الاعتداءات على أبناءنا بالمدارس .. إلى متى !! (( قروب رباط الأخوة ))

[manoooram]

ريمه الكويت عيونج الحلوة
ويا بعد قلبي بنيتج وحسبي الله ونعم الوكيل بهالأبله
شنو يعني طفلة حاشت جوتيها عزكم الله .. حسافه عليها تكون مربية أجيال

 

[mi corazon]

السلام عليكم

اولا شكرا اختي عله طرح الموضوع .. من زمان نتناقش فيه انا والمدرسات بس حلو انج تطرحينه للمناقشه مع اللي خارج المنظمه التعليميه


تعليقي عالموضوع ككل هو ( من أمن العقوبه أساء الأدب )

سواء من إداره
أو طلبه
أو معلم
أو ولي أمر

الجميع اصبح يمارس حريته الشخصيه وحاط بمخباته قفل الأمان ( الواسطه)

ولي الامر يقط ولده المدرسه ويطلب منهم القيام بمهمة التربية والتقويم كامله .. ونسي ان المسأله بالتناصف بينه وبين المدرسه .. كأنه مدخل دجاجه الفرن ويبيها تطلع جاهزه للأكل .. جذي يبون عيالهم

والله احيانا اولياء امور يعيز نستدعيهم .. وعمك اصمخ .. مانشوفهم الا في وقت الشهادات ويبدأون بالاسئله ... ليش وليش

الشي الثاني : الطالب

اذا كان ولي الامر غير مراقب للطالب .. فا شي طبيعي راح يكون الطالب بيئه خصبه للتأثيرات الخارجيه ( تلفزيون - اصدقاء - نت وغيره )

ومو المقصد ان ولي الامر لازم يكون حازم جدا .. لا راح تكون النتيجه نفس التسيب .. ويخنق الولد او البنت


الشي الثالث : الإداره المدرسيه

اللي تكلف المعلم بمهام تطغى على مهام التعليم ... ويلهونه ... ولو المعلم ما نفذ رغباتهم انحرم من الامتيازات تحت بند عدم التعاون ... وبالتالي يؤثر عله تاريخ المعلم الوظيفي وينكتب هالشي في ملفه بحيث تصبح وصمة عار عليه

هذي نهاية الامانه ؟

العنصر الاخير والمهم

المعلم ... واهو الفيصل

ممكن يذبح نفسه علشان يوصل الرساله بأمانه ويشوه سمعته الوظيفيه (بند عدم التعاون )

او يخون الامانه ويلهث ورا الترقيات والسمعه الطيبه بالوزاره


من وجهة نظري .. المعلم ممكن يغير حياة طالب بتصرف زين منه ويصنع منه انسان
وممكن بكلمة منه .. يفشله جدام الصف .. يهدم شخصيته ويصنع منه شخصية فاشله او حتى مجرم .. بمحاولته اثبات نفسه وتعديل صورته اللي شوهها المعلم جدام الطلبه فا يتفرعن عليهم ويعاملهم بعنف علشان يثبت نفسه


وبالاخير .. المعلم عباره عن طالب سابق .. وطفل لوالدين ونتاج مجتمع

المسأله كلها يبيلها تعاون .. القوانين حازمه

شيلوا الواسطه وعاقبوا اصحابها واحنا نصير بخير

امعلم المعتدي .. يتعاقب
المسؤل المرتشي يعاقب
الابوين المهملين .. يواجهون ويعاقبون ان لزم
الطفل المخطئ .. يناقش ولا يضرب

اختي مانورام

اتفق معاج بكل النقاط .. لكن اسمحيلي اختلف معاج في نقطه لاحظتها

* توظيف شرطيات بمدارس الفتيات لمراقبتهن
تفاديا التهرب من الحصص الدراسية
والتقليل من الخلافات والمشادات التي تحدث
وينطبق ذلك على مدارس الأولاد باستخدام أفراد من الرجال .

