الاقيها انا من وين منك ولا من دنياي انت والجروح اثنين علي شكبرها بلواي

[Beautifulgirl]

هذي ثلاث كتاباتي انشالله تنال اعجابكم 0 بنات اتمني منكم اللى عندها نقد اتمني تقولى شنو اغلاطي علشان اتداركها اوكي 0
راح ابدي بالقصة اتمني تعجبكم مثل ( الحب البعيد و برائة طفله )

الاقيها انا من وين منك ولا من دنياي انت والجروح اثنين علي شكبرها بلواي


البارت الاول :
سعود ريال ولا كل الريايل الكل اهاب منه من صغير وكبير ويحترومنه ويقدرونه
سعود : انسان طيب وحنون بس ما يبين حق الناس حنيته متزوج وما عنده عيال 0 زوجته اهي اللى ما تيب اعيال عمره 35 سنه

سعود : مريم مريوم
مريم : امر حبيبي
سعود : وين الغده
مريم : من اعيوني شوي ويجهز
سعود : فديت عينج وصاحبه العيون
مريم : ستحت وراحت المطبخ
سعود : احبها وما اقدر اتزوج عليها تنهد وسرح شوي

مريم : زوحت سعود حلو بس بين عليها الكبر عمرها 35 سنه (بين عليها الكبر بسبت الهموم وانها مو قادره تيب حق زوجها حبيبها ولد ) وهي بنت عمه وحب الطفوله

سعود وهو سرحان يتذكر كلام ابو محمد
ابو محمد : ريال كبير بالسن يشتغل عند سعود وسعود يحترمه لان ريال اكبير وابو محمد صار عنده مشكله من سنتين حق مرته وضطر انه يتسلم من سعود مبلغ كبير علشان يسفرها بس لااسف ما انجحت العمليه وتوفت ومن فتره سعود يطالب ابو محمد وابو محمد مو قادر يسدد له
ابو محمد ما عنده الا بنت وحده جمالها ما ينوصف عمرها 25 سنه ما تزوجت الكل يتكلم عنها وهي تسمعهم بس ما تقدر اترد عليهم لانها ماتتكلم ليمن كانت صغيره صار فيها حراره وقامت ما تقدر تتكلم وتعلمت على لغه الاشاره 0 منعزله عن العالم وما تحب اتشوف احد 0 (كان عنده ولد اسمه محمد بس مات بحادث سياره من حوالى 10 سنين )0

سعود وهو يتذكر كلام ابو محمد : ابو محمد تنزل دموعه : استاذ سعود انا بقترح اقتراح وانت تقدر توافق وترفض
سعود : اكيد اقدر ارفض او اقبل
ابو محمد : انت عارف اني ريال كبير وما يندره متي اموت
سعود : الله يطول بعمرك حق عيالك
ابو محمد: انشالله 0 ادري طلبي صعب اني اطلبه بس لزم اسوي جذي 0 استاذ سعود ابيك تتزوج بنتي

مريم : سعودي يله الاكل
سعود : يله حبيبتي


سعود كان ياكل بس باله مشغول صرله جم يوم يفكر بكلام ابو محمد : بقلبه : انا راح استفيد بس اهو اللى راح يستفيد اكثر 0 راح اتنازل عني فلوسي اللى عنده 0 بس راح اخذ بنته وتيبلى ياهل وعقبها انا وضميري يا امه اطلقها او اخليها هذا كلام ابوها

ابو محمد : يكلم رفيجه وصديق عمره : تصدق يا ابو خالد ما ادري هل الطلب اللى طلبته صح ولا غلط انا بهذي الطريقه بعت بنتي بس بنفس الوقت امنت عليها لان استاذ سعود خوش واحد
ابو خالد : انت سويت الشي الصح
ابو محمد : انشالله ما اكون ظلمتها


