الاستحمام بعد الولادة مباشرة

[هموسه!!]

السبوح بعد الولاده غلط..الحرمه مو ناقصه علاجات بعدما يخلها الهوا من كل صوب

بعد الولاده بكم ساعه.. تاخذين مرش الماش وترشين الماي من صوب المثانه الين تحت وأنتي طبعا قاعده.. وديري بالج توجهين مرش الماي للمثانه بالضبط.. خليه بعيد عنه شوي

باقي جسمج لاحقه عالتفرك... بعد 10 أيام تسبحي ولاتفركين بصابون وشامبو معطر..

ترى محد راح ينفعج الا صحتج عشان تروحين للزوجج وانتي صح...

حبيت انصحج .. ترى السبووح غللللط بعد الولاده

 

[love love]

تتسبحين بعد ماتصحصحين من البنج والسستر وياج وانتي على الكرسي سباحه سرييعه المهم تتطهرين من الدم وتتنظفيين وبالحمام تلبسيين

حتى اذكر قصرو على التكييف اول مابغيت اتسبح

 

[ZajiL]

توني والده من جم يوم
اول ماولدت ماسبحت لاني ولدت المسا وعلى ماصعدوني غرفتي صار اللليل
بس من باجر الصبح الله وكيلج شور وكل يوم اخذ شور مستحيل اغير طبعي والحمدلله بكل عيالي وماظرني

 

[أم عواشي]

اشدعوه تطلع ريحه خايسه !!
اذا سبحتي قبل الولاده .. ماتطلع ريحه خايسه ..

 

[سهام بنت محمد]

انا بنسبه لي بس اغسل نصف جسمي طبعا التحتي لمدة ثلاثه ايام ومن بعدها اسبح يوم وترك

 

[meen_ana]

مافيها شي بس ينطرون عليج لمن ترتاحين بعدين السستر تخدل وياج عشان تغسلين جسمج

 

[ازعجهم هدوئي]

انا بعد ساعتين من الولادة اخذلي شور بصابون ديتول احسن شي عشان يعقم واتنشف عدل والبس ملابسي بالحمام واروح لسرير بسرعة واتغطى وانام ما اقدر اتحمل انام احس لازم الوحدة تسبح على طول بس خلي الحمام شوي فاتح واحد يوقفلك عند الباب