الاستحمام بعد الولادة مباشرة

[وهج الخير]

شنو الشامبو اللي تنصحيني فيه

شامبو الشاى روعه روعه روعه بس مادرى من وين خواتى يشترونه للجسم او للشعر ما اذكر بس بسال خواتى باكر وارد لك خبر

 

[malekaa]

تسلمين يا وهج الخير ومشكورة ما قصرتي ويارب ينولج كل اللي في بالج

 

[وهج الخير]

اشكرك جزيل الشكر عالدعاء الطيب
ربى يهون عليك بالصحه والعافيه والخير والسعاده انتى والخوات كلهم
ونستودعكم الله واى سؤال لا تستحين
وسبحان الله اذا ما رديت عليك عن اسم الشامبو دزيلى عالخاص ذكرينى وما يصير خاطرك الا طيب يالغاليه استودعكم الله

 

[فرحه عمر]

اختي انا ولدت بعز الشتا الفجر صعدوني غرفتي
طبعا اول شي تحسين انج بتروحين الحمام تكرمين عشان تتبولين هذي لاااااااااااازم احد معاج لانه الدنيا تفتر وانتي مو حاسه وغالبا يلبسونج حفاظ عشان ماتقومين من مكانج
بس من تخلصين وتريحين شوي وتنامين شربي عصير منجا او برتقال وامشي شوي بعدها دخلي غسلي جسمج بس مو ضروري شعرج مدامه نظيف لانج اساسا بالتاسع دايمن تتحممين من الحروره اللي بجسمج فراح يكون نظيف
يعني سبوحج ينقاله تروش كتي ماي واستخدمي شاور جل اسرع بالسبوح غسلي رقبتج وكتفج والصدر والبطن والمصافط وردي غسلس بماي دافي وتنشفي ولبسي بالحمام (( لا تقفلينه )) وياريت تكونين قاعده وسريعه بالسبوح يعني مو سالفه حمام مغربي هههههههههههه
ومن تخلصين ان شاء الله اهلج ضبطو كفرج وشغلج عقبها دزي مسجات استقبال
لا تدزين تبلغين الا عقب ماتطلعين من غرفه الولاده وتغيرين ملابسج

 

[malekaa]

مشكورين حبايبي على النصايح الغالية

 

[اسأل ضميركـ]

انتي من تحسين بطلوووق تسبحي وعقب الولاده غسلي جسمج بمااااي ..




<<<< ترى بجريه بس هذا اللي ناوية اسويه ان شاء الله لاني احس حزتها راح اكووون تعبااانه بعدين اللي سمعته مو زين تغسلين راسج عقب الولاده على طووول انطري يوومين عشان جذي تسبحي من تحسين بطلووق ..



وسلامتج ..

 

[بوضـه]

االله يسهل عليج
انه مادري بس سامعه ان بعد 7 يوم
مادري ؟؟

 

[تـــرحـــال]

انا بجريه وبصراحه ناويه اتسبح على طول

لان ريحه ووصاخه بس مثل ما قالو البنات على كرسي وعلى السريع ماراح اطول بس تنظيف لان راح اتسبح انشالله

قبل لا اروح المستشفى وبلبس بالحمام واتنشف عدل وانشالله مافي الا الخير اذا درت بالج على نفسج

 

[وهج الخير]

السلام عليكم الشامبو للجسم من مستشفى المواساة تحصلينه بالصيدليه

 

[لميـس]

والله انا تسبحت عقب ماطلعت من المستشفى يعني عقب 3 ايام لانه كانت لايعه جبدي من نفسي بس المره الياية بحاول اطول اكثر اليوم السابع او العاشر احسن لانه الهوا لي دش بهذل ا لمرا من كل صوووب

 

[**بحرينية عسل**]

اني ولدت الظهر بولدي عبادي وثاني يوم الصبح تسبحت وغسلت شعري واكثر من سستر سالتيني ليش ماتسبحتي
وقالت لي اذا تعبانة خلي زوجك يدخل وياج
بس اني حسيت نفسي الحمد الله زينة
وخليت زوجي بره في الغرفة وقلت لة اذا حسيت بتعب بناديك
بس انتي غسلي جسمك غسل سريع ودفي نفسك عدل قبل لاتطلعين من الحمام
خصوصوا الحين الجو بارد
الله يوقمج بالسلامة ان شاء الله

 

[خـــــواااطر&&]

__________________
السلام عليكم ورحمة الله وبركاته ..

ااحنى طبعنا ما نسبح الا سابع يوم مو الولاده

وقبل الولاده بالشهر التاسع كل يوم نسبح لان السبوح يريح جسم الحامل من التعب وبعد تخليها تسترخي وتشجع على الولاده

وبعد الولاده ب7 ايام نسبح كامل " سبوح كامل "

بس اختي انتي بالمستشفى لازم تغسلين جسمج كل يوم بالماي والصابون تعرفين عرق ودم فانضف

بس مو ضروري شعرج وممكن ناس تقول الشعر يدهن " عادي انتي بنفاس " محد بعلق

والي بعلق ماعنده سالفه بصراحه

بعدين ترى جد ادا حاشج هوى بعد لنفاس يبهدل رفيجتي حاشها هوى وعليه صج كانت طول الاربعين من مستشفى الي مستشفى كل يومين يطلع فيها شي