كانت قاعده جبال المنظره : بقلبه : هذي انا كبرت ولا احد طقب باب بيتنا حتي خالد امه خلته يغير رايه نزلت دموعه اهي تبي تزوج ولدها احس وحده ( صج اني اكره خالد وما احبه بس اهون من اني اعنس بيت ابوي ) 0 وهي تفكر انا ليش جذي الكل يحسدني على جمالى خل ياخذونه بس يردلى صوتي وظلت تبجي ( شعرها طويل ليمه تحت ظهرها اشقر وهي بيضه اعيونها اكبار ورموسها طوال عينها لونها حضر على يدتها ام امها طويله وجسمها ايين )

ابو محمد : ساره ساره
ساره اسمعت صوت ابوها امسحت ادموعها وراحت عنده : اشرت وقالت له : يبه تبي غده
ابو محمد : هذا سأل اكو احد ما يبي غده من ايد ساره حبيبته
ساره : ابتسمت حق ابوها
ابو محمد : بقلبه : الله لا يحرمنى من هل البتسامه


سعود كان منسدح على الغنفه : وسرحان : ويذكر الكلام اللى دار بينهم
سعود : انت من صجك يا ابو محمد
ابو محمد : محد راح اقدر اامن بنتي عنده غيرك وراح تحافظ عليها وخصوصن بوضعها
سعود وهو مستغرب : ليش
ابو محمد : بنتي ما تتكلم بس تسمع
سعود : شلون فهمني
ابو محمد : وهي عمرها 5 سنوات صار فيها حراره وما رضت تنزل ليمن خفت بعد جم يوم اكتشفنا انها ما تقدر تتكلم ورحنا ودينها اطبه وايد وابو يزاه الله خير ساعدني وايد وما قصر وكان يسأل عنها
بس الصدمه ان اكتشفنه انها تسمع واللى يزعلها كلام الناس
سعود : الله يعينك
ابو محمد : بتسم 0 انا خايف عليها محد لها 0 ولا احد فكر يخطبها 0 ولد خالتها كان يبيها بس خالتها ارفضت مع انها تحب بنتي بس ما تبي تزوج ولدها وحده جذي وانا ما الومها خايفه على مصلحت ولدها
(ابو خالد اللى اهو ارفيج ابو محمد اهو زوج خالت ساره )
ابو محمد : انا عارف انك ممكن ترفض انك تتزوجها 0
سعود : انت تبيني اتزوجها علشان اتنازل عن الفلوس
ابو محمد : يعني 0 لاني ما اقدر اعطيك الفلوس انا ابي احد يحمي بنتي لان انا فيني القلب ممكن باي لحضه اموت وما ابي اهدها بروحها لان بنتي ما تحب الختلاط مع الناس اهي منعزله عن الناس
سعود : سكت
ابو محمد : انا عارف ان اهلك وابوك الله يرحمه حاول معاك تتزوج على مرتك بس انت رفضت وكان يشكيلى 0
سعود : ابوي
ابو محمد : كان يبي يشوف عيالك وكمل كلامه ابو محمد : تزوج بنتي واذا يابت لك الياهل انت وضميرك تبي طلقها طلقها ولا تبي تخلها كيفك بس انا بامنك عليها اذا تبي اطلقها خل عندها الياهل لا تحرمها من اياهل 0 استاذ سعود انت المستفيد
سعود منصدم من كلام ابو محمد
وهو يفكر
مريم : حبيبي بشنو سرحان
سعود : هااه 0 ولا شي