اولا .. لاحظت سلوك بعض الشرطيات في المجمعات والاماكن العامه ولي عليها ملاحظات سيئه .. شرطيات يتعاكسون ويتبادلون البنات مع الشباب

طيب اذا كانت عنصر تقويم .. واهي تقبل هالشي .. شلون نأمنها عله عقول بناتنا الخصبه

والحين منتشره مسألة البويات ،،، وكنت في اكثر من مدرسه لاحظت البنات يحبون البنت القويه ... ويتقربون لها علشان

فا لو قلبت المسألة اعجاب وحب بين الطالب والحارسه شيصير؟


انا اؤيد اكثر مسألة الكامرات .. وان لزم الشرطيات .. لازم تكون تحت الملاحظه


شكرا على الموضوع واعتذر عن الاطاله

 

[manoooram]

حولة مركزة
:eh_s(7):
قواج الله بردودج واضافاتج الحلوة

foshia girl
حبيبتي انتي و الله يعافيج
صج ضروري يحطون كاميرات بالمدارس على تردي الأوضاع بالمدارس من اعتداءات وغيرها

 

[زوجة عزيز]

يامساااء الخيرااات مشكووووووره على الموضوع الصراحه موضوعج وايد مهم ووايد اليهال يتشكون من المدرسين والطلبه اللي وياهم وساعات اتصير هوشات كبيره والمدرسين يعرفون ومايعلمون ولا يخبرون اولياء الامور وايون اليهال حالتهم حالة ولين رحتي المدرسه وقلتي لهم يقولون يهال اوكي يهال راقبوهم علمو اولياء الامور او عاقبو الطالب اللي يعتدي على ربعه او يطق اللي اصغر منه واتذكر يوم كنت صغيره عندنا مدرسه موسيقى اذا ماعرفنا شي سيده اتطقنا على راسنا ويدها تعور وكنا نسكت اااخ يالقهر كنا نخاف ونكره حصة الموسيقى هاي في الابتدائي اما في الاعدادي كانت عندنا مدرسة رياضه اعوذ بالله اللي ماتعرف ترفسها على ريلها بالقوه وبعد كنا نفس الشي نخاف نعلم عليها وبعدين رفست بنت فيها سكلر وعلمت عليها واهلها اشتكو عليها وماعرف شصار على المدرسه صج صج شفنا بلاوي والله انا من رايي ان الام لازم لازم تعلم اعيالها ان مايخافون من شي ولازم يعلمون بكل اللي يصير لهم بالمدرسه والاعتداءات اللي تصير المدرسين اهم المسؤولين عنها ومن رايي ان مدارس البنات يحطون حرس نسائي لأن ي وايد بنات يشردون مو بس الاولاد ولازم يحطون كيمرات مراقبه لان هالشي اهم شي عشان لو بدر اي غلط او اعتداء من طالب على طالب او من معلم على طالب مايفلت من العقاب وعشان يكون عبره لغيره وتخف هالشكاوي والله يحفظ اعيالكم ان شاء الله ويزاج الله الف خير صاحبة الموضوع

 

[! بــدويه وآآيــد !]

،


فعلا موضوع محتاج نقــاش

للأسف اول للمعلم هيبته واحترامه وكاد المعلم ان يكون رسولا .. لكن هالمقوله ماتنطبق بهالوقت لان المعلم ساعات يشتم ويسب وممكن توصل لـ مرحلة الأذى الجسدي والنفسي

منو منا ما شاف فيديو المعلمه الي تعذب تمليذ بالابتدائي باليوتيوب
وحق الي ما شاف الفيديو

http://www.youtube.com/watch?v=0ei7csfgF_k


وهذي عينه من العينات الموجوده الي للأسف ممكن يطيحون فيها عيالنا ، المدرس بـ نفسه الي دخل وزارة التربيه والتعليم وبدوا كلمة تربيه على تعليم ما صان الامانه وباع ضميره


الاعتداء ممكن يجي من المعلم او الطلاب لـ بعضهم بعض

اذا جاء من المعلم المفروض الحزم بالقرارات وتكون رادعه وعبره لـ غيره هذي رساله ساميه مانسمح له يلطخها
وهناك حلول كثيره وانتي والخوات ماقصرتوا ذكرتوها لكن دام ان الوزاره متقاعسه ومو قاعده تحط هـ الحلول ولي الأمر يضطر يآخذ حق ابنه او بنته بـ استدعاء المدرس واللسان

