الاخصائيه النفسيه والاجتماعيه فيدوني ..............

[الماس80]

معاشج حبيبتي 475 ومنو يقول مافي موجهين لا فيه
حبيبتي ولا تنسين فتح الملفات حاله متعبه حيييييل انا رفيجتي حولت من اخصائيه لي تدريس تقول حيل متعبه وفوق هذا تتنقلين من مدرسه لي ثانيه الله يوفقج

 

[السدرة2]

غلطانه يالاسطوريه في موجهين وموجهين يعلون القلب انا قبل لا ادخل الجامعه عبالي الاخصائيه ما تتعب والله كارفينا كرف وموهتمين فينا لا كوادر ولا شي راح تقابلين طلبه واولياء امور وكله ولا اولياء الامور اشكال والوان غير المجتمع المدرسي من مدرسات والاداره والله مهنتا متعبه لا تدخلين التربيه وهم اقولج قبل اي شي استخيري والله يوفقج

 

[الاسطورية]

مشكورين بنات خرعتوني
بس انتو تتلكمون عن الاجتماعيه ولا النفسيه؟
احترت والله

 

[رورو الحلوة]

السلام عليكم
حبيبتي انا اخصائية نفسية صارلي 8سنين اول ماتعينت راتبي 420 اعتقد مع ال50 احتمال يصير 470 حاليا وفيه توجيه يشيكون على ملفات الحالات وشغلك ويبون ندوات ويبون اصدارات تسوينها لا وبعد وانتي وحظك مع الموجهه اذا كانت متشددة وتحب الخرابيط رحتي فيها وانا اللي متعبني في شغلتي تحديد مصير انسان راح يتأثر مدى حياته مثل بنت تحولينها مدارس التربية الفكرية هذي الصراحة صعبة حيل لان وظيفتنا اكتشاف حالات التخلف في مدارس الحكومة وتطبيق اختبارات الذكاء عليهم وتحويلهم مدارس التربية الفكرية اذا كانو يعانون من تخلف عقلي ومتابعة المتعثرين دراسيا وعلاج صعوبات النطق والحالات السلوكية لا ولج مدرستين والا ثلاث غير مدرستج اتابعين الحالات فيهم يعني التعب صاير صاير اذا كنت صاحبة ضمير وانا صراحة منقهره خواتي تعينو بعدي ونفس تخصصي مدرسات رياض اطفال ومعاشاتهم 700 والله يهنيهم
ونسيت ان توجيه الخدمة النفسية مو شي لايساعدون في شكاوينا على مديرات المدارس لايقولون اشتغلي وانتي ساكته والكادر مافيه .


اخر شي فكري واستخيري.

 

[orangeya]

هلا بالاسطورية

حبوبة انا نفس حالتج... نفس التخصص يعني ربع :eh_s(8):

وااااايد فكرت بالتربيه من ناحيه العطله والمعاش حلو هذا اذا صرتي مدرسه وطبعا حق تخصصنا مايسير تسيرين مدرسه الا ابلة روضة! حسافة كان ودي اسير ابلة تربية حياتيه منهج يقولون حده سههههههههل واذا ماني غلطانه مافي كتاب! ... بس بعدين قلت ابلة روضه حالي حال رفيجاتي فكرت عدل وتذكرت صراخ اليهال وهذا يبجي وهذا يكفخ هذا وهذا تكرمين يبي حمام وحووووسه... مع اني احب اليهال واموت عليهم بس مو بهالطريقه! غير جذي سمعت ان لازم تقطين مبلغ من معاشج حق الوسايل وهالسوالف يعني بتسيرين زبونة بدسمان

فقلت شللي حادني؟ والله طاف من قلب الزم ما علي راحتي...
وبالنسبة للاخصائية هم فكرت واااايد معاشهم اقل من 500 والبنات جاوبوا ما قصروا هني قالو 475 يعني مايسوى دراستج بالجامعه وتعبج...

وهم كرااااااااف وماكو تقدير....

فانا اقول لا تستعيلين لان هذا قرار مو سهل سألي ودوري عدل وسوي عملية بحث وتنقيب لما تطيحين على ذيج الوظيفة الزينة اللي تناسب طموحج وشهادتج...

واذا حابه تخصصنا العظيم وايد في كذا مكان عندج بالشئون (المعاقين-الاحداث-المسنين) ومعاشاتهم بحدود 500 وكسور...

ومرة قريت هني بالمنتدى وحده تقول اذا بتسيرين اخصائية بالجامعه معاشج يسير 670 اذا ماني غلطانه...