مر سبوعين سعود ما رد حق ابو محمد خبر وابو محمد قال اكيد ما يبي بنتي

راح سعود الشركه وقال حق السكرتير يناديله ابو محمد
ابو محمد : السلام
سعود : وعليكم السلام تفضل
سعود : انا وافقت على طلبك بس بشرط
ابو محمد : قعد يطالعه
سعود : محد راح يدري اني تزوجتها الا امي بس خواتي واهمهم زوجتي ما ابيهم يدرون
ابو محمد : بس شلون ما فهمت
سعود : ما ابي احد يعرف ما ابي اصدم زوجي وما اعتقد اكو احد راح يتكلم مع بنتك
ابو محمد : بس استاذ سعود تقصد بالسر صعب
سعود : بس امي راح تدري وراح تشوفها شنو قلت
ابو محمد : سكت
سعود : راح اتنازل على الفلوس واذا طلقتها راح يكون لها بيت وخدم يهتمون فيها وياهل راح يتم معاها لاني ما اعتقدر اني بتم معاها 0 انت قلت حق بنتك
ابو محمد : لا ما قتلها شي
سعود : اهاه 0
ابو محمد : اتمني ما تقول حق بنتي اني انا اللى طلبتك انك تتزوجها
سعود : لا تخاف
ابو محمد : من الحين اذكرك تره بنتي تسمع 0 وهي حساسه وايد اكثر مما تتصور
سعود : سكت خلاص يصير خير الملجه باجر شنو قلت
ابو محمد : على راحتك
سعود : انا بكلم امي تي اليوم وتشوف بنتك
ابو محمد : على راحتك والبيت بيتها

 

[rose red]

بداية موفقة و حلوة ناطريين التكملة بداا الإبدااع أيوااا

 

[baby johnson]

كملي كملي حبييييييييييبتي
ناطرين خوش بدايه

 

[Beautifulgirl]

البارت الثاني :
تبطلت بوابه كبيره ومشي بسيارته بحديقه كبيره ليمن وصل بيت كبير ودخل
سعود : سلام شلون يمه وحب راسه
ام سعود : هلا والله بولدي
سعود : هلا فيج يمه
ام سعود : يمه شنو فيك في شي ودك تقوله
سعود نزل راسه : اي يمه
ام سعود : عس ما شر يمه
سعود : بقولج السالفه من البداية وانتي قوليلى شرايج
بعد ما قالها كل شي سعود
ام سعود : سكتت
سعود :شفيج يمه
ام سعود : راح تظلم البنت 0 اتسوي جذي علشانها طرمه
سعود سكتت : لا توه يبي يكمل
ام سعود : حرام تظلم البنت
سعود : انا ما ابي اظلمها 0 بس انا ما فكرت اتزوج من قبل لو مو اهو طلب مني وبعدين انا اخاف على مشاعر مريم
ام سعود : خلانه بعدين نتناقش بهذي السالفه 0 بقولك شي
سعود : شنو يمه
ام سعود : اذا خذيتها اعدل
سعود : تنهد : انشالله
ام سعود : انشالله افرح بشوفت عيالك
سعود بتسم ابتسامه خفيفه
ام سعود : مرني اساعه 7
سعود : يمه انا ما راح اروح معاج
ام سعود : ليش
سعود : بس ما ابي اشوفها


كانت ساره بغرفتها وطالع نفسها بالمنظره : انا راح اتزوج ومن منو من مدير ابوي الشغل سالفه غريبه قعدت تتذكر كلام ابوها
ابو محمد: ساره حبيبتي الريال وايد زين وما راح تلقين احسن منه وراح يحافظ عليج
ساره : اشرت حق ابوها : مو كبير اهو ما تزوج
ابو محمد : اي متزوج
ساره : يبه ما ابي اتزوجه
ابو محمد : لا تخافين اهو راح يتزوج يتزوج لان يبي عيال مرته ما تيب
ساره : اهو يدري عني
ابو محمد : ضاق خلقه : اي يدري
ابو محمد : يا بنيتي ما راح يتقدملج احسن منه
ساره : اشرت حق ابوها : ان اوكي اهي موافقه
ابوها لمها وستانس وقالها ان امه راح تيي اليوم وتشوفها
ساره وهي تلبس التراجي : يا ليتج يمه الحين معاي ودمعت عينها

سعود طلع من امه وركب السياره ولف لي وره البيت الكبير كانت فلته وري بيت امه ( البيتين تحاوطهم الحديقه الكبيره )