مثال قبل فتره اخوي عمره 12 سنه داش ووجهه احمر وعيونه وتغورق ودش على طول داره وقفل الباب ونسمع البجي وكان يشاهق من كثر البجي ولما امي غصب خلته يبطل الباب وقال ان فيه استاذ اليوم كان عليهم احتياط وقال الاستاذ حق رفيجه ( جايبه يسولف معاه ) اووف ريحة الصف تلوع الجبد قال اي كله من ريحة هذا وأشر على اخوي يقول اخوي الصف كله يضحك علي وبعد الحصه يدزوني يقولون بو ريحه ! وراحت امي ثاني يوم استدعت المدرس ورفيجه وسألته وقال انه اصلا مايعرف حتى اسم اخوي ولا عمره قرب منه وقال هالكلمه قطه عشان يضحك رفيجه ومو قصده ! وامي عطته جم كلمه بالبلعوم وزفته اهو ورفيجه وقالت لهم انتم قدوه تسوون جذي يعني مانلوم الصبيان اذا باجر سبوا بعض بكلام اقوى من جذي وخلت الاستاذ يدش الصف ويقول للصف كله ان يضحك ومو قصده لان اخوي يقول بالفرصه وبين الحصص يدزوني ويضحكون علي والا اخوي مسجين وين ريحه جلد على عظم ويتسبح كل يوم ويموت بشي اسمه عطورات من وهو صغير والحين مسجين قام يوسوس يقول حق امي عادي الي كبري يحط ديودرنت ؟ .. الله يهديهم بعض المدرسين

ايام اول البنات الي مايهتمون بنظافتهم وغيره كانوا يستدعونها بروحها ويكلمونها الحين لا للأسف تلقين الابله تطنز عليها جدام الطالبات !!


والمصيبه الاعظم بمدرسة الصبيان تصير بلاوي بلاوي بالحمامات لكن وين الرقابه وين الوزاره وين الحلول وين مدرسين التربيه قبل يكونون مدرسين التعليم ؟؟

العتب الاول والاخير على الوزاره نفسها لو تردع مدرسينها وتكون حازمه معاهم جان المدارس تعدلت والطلاب مقدور عليهم

جزاج الله خير اختي مانورام ع الموضوع المفيـــد

 

[بنت العقربيه]

والله العظيم حتى انا مشغلني هالموضوع انا مو متزوجة لكن اخاف على خواتي الصغار مثل والدتي تماما لان هالشي انتشروفي كل المجتمعات
كل يوم الوالدة تسال اختي السواق لمسك سوى لك شي يعني تنتظرين يسوي لها شي لاسمح الله الله يحفظها بعدين وش بتسوين بتقتلينة مثلا ؟؟ لازم يسمحون للنساء بقيادة السيارة في المملكة عشان الام تودي وتجيب عيالها بدال السواقين ونفس كلامي بالنسبة للكاميرات كانك تقرين افكاري قلتها من زمان لاخواتي لازم يحطون كاميرات في مدراس كل الاطفال والمراهقين المدرسين لما يعتدون على الاطفال والحكومة لاتعاقبهم ولا تاخذ حق المعتدي منة اجرام في حق البشر والله لو كانت العقوبة الي حددتها الشريعه تطبق ماراح نسمع هالاعتداءات
(على فكرة الامارات طبقت هالشي الله ياليت كل دول الخليج مثل الامارات في تطبيق القانون والنظام)
ان المرأة تكون حارس بدال الرجال اروع فكرة سمعتها نفسي ياليت احد يشوف هالموضوع ويتطبق قريب يارب لان فية قصه صارت في السعودية بنت في الابتدائي جابتها امها بدري للمدرسة في الصبح وخلتها مع الحارس الحارس اعتدى على البنت والبنت نزل منها الدم وقامت تبكي وتصارخ جاتها حالة هستيرية من البكاء هرب الحارس جات اول مدرسة وشافتها وجاتها صدمة ماعرفت ايش تسوي الا انها تتصل بالشرطة والاسعاف واهل البنت لاحول ولا قوة الا بالله الله يحفظ جميع بنات المسلمين


والشرطيات بعد فكرة حلوة بما ان البنات صاروا مثل الاولاد يتهاوشون الله يهديهم

لابد من اتخاذ إجراء صارم في حق المعتدي ان كان طالبا أم معلم
حتى يكون عبره لمن يعتبر ..
ويكون رادع لهم بأن هناك حسيب ورقيب لتصرفاته

هاذا هو مربط الفرس لو الشريعه تطبق مايتجرى اي احد يعتدي على الاطفال لكن بعض الاطفال مايتكلمون لانهم تحت تهديد المدرس احيانا يهددة بالقتل لذلك المسكين يسكت اتمنى وضع كاميرا قبل فوات الاوان
ولو هالشي صار لولد او بنت(مسؤل كبير)في البلد راح يتعاقب الفاعل وراح تتغير انظمة وقوانين المدارس لكن حتى عيالهم لهم اماكن خاصه فيهم ومحد يقدر يتعرض لهم ؟؟؟؟؟؟؟؟

