الاختيار الصعب..ابنتي وخطيبي

[Patcholli]

تناقشي ويا ابو بنتج واذا مو هامته البنت ان شاء الله بيوافق

 

[Patcholli]

حبيباتي الله يسعدكم ع ردودكم ماقصرتوا...
بس يابنات ابوها متحجججر مستحيل يخليها تجي معاي للشرقيه انا عارفه هالشي ومتأكده منه 100%
اما ان والدتي تنقل معاي للشرقيه صعبه جدا حياتها وبيتها واخواني واخواتي كلهم هنا بالرياض

انا فعلا مابي اخسره والله العظيم يستاهل اني اضحي عشانه بكل شي الا بنتي طبعا مااساوم عليها
اااااااااه وش الحل ياربي تعبت م التفكير قسم بالله احس راسي بينفجر

اخاف اوافق ونعيش هو بديره وانا بديره بس هذي موحياه مافي استقرار ومصيره يمل من الروحه والجيه واخر شي بيقول تعالي الشرقيه والا فكينا ....ماني لاقيه مخرج والحل عند الله وبيد الله دعواااااااااتكم تكفون الله يستجيب دعواتكم ويجزاكم كل خير

لا اختي ما انصحج تتزوجين جنج متزوجه مسيار اييلج كل ويك اند ؟؟
شنو هالعيشه ماراح تكونين مستقره بتصير علاقتكم بس يمرج يقضي حاجته منج ويمشي
هاذا كلش مو من اساسيات الزواج السليم
وين الاستقرار وين الامان اشلون تحسين انج تحت ظل ريال وشالفايده اسمج متزوجه ولي نمتي بليل محد يمج
ولي احتجتي شي محد يمج
واذا صارتلج ورطه لازم اهو يسافر عشان ايي يحلها لج
واذا صارلج موقف ومحتاجه ريال ريلج مو موجود
عمركم ماراح ترتاحون ولا راح تتهنون هاذي مو علاقه مستقره
استخيري واذا ماشفتي حل لاتعلقين روحج بالريال بنتج اهم الصراحه والله يعوضج بغيره ريال زين يحبج ويخاف عليج ويداريج ويخاف الله فبنتج بعد

 

[مـوعــوده]

يعني افرط فيه وانا شايفه وعارفه انه شاريني ويخاف الله!!
او ارضى بانه يكون بالشرقيه وانا بالرياض الين نلقى حل والله يفرجها؟؟

المطلقه مو كل يوم لها خطيب سنع وبنفس الوقت اخاف يتغير بعد الزواج ويمل من عيشة التنقل

اشكرك من الاعماق باتشولي دعواتك لي بالتيسير

 

[إغواء]

الحياة تفاوض
وانتي مُخيره !

 

[مطلقه جريحه]

انا حاسه فيك والمطلقات يحسون ببعض

 

[اذوب بكلامه]

ياقلبي عليك كل حل اصعب من الثاني
ربك بيحلها ان شاء الله عليك بالدعاء والاستغفار

 

[miss.unique]

بنتج تروح وياج اذا رضى طليقج

و كل عطلة تودينها حق ابوها

و اذا ما رضا انا اقولج تزوجي الريال و ييلج كل ويك اند واجازات .. كافي ان رح يكون مشتاقلج طول الوقت .. لين ربي يفرجها و يمكن بيوم من الايام ينقل شغله للرياض .. عشان لا تخسرينه

 

[Beautiful soul]

خلوا شخص يمون على ابو بنتج يكلمه وفي النهاية انتي ماخذه ولد عمج يعني من العايله
وبعدين قلتيها ابوها دكتور مش فاضي ان شاء الله بتتيسر انتي بس تفائلي

 

[نونا**]

انا لو كنت مكانج الصراحه بختار الزوج لان صارت عندنا انه المره صبرت على بنتها وكبرت البنت وتزوجت وظلت الام بروجها!!

انتي فكري بهالنقطه انه بنتج مصيرها تكبر وتكون تحت ريلها وراح تبقين بروحج

انا برايي انج تتزوجين وتقعدين بالرياض وتخلين ريلج يزورج ولما يزورج طيريه سويلها كل اللي يبيه خليه يتعلق فيج بعدها صدقيني بيشق الارض وبينقل غصب او انه الله ييسرلج ويرضى ابو البنت تنتقلين مع بنتج الشرقيه

وكل اللي بايدج تدعين ليل مهار خصوصا يوم الجمعه انه الله ييسر امورج

 

[الامل البعيد]

تزوجي وخليك بالرياض علشان بنتك

 

[امـ خــزامـى]

االله يرزقك ويسخرلك ويسر امورك ويكتبلك اللي فيه الخير

كل الحلول اشوفها صعبه

حاولي شوفي احد يقنع ابو بنتك
واذا متزوج كلمي زوجته اكثر وحده بتأثر عليه صدقيني

 

[سنفوره8]

الله ييسر لج

 

[مـوعــوده]

طمعانه بدعوااااااتكم

وأراء أكثر...