على الساعه 7 ونص كانت ام سعود عند ساره بالبيت وام خالد مستقبلتها
ام خالد : هلا والله بام سعود حياج
ام سعود : هلا فيك
بعد فتره
ام سعود : وين ساره
ام خالد : كاهي شوي ويايه
دخلت ساره بعد فتره كانت لبسه تنوره وبدي وفاله شعرها وكان شكلها ناعم
ساره سلمت على ام سعود وام سعود انصدمت من جمالها كانت جميله بمعنه الكلمه
قعدت ام سعود عندهم فتره وعطت ساره مهرها وراحت
ام سعود بعد ما طلعت : بقلبها : انا سمعت انها جميله بس ما توقعت جذي
ساره كان ضايق خلقها
ام خالد : شفيج ساره
ساره :امسكت اورقه وقلم (علموها على الكتابه علشان تقدر تتكلم مع اللى ما يعرفون لغه الاشاره ): خالتي امه شكلها طبيه بس انا خايفه ما ادري ليش وعيونها بدت ادمعه
ام خالد قعدت تهديها ليمن هدت


سعود بعد ما طلع من الشركه راح حق امه دخل البيت
شاف خواته (بدور وبدريه ) مع مريم
سعود : السلام
يو سلمو عليه خواته
ام سعود : سعود يمه ابي اكلمك شوي
سعود : طالع امه : امشي مكتب ابوي الله يرحمه
وراحو

اعرفكم على الشخصيات :
ام سعود : مره حبوبه وتحبه عيالها وايد مو كبيره وايد توها اول الخمسينات بس امحافظه على نفسها
بدرية : اخت سعود الكبيره عمرها 36 حبوبه وطيبه مع اهلها بس مع الغريب لا متزوجه عندها بنتين وولد بعدين تتعرفون عليهم وريلها بعد
بدور : اخر العنقود ودلوعه : عمرها 23 سنه توها متزوجه من شهرين من صديق اخوها بعدين راح تتعرفون عليه

بدرية : امي شنو عندها مع سعود
مريم : الخبر اليوم بفلوس باجر ابلاش 0 سر بين الام وولدها انتي شنو عليج
بدور : ههههههههههههه 0 والله تضحكون ليش هل لقافه

سعود : يمه شنو
ام سعود : انا شفت البنت ونصدمت انا ما يد سمعت عنها انها جذي بس ما توقعت
سعود : شنو يمه وهو بقلبه : خاف فيها شي غير انها طرمه (ما تتكلم )
ام سعود : انا كنت اسمع ان البنت
سعود : اي
ام سعود : جميله
سعود : حسبالي فيها شي خلي جمالها لها
ام سعود انصدمت : خل اكمل كلامي : وان من كثر ما كانو يطالعونها الناس صارت طرمه (عين ) بس بصراحه يوم شفتها انصدمت 0
سعود : ليش
ام سعود : عمري بحياتي ما شفت وحده بجمالها الله يهنيك يا سعود 0 مو تقول بس جمال لا بعد ما شالله مأدبه 0

انشالله يعجبكم البارت 0 راح انزل بارت بليل اوكي اذا قدرت

 

[رفيف الورد]

تسلمين بروتوفايلي على البارت وعالروايه اليديده


بس حرام سعود راح يظلم مريم من كل النواحي وليش إستعيل بالموافقه من بو محمد شكو

يعني يبي يكسب مستقبل بنته ويبي سعود يتنازل عن حقه والله بو محمد أمره غرييب

 

[baby johnson]

واااااااااااااي
تشوووووووق القصه
ناطريينج حبيبتي

 

[جمال رباني]

لا ماشالله عليج رووووووووعه وقصتج هم شكلها روووعه

يله كملي ناطرينج ,, شوقتينا

 

[*عسوووله *]

الله حلوة القصة بس مـو احلى منـ برائة طفله

كملي كملي بليـــــــــــــــــــز ناطريييينج ...

