الاحتفال بيوم الحب- تجارب ومساعدات "تم دمج مواضيع عديده من قبل الاشراف"

[مدرسة طفشانة]

رد: قولولي افكاركم حق عيد الحب يا حبايب

صاجه والله انا ناسيه هاليوم الله يذكرج الشهاده بس للحين ما فكرت بشي
ياريت يفيدوننا البنات باي فكره

 

[ذكريات]

محتارة .. ساعدوني

السلام عليكم ​

شلونكم بنات ؟؟​

صار لي مدة افكر شنو اسوي في يوم الحب .. ​

بس المشكلة الحين انا متضايقة من ريلي من يومين ​

و اهو يدري بس مطنش و مسوي روحه ما يدري من شنو :eh_s(2):​

المهم مو هذا موضوعي ​

انا الحين احس ان مالي خلق اسوي شي ..بنفس الوقت مابي يطوف اليوم و ما استانسنا ​

ابي تعطوني رايييكم .. اطنش و ما اسوي له شي ​

او اسوي ؟؟ ​

و اذا سويت خلاص انسى و الا شلوووون ؟؟​

:gr4uu:​

 

[ام عيون عسلية]

رد: محتارة .. ساعدوني


حبيبتي

نصيحه لا اطوفين اليوم هذااااا !!

وانسي .. اصلن منو لج غيره .. ومنو له غيرج بهاليوم ..

اذا ماحتفلتي معاااه منو اللي راح يحتفل معااااااااااااااه ؟!

نصييييييييييحه انسي واحتفلو واستانسووووووو !!

 

[madam_cake]

رد: محتارة .. ساعدوني

نصيحتي لج سويله يوم حلووو واستانسي انتي وياه وانسي الزعل وعيشي حياتج

ماتدرين يمكن امطنش بس حاسب حسابة حق هاليوم مو حلوة منج انج ماتكونين مجهزة ولا مسوية شي

وانتي وعلى راحتج

 

[Om eL-3a9aGeeL]

رد: محتارة .. ساعدوني

مع اني ضد الاحتفال بهاليوم لأنه مو من ديننا !!

بس اذا انتي معترفة بهاليوم وناطرته نطره شحقه تطوفينه ؟

 

[Ba$ko0oTa]

رد: محتارة .. ساعدوني

انتي سوي احتيااااطج عشاان اذا فاااجئج فاجييه
زهبيله لبس وزهبيه هديته وخلاص
ويمكن اهووو يكوون مدبر طلعة عشى
وتطويل بالزعل بينكم

 

[ذكريات]

رد: محتارة .. ساعدوني

يعني برايكم اسويه

مع اني ما اعتفد انه مسوي شي

لان ريلي دايما يشوف اول شنو اسوي بعدين اهو يسوي

 

[هلا الكويت]

رد: محتارة .. ساعدوني

نصيحتي - اذا تحبينه سوي كل يوم احتفال مو بس بهاليوم..... مع اطيب تحياتي

 

[^أم يوسف^]

رد: محتارة .. ساعدوني

لا تعليق ع هالبدعه

 

[% إماراتيه %]

رد: محتارة .. ساعدوني

صح بدعه
هذا الفالنتاين عندهم اله
ونحن الاهنا الله الواحد الاحد

 

[سحر الشرق@]

رد: محتارة .. ساعدوني

صاير فيني نفسج
مدري اسوي شي ولا اطنش

 

[الدلال]

رد: محتارة .. ساعدوني

واذا طاف هاليوم وما احتفلتي شنو يعني ر اح يصير؟؟؟ يعني انتي ماتحبينه ولا اهو ما يحبج؟؟

نصيحه وانا اختج روحي احتفلي معاه اليوم ولا باجر وتراضوا وخل تصفى القلووب ومو شرط بهاليوم , الحب ماله يوم معين

 

[منورة الكويتية]

رد: محتارة .. ساعدوني

تبين نصيحتي وربي يباركلج بريلج ويسخره لج
احتفلي معاه باي يوم الا هاليوم
انتي ماتحبين ريلج الا بهاليوم؟ لا طبعا
ومن ترك شيئا لله ابدله الله خير منه

 

[ذكريات]

رد: محتارة .. ساعدوني

منورة انا كنت مفكرة اسويه باجر

الدلال احنا مو متهاوشين بس انا متضايقة من حركاته

 

[انا مو هني]

رد: محتارة .. ساعدوني

ديري بالج اتطنشين اذا علمتي انج قاسيااا خلاص ماتهميناا ويتعود عليج جذي وبعدين تمر مناسبات ما يراظيج ولا يسويلج شي
حسسي اب اهميته الاعياا والمناسبااات
اعتذري منا بطريقااا تظحك وراح يظحك غصبن علي لان مو متوقع هاذا الشي
يعني مثلا مثلاا
روحي بعيد وتعااليلاا ركظ ونطي عليه وبوووسيه وقليلا ولهت عليك يالقاسي ما قدرت اقاومك
وبعدين قوليلا عازمتك علا مطعم وروحي احلا مطعم او جربوو مطعم يديد او اذا بتغيرون روحو مطعم صيني او شي جذي
وبعدين لمن تركبون السيارااا طلعي هديتج وقوليلا احبك يابعد شبدي شبدك
واتمنا اكون افدتج

 

[سفيرة العشق]

رد: محتارة .. ساعدوني

تبين نصيحتي وربي يباركلج بريلج ويسخره لج
احتفلي معاه باي يوم الا هاليوم
انتي ماتحبين ريلج الا بهاليوم؟ لا طبعا
ومن ترك شيئا لله ابدله الله خير منه

إي والله صاجة انا مرة خبيت عمري على بونه اونسه بهاليوم
كشت فيني وقالي شهالخرابيط هذا بدعة وع انه ريلي فري وكل شي عنده عادي
وقلب نكد هاليوم بدال يوم الحب صار يوم النكد

ومن يومها وانا ما احتفل بهالخرابيط

 

[bintq8]

رد: محتارة .. ساعدوني

انا مع البنات شنو يعني انتي ماتحبين ريلج الا بهاليوم احتفلي معاه كل يوم اما بهاليوم انسي لأنه حرام والله يسخركم حق بعض

 

[ملح بدويه]

رد: محتارة .. ساعدوني

انا ما افضل مثل هالاعياد

 

[عسووله]

مفاجأه !!!!!

السلام عليكم بنااااااااات ابي منكم تساعدونييي في أفكار وفناتك للفالنتين يعني نونس رياييلنا شوي بدال لا تطاير عيونهم يمين ويسار وحايره شنو اخذله هديه شورو علي وعطونا من خبرتكم او اشياء سمعتو عنها وهمتكم يلا وين اول وحده خل نشوف شنو الفناتك؟؟_03ba:_03ba:

 

[ريم @]

رد: مفاجأه !!!!!

كل عام وانتى بخير
الفلنتاين يغلب على طابعها اللون الاحمر اكثر من الافكار

يعنى كفر احمر + قميص احمر +بيجامه حمرا +فستنا سهره بيسيط احمر+ورد احمر تحطينه بفازه +بلونات حمر + كيكه حمرا+ عصير +مناشف للحمام لون احمر (فوط)+اكسسوارات للحمام لون احمر سجاده صابون ورد ستاره للحمام+اجوره حمرا+ورد منثور على الارض احمر+ شموع لون احمر +اكسسوارات لون احمر +هديه بسيطه تعبر عن حبك له

انا عطيج الاغراض وانتى عليج تنظيم الليله


وكل عام وانتو بخير