نس كلام اختي انا اقول مثلها تسبحي قبل لا تروحين الطبيب ولا طلعتي من غره الولاده اغسلي بس جسمج ولا تفركينه حيل خلي الماي يمر على جسمج مرور خفيف وانا بصراحه مايد السبوح ع طول
واله يقومج بسلامه يارب
تقبلي مروري

 

[malekaa]

مشكورين على النصايح الغالية وانا قررت خلاص ان شاء الله اذا الله سهل علي اتوكل على الله واتسبح وانشف شعري بالحمام والبس واتدفى عدل والله الحافظ

 

[مساء مونترو]

عادي بس موتغسلين شعرج بس جسمج علشان يقولن والعياذ بالله انة يسبب سرطان المبايض..
غسلي جسمج علشان تتحرك هم الدورة الدموية ..اكيد بيكون تعب بسميخالف شتسوين وازم تتغذين علشان مايصير فيج هبوط

 

[الأماكن]

أنا ما أطلع من غرفة العمليات ... طبعا النيرسزز معاي يساعدوني ... و ينظفووني عدل ... بس فوطة مبلولة بماي داافي وصابون

و أفرش أسناني .. طبعا قبل الولادة ... أكون جاية المستشفى سابحة ... و مسوية شعري ... لإني أولد طلق صناعي

ولما أرد البيت ... بس لما أطفش و أعرق ... بس بفوطة مبلولة ماي و صابون .... نفس المستشفى ... و أحط بودرة عشان أتنعنش

و لما يصيرلي 10 أيام ... أدق على الصالون ... أطلب أستشواااار ... و أروح أتسبح بشامبو يعني سبوح عادي و أتفرك بالليفة ...و اقولها تقعد تنطرني عشان أول ما أطلع من الحمام ....

تنشف لي شعري بسرعة ... لإن بروحي ما أقدر ... أتعب و أدوخ ... و بنفس الوقت .... ما ابي أكلف على خواتي ....

و أبخر شعري بعود و أتعطر ... مع إنه سمعت العطور مو زينة ... بس شسوي

بس سبحان الله احس ببرودة عقب النظافة ... ما أدري يمكن الوصاخة ... مسوية لي مناعة من البرد

و نصيحتي لا تسبحين إلا لما يصير لج إسبوع أو 10 أيام يكون الجرح إلتئم

والله يقومج و يقومنا بالسلامة

 

[منورة الكويتية]

من صجكم ماتسبحون الا عقب اسبوع!!
شلون تتحملوون؟
انا بولاداتي الثنتين ولدت على طول عقبها بساعتين ماقدر اتحمل بصراحة والحمدلله مافيني الا العافية

 

[{}{}{ سكرة }{}{}]

انا طلعت من الولادة اول ما صحصحت من البنج تسبحت على طول


والحمدلله مافيني شي

 

[ام_حبيبي]

عادي حبيبتي تسبحي انا بعد الولاده ودوني الغرفه نمت ولما صار الصبح قعدت وكليت وعقب سيحت وطبعا لازم السستر معاج لأن ان دخت واشوه كانت معاي السستر ولبسي ملابسج بالحمام ونشفي شعرج عدل لا يحوشج هوا وانا كنت بالنفاس اسبح يوم وترك واستغرب الصراحه من اللي مايسبحون بعد الولاده اصلا الجسم بالولاده كله عرق ووصخ ودم وبلاوي والشعر من العرق لاصق ومدهن لازم التسبح وخاصتا اللي عندها استقبال ولاتحاتين حبيبتي التسبح عادي وعسى الله يهون عليج ويرزقج بالذريه السليمه

 

[شذور الذهب]

السلام عليكم
عسى ربي يسهل على الجميع ،،
الصراحة خرعتونا اول مره اعرف ان السباحة فيها خطورة !!
انا ولادتي الاولى ولدت بالليل الصبح تسبحت وقبل لاادش اتسبح يتني الدكتورة تتطمن علي وما قالت مو زين
او حذرتني عادي ..
واللي اعرفه من امهاتنا ان بس يولدون يرتاحون بالكثير نص يوم وتتسبح والحمدلله ما قالو مو زين ولا لازم بعد اسبوع!!!
اشدعوه .. شالحكمة يعني ؟ اذا على الهوا البارد حتى بعد اسبوع هم ممكن يلفحج هوا ..السالفه ان ذكرو الله وتوكلو عليه ومافي الا العافيه :yaaaaaarb:

 

[miss_jamsheer]

شوفي اختي انا عندي مزاج السباحه شي موطبيعي لازم كل يوم اسبح بس بعد ماولدت توني كنت والده قعدت ولا تييني السستر بتسبحني قتلها لا الحين تعبانه باجر الصبح سبحيني طبعا خواتي عندي من الصبح ولا خلوووووووووووني مارضوا يقولون مو زين اول عشر ايام تسبحين وتخيلي عشر ايام مااسبح ويع وتخيلي تاكلين حلبه وغير الحر وييع انا كنت ادخل من وراهم اسبح تعالي شوفي اشصار فيني دخل فيني هوا لما قلت بس والحين بروح اعالج وترى الهوا همن يبين بالجماع مع زوجج يعني حد ام الفشله