الاشياء الي تصير لكم بعد الولادة بليييز ابي تفاعل

[لينوفر]

السلام عليكم

الموضوع واضح من العنوان بغيت اعرف شنو يصير لكم بعد الولادة على طوول لما يحطونج بغرفتج او بعدها بوقت لان بقولكم قصتي بعرف اذا احد صار لكم مثلي 00


بولادتي الاولى الحمدلله ماصار اي شي بس عوار الخياطة


اما بولادتي الثانيه انا جيتهم واصله وحسيت بعد الولاده اشياء تنزل مني مثل ماي بدفع قوي وانا تو مانزلوني الجناح


العصر دخلت الحمام تكرمون بس معاي الممرضات مادريت بنفسي الا انا طايحه والممرضات وعيت وهم يكتون علي ماي عشان يقعدوني ولقيتهم مبدلين لي ومغيرين ملابسي ويقولون اشربي عصيرر وشكلهم حدهم خايفيين 0

واليوم الثاني الصبح اول ماقعدت ابي اروح الحمام بس مجرد ماوقفت انكت معاااااااي دم كثيييييييييييييير نزيف موطبيعي

مادري حبوبات احد صار معاه جذي مع اني بحملي الثانب اهتمت فيه واجد اخذ فيتامينات ومستمرة على وصفه الدكتورة من حبوب واكلي ممتاز 0


ارجو الافادة والتفاعل

 

[زين ودلال]

انا ماصار فيني شي الحمدالله..بس دوخه من عقب الكمام لاقمت من السرير ادوخ شوي ماكو توازن

 

[ام الحلوااات]

u p​

 

[بتبوتااا]

يصير خمول و مع اي حركه يطلع الماي وهالسوالف والجسم يكون مو متوازن

 

[دانه2007]

حتي لو ماخذه فيتامينات بس الدم اللي اللي نزل منج تكرمين يكون مو شويه عشان جذي لازم تدوخين والمفروض الوحدة بعد الولادة ماتروح او تغير بروحها لان يغمي عليج وانتي ماتحسن انا جذي يصير فيني ما احس الا وانا طايحة بالحمام تكرمين وبالذات او يومين او ثلاثة

 

[ام زاكي]

اصلا معروف انه بعد الولاده لبغت الوحده تروح الحمام تكرمين لازم يمسكونها الممرضات لانه الدم الي نزل يسبب لها نقص حديد وهذا الي يسبب الدوخه

 

[om MaRyooM]

سلامتج وماتشوفين شر

اتوقع اللي فيج عادي .. لأن فقدتي كمية من الدم
بس للاحتياط كلبي منهم يسوولج تحليل دم اخاف صار فيج فقر دم عشان تاخذين حديد

 

[@ام يوسف@]

طبيعي عقب الولاده دوخه والسستر لازم تدخل معاج الحمام

 

[La t7atini]

الدوخة عادي
بس اخااف نزفتي حيييل بالولادة
سوي تحليل وغذي عمرج عدل
ماتشوفين شر ان شاء الله

 

[لينوفر]

تسلمون ياحبوبات على الردود