 

[P!NKia]

روووعه القصه
كملى بلييييز

 

[♥ الــزيــن ♥]

نــاطــريـــنـــج

 

[baby johnson]

ناطرييييييييينج حبيبتي

 

[b6ooo6a*_*]

نااااااطرينج كملي كملي

 

[baby johnson]

جاري الانتظار لووول

 

[Beautifulgirl]

مشكورين على المتابعه انشالله اليوم العصر في بارت اوكي 0

 

[Beautifulgirl]

البارت الثالث :
سعود : حسبالي فيها شي خلي جمالها لها
ام سعود انصدمت : خل اكمل كلامي : وان من كثر ما كانو يطالعونها الناس صارت طرمه (عين ) بس بصراحه يوم شفتها انصدمت
سعود : ليش
ام سعود : عمري بحياتي ما شفت وحده بجمالها مو تقول بس جمال لا بعد ما شالله مأدبه
سعود : هدينه منها 0 ما ابي احد يعرف بهذي السالفه
ام سعود : انشالله
سعود : يمه انشالله باجر راح نملج الصبح 0 راح اخذ معاي بدر وابو محمد ابو خالد ونملج
ام سعود : انشالله 0

ابو محمد : شنو هذا ساره
وهي تأشر حق ابوها : يبه هذا عطتني اياه ام سعود وقالت مهري
ابو محمد : جزاهم خير 0 ليش معطيتني اياه
ساره : شنو ابي فيه
ابو محمد : روحي مع خالتج وشتريلج اهدوم
ساره : لا يبه ما احتاجهم
ابو محمد : خلاص بحطهم بحساب حقج
ساره : خلاص

طلع الصبح وراحو المحكمه وملجو كل راح على شغل
سعود : بدر نفس ما وصيتك ما ابي احد يدري حتي بدور خو انا اعرفك ملقوف كل شي حق بدوره
بدر : مو الهدرجه ههههههههههه
سعود : قعد يضحك ههههههههه
بدر : مبروك ومنك المال ومنها العيال
سعود : اسكت الله يخليك مالى خلق

بدر : زوج بدر تزهم متزوجين من فتره بدر رفيج سعود من كانو صغار ( بدر كان يحب بدور وهي تحبه وتزوجو )


دخل ابو محمد البيت :
ابو محمد : مبروك يا بنتيتي
ساره : وهي تلم ابوها وتبجي وهي تاشر ما ابي اهدك
ابو محمد : لا تخافين ما قال متي ياخذج
ام خالد : مبروك يا ابو محمد
ابو محمد : الله يبارك فيج
ام خالد باركت حق ساره ولمتها
بعد فتره صعدت ساره غرفتها
ام خالد : يا ابو محمد ريلها ما يبي يشوفها
ابو محمد : نزل راسه وتنهد
ام خالد فهمت
بعد ما طلعت ام خالد

ابو محمد : بقلبه : حتي ما كلف على نفس يقولى بشوفها


مرت 5 شهور سعود ما فكر يزور ساره او يشوفها بس ام سعود تروح تطمن على ساره بين فتره وفتره وام سعد كلمت سعود علشان يشوف ساره بس رفض
كانت كل يوم ساره تفكر شنو السبب اللى يخلي سعود ما يزورها 0

بيو من الايام
ساره استغربت ان ابوها ما قام حق صلاة اليمعه وهو من عوايده كل يوم يقوم مبجر راح له غرفه وشافته بمنظر مستحيل تنساره كان طايح على الارض وهو مو قادر يتنسم
ساره حاولت تقوم ابوه او تساعده بس ما اقدرت
قامت بسرعه تركض وهي طالع بالشارع راحت بيت خالتها ام خالد يمهم مو بعيد وهى تركض كانت تبجي
وصلت بيت خالتها وراحو معاها ركض وشافو ابو محمد وتصلو على الاسعاف
كانت حالت ابو محمد خطيره وحاطينه بالعنايه المركزه
وساره كانت تبجي مو قادره تستوعب ان ابوها راح يهدها

طلع الدكتور من عند ابو محمد : انت ابو خالد
ابو خالد : اي انا
الدكتور : المريض يبيك وبعد ما تطلع يبي بنته
ابو خالد : انشالله 0 دكتور شنو حالته
الدكنور : على الله المرض منتشر فيه وما نقدر نسوي شي
ابو خالد : شنو 0 اهو مو قلبه
الدكتور : لا اهو كان عنده سرطان بالرئة بس الحين انتشر
ابو خالد : دمعت عيونه ودخل حق ابو محمد