 

[داناتا]

اول شي اشكرك علي هذي المواضيع اللي تطرح مشكله احنا محتاجين نلاقي حل لها لان صارت خطره علي عيالنا وتهدد تحصيلهم التعليمي واايد انا اسمع ان بعض الاسر رافضه تدخل عيالها المدارس الحكوميه لقصورها في رقابه الابناء والمفروض من الاداره تنبيه المعلم بان لو يحصل تهديد للطالب بان المعلم يتعاقب انا معلمه ابتدائي وبصراحه وايد اسمع اهانات من بعض المعلمات وصراخ واصل للممر وما في احد يقدر يضبطها انا اتمني ان توضع كاميرات ويكون هناك جهاز رقابي للحد مثل هذه الحوادث وفي موضوع ثاني حابه افتحه انا درست سنه ابتدائي للاولاد وفعلا حسيت ان ما يصلح الابله تدرس اصبيان وايد مشاغبين والاهل الله يهداهم يقولون للولد لا تسمع كلام مراا يعني وين قاعدين بالله وشغله ثانيه ياني ولد يشتكي علي صاحبه ان يروح الحمام يشرب زقاير ترا هذا الولد عمره13 راسب وان يسوي بعد شي ثاني سالته شنوووو قال ما اقدر اهني انا رحت الاخصائيه والله ما تحركت ولا سوت شي ترااااا المدرسين ارحم للااولاد وخاصه لمثل الحالات هذي

 

[manoooram]

كل الشكر لج Diva باضافتج الطيبه وهذا المفروض ان الاهل يكثرون من النصايح لعيالهم
واعجبني كلامج وايد :

أولاً و أخيراً
الي يحمي الاطفال .. التربيه !
الوصايا و النصائح و طرق حماية النفس و الدفاع عنها !!!

تدرين والله ان هالشي قاعده اطبقه مع بنتي بس سالفة عزج الله الحمام
احسها ياهل صغيره ما تقدر تمسك نفسها
ودايما احرصها ان محد يلمسج او تفصخين جدام احد عيب
بس همن ما ننسى دور الادارة المدرسيه ان تكون عيونهم على طلبتهم لأن هذول أمانه في اعناقهم
:eh_s(17):

 

[manoooram]

ورود خذلتها العاصفه تسلمين اختي لمشاركتج
بس والله مو الكل .. بعض المعلمين يا حلوهم ينحطون على الراس وحبوبين ومسألة الاجبار بان عطني فلوسج ولا غيره اهووووو
وااايد هالسالفه الله يعين بس :eh_s(17):

 

[manoooram]

اطياب طيبه.أم عبدالله
حياج الرحمن ومنورة

صعب انساني
مشكورة حبيبتي ورفع الله مقدارج

 

[manoooram]

تسلمين لي حبي بيرين وكلامج صح

 

[manoooram]

أهلا اهلا أم عبووووود منورة
وكلاااامج عالعين والراس ما شالله كفيتي ووفيتي الغاليه
قواج الله
:eh_s(15):

 

[manoooram]

جوك احلى جو
منورة الموضوع حياتي والله اتمنى يحطون الكاميرات بالمدارس
:yaaaaaarb:

 

[manoooram]

زعفرانة_73
ربي يخلي لج بنيتج .. الغبيه اهي اللي أسلوبها هابط بهالشكل عيب والله !! ومؤكد يا قلبي التربيه الأساس بكل شي
قواج الله :eh_s(17):

 

[عـواشـه]

وعليكم السلام ورحمه الله وبركاته
موضوع جدا مهم طرحه
انا وجهه نظري انه جميع الحلول الي اقترحتيها حلول جدا جيده حتى تمنع الاعتدائات الي قاعد تصير بالمدارس
بالنسبه لمدارس الصبيان ..
في وايد صصبيان ( الله يصلحهم ) يكونون بتاسع متوسط مثلا .. وتلقونهم يعتدون على طلاب الصصف السادس بحجه انهم صصغار ومايقدرون يدافعون عن نفسهم وهالشي اكبر غلط والسبب يعود على تربيه الاهل لهذا الولد لو انه معلمينه من وهو صصغير انه هالششي غلط جان ماصار الي صصار بس عقب ما كبر محد يقدر يسيطر عليه او يربيه من جديد
المدارس الخاصه الي تكون تجمع بين المتوسط والثانوي تلقون طالب بـ 12 يعتدي على طالب بـ 7 او 6 بالفرصه يسحبه وياخذه اي مكان ويقول بمششي معاك وكذا وعقب يعلمه على المخدرات وجذي وشوي شوي توصل المرحله الى الاعتداء ..

