السلام عليكم ورحمة الله وبركاته..
عندي موضوع وبغيت آخذ رأيكم + تصويت عليه..
الحمدلله الحمل نعمة من الله (أسأل الله عز وجل يرزق كل محرومة ) وكل من جرب الحمل يعرف التعب والحالة النفسية والوحام والثقل والشوق واللهفة أن فترة الحمل تخلص على خير وبالذات بعد الأمراض اللي منتشرة بين حديثين الولادة.. كل يوم نسمع قصة عجيبة غريبة عن تشوهات الجنين ..
فبعد هذا كله بدل ماتشكر الحامل ربها انه يسر لها وقر عينها بشوفة ولدها / بنتها بصحة وعافية تقوم الحبيبة (تفسق) علبو انه استقبال...
والله حرام هالتبذير اللي نشوفه... ياما حريم جهزوا وفوق المعقول ولكن سبحان الله ماتوا واهم يولدون أو مات جنينهم بوقت الولادة... (فشنو فادهم فيه تجهيزهم)
والله حرام هالتبذير اللي نشوفه... ياما حريم جهزوا وفوق المعقول ولكن سبحان الله ماتوا واهم يولدون أو مات جنينهم بوقت الولادة... (فشنو فادهم فيه تجهيزهم)
أنا مو ضد الفرحة بالمولود ولكن بحدود المعقول ..ماتسوى عليكم الفزة والعين ..
أعرف بعضهم ياخذون قروض ويتسلفون عشان هالاستقبال الراقي اللي تبيه يصير أحسن من استقبال حماتها أو مرة حماها..
أعرف بعضهم ياخذون قروض ويتسلفون عشان هالاستقبال الراقي اللي تبيه يصير أحسن من استقبال حماتها أو مرة حماها..
مافيها شيء اذا ماسوينا توزيعات ..
ويكون أحسن لو بعض هالفلوس نتصدق فيها بنية دفع البلا عن المولد..
فشرايكم أنتم مع الاستقبال والتبذير اللامعقول ولا ضده؟
وشرايكم باللي والدة وماتسوي توزيعات أو فناتق تعتبرونها بخيلة أو انها ماتحب مولودها؟