وعندج الدفاع والداخلية معاشاتهم بحدود 650 وفي ادارة تابعة للداخلية اللي اهيا المؤسسات الاصلاحيه معاشاتهم 700 وكسور قريب 800 ما شا الله ،، 2 من دفعتي يشتغلون هناك وحدهم مرتاحين يقولون يطلعون بكير بحدود 12ونص او وحده وكله بنات...

واذا ما يفرق معاج تشتغلين بمجال بعيد عن تخصصج شغليلج واسطة وعسى الله يكتب لج اللي فيه الخير يااااااارب ...

تذكرت د.رمضان عبدالستار او شي جذي نسيت اسم ابوه كنا نسميه رمضان السكري لوووووووووول على وزن الابو اللي بمسرحية العيال كبرت... يحليله كان خوش دكتور :dddds:


وموفقة خيتو

اتمنى انج تستفيدين بشي واحد عالاقل من كل هالـ هذرة :tomato2:

 

[نوووسه]

للاسف حبيبتي الاسطوريه ما عندي خبره بالهموضوع

بشوره حبيبتي بغيت اسالج شنو الشؤون الاصلاحيه ؟ وين يتوظفون ؟ >>>>>ياليت اتفيديني

 

[رجاوي]

بشوره ياليت اتفيدينا سؤالي نفس سؤال الاخت نوووسه ؟

 

[أم منصـ 85 ـور]

470

 

[غيد مطير]

هلا الاسطويه ,, معاج اخصائية نفسيه

نصيحتي لاتصيرين اخصائيه لاكوادر ولا معاشات مثل الناس ولا تقدير من المدرسه او التوجيه

مهمشين وشغلنا متعب انا مثلج انخدعت قالوا قبل اتخرج ان شغل النفسيه خفيف وحلو.. واللحين

جربت وندمت والاجتماعيه اردى واردى كارفينهم كراف ,, نصيحتي ابتعدي عن التربيـــــــــــــــه كلها

انا قاعده احاول وادور واسطه بس عشان افتك منهم,, على فكره كل المراحل كراف وشغل وتعب

والتوجيه يلووووووع الجبد لايحلون ولا يربطون؟؟

ومهما تسوين مايبين بعيونهم ,,على فكره انا صارلي سنتين بالمدارس وقبلهم سنه بالوزاره صج اهون

بس عموما الخدمة النفسيه لوووووووووووعه + الاجتماعيه

وسوري عالاطالة >>>>>>>>>>>>>>>>>>>>>>>>>>> وحده صج مقهوره

 

[orangeya]

بشوره ياليت اتفيدينا سؤالي نفس سؤال الاخت نوووسه ؟

هلا بخور المسك + نوسه ,,,

حبايبي الادارة اسمها ( المؤسسات الاصلاحية ) واهيا واضح من اسمها انها تخص السجون وهالسوالف ..

وطبعا اهيا تابعة لوزارة الداخلية..

بس معاشات اللي يشتغلون هناك وايد قوية تبارك الرحمن وايد يعطونهم بدلات ..

يعني اذا وحده شهادتها متوسطه معاشها يوصل 400 !

هذا اللي اعرفه..

وصديقاتي اللي يشتغلون هناك مدحولي المكان من ناحية المسئولين والشغل والطلعة مبجر..

بس انا ما وافقت لان احس ان جو هالمكان تعيس ! او ممكن يكون تعيس بالنسبه لي انا بس مادري؟

يعني انا افكر بالناس اللي بتعامل معاهم (مسجونين.. او عليهم قضايا وهالسوالف) طبيعتي ماحب هالاجواء

يعني لو فترة مؤقته ممكن بس كل يوم صعبه علي لاني حساسه وايد افكر بطريقتهم بالتعامل معاي يمكن

اصادف ناس ماكو اسلوب ! وافكر انهم محرومين من الحرية! والمبنى متخيلته مو يديد !

وغير جذي احب انه يكون لي خصوصيه يعني مكتب بروووووووحي ... وماحب الازعاج !


وايد اتشرط انا


فاللي تبي تعرف اكثر عن هالمكان تسأل عنه أحد يشتغل بالداخلية اسم الادارة (الادارة العامة للمؤسسات الاصلاحية)


وسامحوني عالقصور....................

 

[الاسطورية]

هوووووووووووووووووووووووووووووووووووووونت من قلب

مشكورين

لووووووووووول

 

[رجاوي]

يعطيج العافيه بشوره