بالنسبه لمدارس البنات ..
الاعتداء واااايد وااايد قاعد يصير وانا اعيد واكرر السبب الرئيسي هو تربيه الاهل فلا تلومون بنتكم اذا شفتوها تسوي هالحركات فالسبب الاول والاخير راجع لتربيتكم انتم لها وخصوصا بعمر 13-19 عمر خطير وبسرعه ينقص على البنت وممكن يضيع ششرفها بثانيه .. لا تقولون هي بمدرسه بنات خلاص مراح يصير لها ششي .. غلطانه بـ 2012 توقعي اي ششي يصير ببنتج صيري صديقتها لا تخلينها سولفي معاها عوديها تقول لج كل اسرارها .. مدارس البنات تارسينها البويات والايمو !! ماتدرون بثانيه يلعبون على البنت والحادثه صارت وااايد واايد وااييد ترى

من رايي الامهات اول ششي يربون اولادهم ويهذبون بناتهم ويعلمونهم الصح من الغلط قبل لا يفوت الفوت وبنتج يا تصير بويه يا ينقص عليها بسسرعه من قبل البويات

فديرو بالكم واتمنى من كل قلبي انه يطبقون هالاقتراحات .. الي انتي حاطتها ببدايه الموضوع

 

[^LILY^]

موضوع جدا هادف وواجب ان ياخذ بعين الاعتبار
الحلول اللي حطيتيها جدا وافيه وهي بعباره الدواء
اعجبني هالنقطتين


* توظيف شرطيات بمدارس الفتيات لمراقبتهن
تفاديا التهرب من الحصص الدراسية
والتقليل من الخلافات والمشادات التي تحدث
وينطبق ذلك على مدارس الأولاد باستخدام أفراد من الرجال .



* وضع عنصر نسائي من الحرس عند بوابة المدرسة في الفترة الصباحيه
وإبدالها بعنصر من الرجال بالفترة المسائية
أي بعد انتهاء الدوام الرسمي للمدرسه .


منها :
الحد من التحرشات الجنسيه من الحراس وحتى من غيرهم
ومنها شعور الطلبه بالراحه
والقضاء على البطاله عند الحريم

التحيات لله
وسلمت يداك

 

[عادت ذكرياتي]

من وجهة نظري معاقبة الطالب او المعلم حين الخطأ وألا يكون للوساطة تدخل في ذلك ...


شكرا عالطرح حبيبتي

 

[manoooram]

mi corazon

مشكورة الغاليه على مشاركتج الطيبه بالموضوع وبالعكس لا اطاله ولا شي حبي
والحمدالله ان اشوف تفاعل الكل مع الموضوع انه حساس ولا بد من وجود حل للحد من هالمشكله
كل اللي قلتيه عالعين والراس و كلامج صح
لكن الادراة اهني اييي دورها بملاحظة ومراقبة الشرطيات بتعاملهم مع الطالبات
واذا كانوا يأدون دورهم على أكمل وجه بتقيدهم بتحقيق هدف وجودهم بالمدرسة

 

[manoooram]

بنت العقربيه
يعطيج العافيه على طرحج لنقطه مهمه اللي اهي أولياء الأمور اللي يوصلون عيالهم للمدارس قبل وصول أحد من الادارة المدرسية !!
انا مستحيل ومن سابع المستحيلات أوصل بنتي أوعيالي مدارسهم وماكو أحد !!
صج اتمنى الأمهات والأهالي يراعون هالنقطه شيسوى عليكم يستفرد فيهم الحارس ولا من هالفراريش يالله سترك وحفظك

ولو هالشي صار لولد او بنت(مسؤل كبير)في البلد راح يتعاقب الفاعل وراح تتغير انظمة
وقوانين المدارس لكن حتى عيالهم لهم اماكن خاصه فيهم
ومحد يقدر يتعرض لهم ؟؟؟؟؟؟؟؟
:rerrerek::rerrerek::rerrerek::rerrerek:

 

[manoooram]

زوجة عزيز ما قصرتي
جزاج وجزانا خير والله ياليت لو يطبقون هالشي
ويحطون كاميرات مراقبة وشرطيات بمدارس البنات
باذن الله راح يكون تغيير كبير نحو الأفضل تنصب بمصلحة الكل