ابو خالد : ما تشوف شر
ابو محمد : شر ما يك 0 انا عارف اني ما راح اقوم 0 ابي اوصيك انك توصل هل كلام حق سعود وقوله اني كنت عارف اني راح اموت ومحد راح يحافظ على بنتي غيره
ابو خالد : انا وين رحت يا ابو محمد
ابو محمد : انت موجود 0 او ابيك توعدني تقول هل كلام وهو مو قادر يتنسم 0 ابيك اذا حتاجت بنتي شي تساعدها 0 وغلات عيالك يا وليد
ابو خالد : لا توصي حريص انشالله 0 و راح تقوم بالسلامه 0
ابو محمد : ابي اشوف ساره يبه لي

ابو خالد طلع من الغرفه وناده ساره ودخلت على ابوها
ابو خالد اتصل على السكرتير وقاله يقول حق استاذ سعود ايي المستشفي لانه ابو محمد بالمستشفي وصج بس عرف سعود بالخبر بسرعه راح

ابو محمد : يبه ساره دربالج على نفسك ولا يضيق خلقج لاني زوجتج سعود تره اهو خوش ريال انا ادري انج متضايقه لانه من تزوجتي ما فكر يزورج
ساره قعدت تأشر حق ابوه وتبجي : يبه لا تهدني وتبجي انا احبك الله يخليك
ابو محمد : هو ساره طلعي وهو يحس انه راح تطلع روحت استشهد بعد فتره صفرت الاجهزه


بهل وقت كانت سعود بره وابو خالد كانت يكلمه وحسو بحوسه وان الدكاتره مدودهين
ابو خالد : ام خالد دخلى شوفي ساره اخاف فيها شي
ام خالد دخلت بسرعه
سعود : بس سمع ساره : بقلبه : يعني ساره هني

ام خالد شافت ساره بحاله كانت قاعده بالارض يم غرفه العناية وتبجي ام خالد : يمه شفيج
ساره : بس تبجي
طلع السستر
ام خالد : سستر شنو في ابو محمد
سستر : موت
ام خالد : انصدمت ولمت ساره وحاولت اتقمها
ساره بقلبها : وينج يمه وينج تشوفين بنتج صارت بروحها وهي تبجي

يا فراقها

يا فراقها توني شعرت بقسوتك في داخلي
يا فراقها توني احس اني بديت احن لأيامٍ مضت واشتاقها
بديت احن لشوفها واشراقها واشواقها
رغم انها اللي روحت
وبكل عمري طوحت
حتى بكفي فراقها ما ودعتني و روحت يا فراقها
طلعو بس شافهم ابو خالد راح لهم
سعود كان يشوهم بس ملامح ساره مو مبينه
ابو خالد : وهو منزل راسه ودموعه تنزل
سعود : شنو شصار
ابو خالد : ابو محمد عطاك عمره
سعود : نصدم ونفس الصاعقه انزلت عليه

ام سعود درت وكانت كل تروح حق ساره وتزورها وتتطمن عليها لين يه اليوم
ام سعود : سعود متي راح تييب مرتك
سعود : يمه مريم كل يوم عندج
ام سعود : انا اقصد ساره مو حلوه قعدتها عند خالتها وانت زوجها
سعود : سكت يمه انا ما ابي مريم تدري
ام سعود : حرام عليج يمه 0 وتري مو حلو بحقنا ان ساره تظل عند خالتها
سعود ما عرف شنو يسوي
ام سعود : خلاص راح اخليها عندي وانت تصرف شلون تقول حق مرتك
سعود : مو ضروري تدري
ام سعود : شلون مو ضروري
سعود : يعني تسكن عندج على اساس انها ضيفه وبعدها يحلها الف حلال
ام سعود : يعني راح تظل على ما انت على
سعود : شنو يعني
ام سعود : يعني تعدل ولزم مريم تدري
سعود : يمه صعب على تعرفين شنو صعب
ام سعود : اذا مو انت قلت انا راح اقول
سعود : سكت خلاص بعد فتره انا بقولها
ام سعود : انا بيبها اليوم
ام سعود اتصلت على ام خالد وقالت لها خل ساره ترتب اغراضها

