر عمري والله حاسة بمعاناتج

 

[سنابل]

مشكوووووووووووووووورة ما قصرتي يا مرت ريلج و الشر ماييج حبيبتي

انا دكتورة الجلدية قالت لي استخدمي نيتروجينا بس ماحس سوالي شي

و اغسل ايدي بصابون سائل من سيبا ميد للبشرة الحساسة أو سيتافيل من الصيدلية

كريم الايد من دوف موجود بالجمعية و لا الصيدلية ؟ و روك هاند كريم ثقيل و لا خفيف و بسرعة تمتصه البشرة ؟؟ ماحب الكريمات الثقيلة

و شنو مصادر زيت السمسم المضمونة ؟ من الصيدلية ؟

 

[مرت ريلي]

دوف تلاقينه كل مكان واستعملي صابونة دوف بعد واذا سائل أحسن

روك خفيف وماله ريحة

واخذي زيت السمسم من الصيدلية أو الجمعية يعني مو من العطارين ينخاف منهم

ويستحسن تقرين عليه احسن وأحسن بعد او تقرين على روحج وانتي تحطينه

 

[hada]

زيت جوز الهند مو بس للاكزيما
بعد ينوكل وينفع اللي عندهم نقص الغدة الدرقيه
يعدل مستواها بالدم بأذن الله تعالى انا مجربه بعد معاناة من نقص الغدة الدرقيه وبعد بحثي في الانترنت والمواقع الاجنبيه لقيت هالطريقه السهله والامنه بأذن الله
بس لايكثر ملعقه ونص يوميا لمده شهرين لان الزيت جدا دسم وممكن يسوي مشاكل للي عندهم كلسترول او قلب
واللي تنفع معاها الطريقه تدعيلي بسعه الرزق

 

[مرت ريلي]

اي صح ذكرت ان اختي تاكله عجيب المفعول من الناحية الصحية والجمالية

مشكورة هايدي بعد قلبي الله يفتح بويهج أكبر أبواب الرزق قولي آمين

 

[island]

بنت اختي فيها اكزيما حاده فاختي قامت تخلط كريم المستشفى مع جلسرين سائل وشوية زيت لوز وواااااااااااايد احسن عن اول

و قبل هالشي كانت وحده قارتلها قران في زيت زيتون ومنها بدا تحسن حالتها

الله يشفي كل مرضى المسلمين

 

[مرت ريلي]

خوش فكرة يا آيلند

المشكلة دكاترة الجلدية خوااااارة

 

[سمو]

السلام عليكم
مشكوره ويعطيج العافيه .. الاكزيما الكل يشتكي منها هالايام كبار وصغار

والله يشافي الجميع ان شاء الله

والاكزيما اسبابه انواع .. ولازم نعرف السبب علشان نعرف العلاج

يعني مثلا انا عندي اكزيما تطلع فيني من العطور العربيه (اللي طريقه بخاخ) ومن

بعض انواع من الاكل( مثل الطماط والبيض ).


مشكوره وما قصرتي

 

[مرت ريلي]

الله يعينج والله
بس تقريبا الزيت هذا مو حق شي معين
يعني تقريبا حق كل شي نستخدمه

 

[Viva La Vanilla]

شكرا حبيبتي

 

[مرت ريلي]

العفو حياتي انتي

 

[TLG]

الله يعطيج العافيه يا رب
والله ان بنتي تتشقق ايدها من الاكزيما . ان شاء الله بطلبه و ينفع لها

بس سؤال . انتي سويتي بحث عن eczeme و الكريم مو مكتوب عليه جذي ! يعني عادي أطلب أي واحد منهم الغرشه أو العلبه ؟؟
و انتوا طلبتوا عن طريق ارامكس من هالسايت نفسه ؟

 

[مرت ريلي]

انا اختي تطلبه والله ما عندي فكرة حبوبة

 

[شندوخه]

شسسسسمه ولي يعافيج ؟؟