ساره من اعرفت وهي تبجي وام خالد تهديها
ساره : وهي تكتب : الله يخليج خالتي ما ابي اروح عندهم 0 انا ادري ان سعود ما يبيني وراح اقون ثقيله عليهم
ام خالد : لا تخافين يمه ام سعود وايد زينه وتحبج
ساره كانت ترتب اغراضها وهي تبجي

سعود كان قاعد مع مريم وهو ساحان وفكر شلون راح يفاتها بالموضوع
مريم : حبيبي شفيك
سعود : ما فيني شي
مريم : بقلبها : انا عارفه شنو يفكر فيه
مريم : سعود
سعود : هلا
مريم : ليش ما تتزوج وهي تقول الكلمه وعينها كانت تدمع


انشالله يعجبكم البارت

 

[rose red]

ناطريييييييييييييييييييييييييييييييييينج كملي
أحب قصصج و من أشد متابعيينج:eh_s(21):

 

[Beautifulgirl]

:aha:rose red : مشكوره وايد 0

 

[عاشقة المسك]

القصة روعه كملي &&من متابعينج

 

[Beautifulgirl]

مشكورين على المتابعه 0 انشالله شوي وانزل البارت اوكي

 

[Beautifulgirl]

البارت الرابع :
مريم : سعود
سعود : هلا
مريم : ليش ما تتزوج وهي تقول الكلمه وعينها كانت تدمع
سعود : سكت : بقلبه: اقولها ولا لأ

ساره رتبت اغراضها وام خالد كانت تساعدها
ام خالد : راح تروحين عند ريلج وانتي مو شاريه شي يديد
ساره : خالتي ملابسي ما فيها شي
ام خالد : انشالله ام سعود توديج اكيد ما راح تهدج

سعود: مريم انا بقولج شي
مريم : بغى قلبها يوقف 0 شنو
سعود : سكت اخابف يجرحها 0 مريم انتي عارفه اني احبج صح
مريم : قلبها قام يعورها 0 عارفه
سعود : انا سويت شغله اتمني انج تساميني
مريم : سعود ودموعها كانت تنزل 0 انت تزوجت
سعود : تنهد ونزل راسه
مريم : مبروك حبيبي وباسه على راسه انشالله تيبلك الياهل اللى كنت تنطره طول عمرك
سعود : انتي ما تدرين عن ظروف زواجي
مريم : وهي تبجي مو ظروري اعرف
سعود : لا لزوم تعرفين انا ما تزوجها الا لان ابوها امنها عندي ابوه توفه وو مو عارف يقولها
مريم : تبي تبها
سعود : راح تسكم عند امي 0 مريم وغلاتك انا عمري ما شفتها
مريم : كانت تنزل دموعها وهو لمها حيل
سعود : وغلاتك هي ولا بحياتي انا احبج انتي
مريم : لا تخاف بس تبلك الولد راح تصير عزيزه وغاليه بعد
سعود : مريوم ليش تقولين جذي 0 انتي حبيبتي ودنيتي وكل شي بدونج ما اقدر اعيش
مريم لمت سعود حيل
سعود : بقولج كل شي وانتي سمعيني


ام خالد : كان ودي اروح اوديها السوق بس ما عندني مجال
ام سعود : لا عادي انشالله انا ولا بناتي يودونها السوق
ام خالد : انشالله 0 ام سعود دربالج على ساره تره والله انها حوش بنت ومأدبه 0 قبل لا تيي ام سعود تري ساره تسمع الله يخليكم لا تجرحونها قبل كانت تطلع وتروح وترد بس قامت تكره كلام الناس لها
ام سعود : لا تحاتين 0 راح احطها بعيوني

مريم : يعني اهي ما تتكلم
سعود : لا 0 بس تسمع
مريم : الله يعينها 0 سعود مدام انت كنت تبي تتزوج ليش تزوجت وحده جذي
سعود : انا ما كنت افكر اتزوج بس ابوه طلبني 0 مسكين كان حاس انه راح يموت
مريم : اليوم راح تيي
سعود : اي 0 امي راحت تيبها
مريم اسكتت
سعود : لمها حيل وباسها : يله انا بروح الشركه
مريم : اوكي
بعد ما طلع سعود : يا اليوم يا مريم اللى خايفه منه وتزوج عليج

ساره كانت قاعده اطلع الحديقه والمنظر الحلو ووصلو ليمه البيت او بالمعني الاصج القصر ودخلو
وكانت متعجبه من كبر البيت
ام سعود : يمه راح تسكنين عندي انزين
ساره حركت راسها
ام سعود : امشي اوريج غرفتج صعدو فوق وكان البيت هادي وايد ووصلو ليمن جناح كان يم جناح ام سعود : بطلت الباب ام سعود
ام سعود : هذا جناح الضيوف راح تسكنين فيه ليمن يجهز جناح سعود
ساره : استغربت
ام سعود : انا اخليج الحين ترتاحين على الساعه 8 نزلى تحت راح يكونون بناتي موجودين
ساره : حركت راسها

ساره بقلبها : يعني راح اشوف سعود والله احس اني خايفه شلون بشوف واكيد راح اشوف مرته الله يستر

على الساعه 7 كانو بدرية وبدور عند امهم
بدرية : يمه من صجج
ام سعود : يعني انا اتغشمر معاكم بعد شوي راح تنزل
بدور : شنو اسمها
ام سعود: ساره
ام سعود : دربالك لا تتكلمون جدام مريم ليمن اخوكم اكلمها
بدرية : والله راح ما تستاهل مريم
ام سعود : بس سعود لزم يتزوج انا ابي اشوف عياله
فجأه دخلت مريم : سلام
كلهم ردو وعليكم السلام
مريم كان ويها اصفر ومبين عليها انها باجيه
مريم : لا تخافون انا ادري قالي سعود
ام سعود : يمه لا تزعلين
مريم : لا ليش ازعل هذا الشي كان المفروض اصير من زمان


عند ساره كانت حايسه شنو تلبس قصير ولا طويل تلبس ملفها في احد غريب راح ايي
اسمعت طقت باب راح وبطلته وكانت ام سعود
ام سعود : يمه منتي نازله صارت الساعه تسع
ساره : بتسمه يبت ورقه وقلم : خالتي شنو البس في احد غريب راح يكون موجود
ام سعود : لا اخذي راحتج محد راح اييي حتي اعيال بدرية ما راح ايون
ساره : عشر دقيق وانزل
ساره تزهبت ولبست
توها تبي تدخل الصاله ولا تسمع
شنو اميره على ما تنزل
ام سعود : بس سكتي
بدرية : وانا صاجه
بدور : بدرية بس سكتي
مريم كانت ساكته
ساره دخلت عليهم
بدور قامت سلمت على ساره : انا بدور اخت سعود ساره حركت راسها
بدرية : من طرف خسمها : انا بدرية اخت سعود
ساره توها تبي تسلم على مريم : مريم دموعها تيمعت بعينها : انا مريم بنت عمهم وزوجت سعود
ساره انصفق ويهه وضاق خلقها

وقعدت معاهم
مريم : بقلبها : اكيد سعود اذا شافها راح ينسى ان عنده زوجه اسمها مريم
بدور : جم عمرج ساره
ساره ابتسمت لها : عمري 25
بدور : شكلج اضغر
ساره: مشكوره

بدرية ما تضايقتي بدور من انج كل شوي تقرين اللى تكتبه
ساره حز بخاطرها
بدور : لا عادي
بدرية : الحمدالله انها تسمع جان تلعوزتي
مريم قعدت اطالع بدرية وتخزها كانت بهل وقت ام سعود تشوف العشي فمادرت
بدور : بدرية
بدرية الحجي الصج ينزعل منه اهي طرمه لزم تتقبل كلام الناس
مريم ضاق خلقها صج ان ساره شريجتها بس مهما يكون

ساره عينها غورقت وقامت طلعت من الصاله وهي تبجي وفجأه


انشالله يعجبكم البارت 0 انشالله اذا قدرت راح انزل بارت بليل اوكي