الاجهاض المتكرر

[gloss]

السلام عليكم خواتي اللي تعرف او سمعت عن علاج للاجهاض المتكرر تكتب عنه وجزاكم الله كل خير
لأني ماخليت دكتور أو حريم مارحت لهم ومشكورين والله يرزقنا وياكم الجنه

 

[gloss]

اشدعوة ماكو ولا رد ع العموم اتمني اللي تعاني من نفس الحاله تكتب عن معاناتها هني عشان نواسي بعضنا وننصح بعض يمكن اللي ماناسبني يناسب غيري والله كريم انشالله ويرزقنا واياكم الذريه الصالحه

 

[كويتيه مذهله 87]

حبيبتي
ان شالله كل علاج وله حل

كل الحين الدكاتره عندهم شهادات للحالات الاجهاض المتكرره


روحي حق دكتوره شاطره او دكتور يتابع معاج الحمل

يمكن فيه شي يخليج تجهضين سوي كل التحاليل

 

[ام امنه]

انا كنت اعاني من الاجهاض المتكرر لانه رحمي منقسم تقريبا نصين !!!!!!!!!!!

ولما أحمل لازم كلا نايمه وماأبذل أي مجهود حتى لو بسيط:0bee2e8d89:, واسوي عملع ربط لعنق الرحم واخذ هرمونات مثبته ومع هذه اولد بأول السابع:eh_s(14):

الله يثبت حمل الجميع

 

[النبع الصافي]

اول شيء تعرفين الأسباب للإجهاض

واللي يكون عندها إجهاض متكرر تأكل من قبل الحمل وفي الحمل فوليك أسيد

لأنه يمنع التشوهات اللي تسبب الإجهاض

وهذا طبعا بعد ماتكونين عند الطبيب وعارف حالتج

 

[حور2008]

السلام عليكم
اول شيئ الله يرزقج بالذريه الصالحه ان شاءالله ويثبت حملج وتاكدي ان اول شيئ لازم تسوينه هو الدعاء وتاكد ان الله هو الرازق والمثبت وثاني شيئ راجعي الطبيب قبل الحمل سوى تحاليل وفحوصات عشان تاكدين من سلامتك وسلامت الرحم والدم وتوكل على الله انا عندى اجهاضات متكرره وولاده مبكر باخر الخامس بعد التحاليل والفحوصات قالي الدكتور سوى ربط لعنق والحمد لله وبفضله رزقني الله بولد الله يرزقج انشاء الله ويفرح قلبج

 

[badrah]

اول شي الله يكتب لج الذريه الصالحه عاجلا غير اجل
وعندج دكتورين في الكويت للحمل الحرج و الاجهاضات المتكرره
1- د.خالده المجيبل في رويال حياة
2-د. ماجد الشمري وعيادته في الجهرا

انا مثلج والحين حامل و اراجع عند د.خالده[/
COLOR]
حبيبتي روحي لها و راح وبعدين
ادعي لي الله يثبت حملي

 

[][^lorans^][]

انا اجهضت مرتين ورا بعض ورحت الدكتورة دعاء الي بالسلام والله قلت لي بس اتحملين المرة اليايه تعاليلي قلت اوكي
وحملت ورحت لها وقالت اكلي بيبي اسبرين وبعد الاشهر الثالث عطتني ابر هايبرين والحمد لله الله تمم علي فروحي لها وانشالله خير

 

[المبدعة]

الله يعينج

ان شالله البنات يفيدونج

 

[الجوررى]

الله يرزقج انشالله بالذريه الصالحه
انا حملت وصار عندى 5 اجهاضات والحمدالله على كل حال ومابقى تحليل ماسويته ولا منظار او اشعه وكله نورمل
والحمدالله على كل حال سبحانه مسبب الاسباب والله يرزق كل محرومه الذريه اللهم امين

 

[gloss]

السلام عليكم مشكورين حبايبي علي تفاعلكم \ انا تقريبا لحد الان ثمان اجهاضات وكلهم علي شهرين ماخليت تحليل ماسويته بالحكومه والخاص وطرشت تحاليلي برة وهم ماكو شي كل شي نورمال ورحت للدكتور ماجد الشمري علي اساس تخصص اجهاض شاف تقاريري كلها وسوالي تحليل الاجسام المضادة وسوالي تحليل الوراثة انا وزوجي مع ان انا عندي بنتين بس قال لازم نسوي وسويته وطلع مافي شي \ وخذيت مثبتات ودفستون وبيبي اسبرين وفوليك اسيد
وهم الله ماكتب \ الحمدالله علي كل حال

 

[nfs007]

السلام عليكم
والله أنا أجهضت مرتين والحمدالله حملت للمره الثالثه و ولدت طبيعي
لكن إنتي لاحظي شغله إذا كنتي تحلمين في إن شي يطقج و إنتي حامل و تتكرر هالأحلام فهذي التابعه و لازم يوميا تقرين سورة البقره و راح تلاحظين إن إذا تركتي القرايه يوم راح يتكرر الحلم
ثاني شي سوي تحليل Torch و هذا يكون سببه الحيوانات أو الحشرات و هذا كان فيني و يسبب تشوهات للجنين
ثالث شي لازم قبل لا تحملين بثلاث تشهر تاخذين حمض الفوليك مرتين باليوم و أسبرين لكن ناسيه الكميه
عالعموم فو دكتوره شاطره إسمها د.هدى الزكري في حولي ورا مجمع النقره و إهي إللي عرفت سبب إجهاضي
و الله يرزقج بالذريه الصالحه

 

[leza_q8]

السلام عليكم ورحمة الله وبركاته ..


اولا اختي حبيت ادعيلج ان الله يرزقج بالحمل السليم المعافه ويقر عينج بالولد لاصالح البار .. آمين

ثانيا انا ختي عندي بنت وولد وبعدها صار لي 3 اجهاضات وره بعض وماظل تحليل سواء بخاص او الصباح الا وسويته اجسام مضاده ومناعه وغيره والحمد الله كل سليم
وجهاضاتي كلها بالثاني والثالث

ودكتورتي دلال السالم + وعصام صقر "رويال حياة " ودكتور اشرف الصباح ودكتور عمرو الاحمدي


كل هذول رحت لهم

المهم

حاليا انا حامل والله يسهل علي وثبته بنص الرابع

بقولج شنو سويت وخطوات العلاج

1- بعد ما اجهضت وتاكت ان الرحم نظف واتنفست عدل الدورتين الي بعد لالجهاظ الاخير كنت اتنفس مثل ما تتنفس الوالده وقت الدوره بالضبط

2- الدورتين الي بعد رقم واحد كنت اخذ عسل ملعقه الصبح وباليل مع غذاء الملاكات

3- زوجي كنت اكله ملعقه عسل مع طلح النخل جباري

4- رحت للحداد وسوه لي برنامج تحصين و قرايه لبيتي ولي ولزوجي وعيالي
وعطاني ماي مقري مع الزعفران كل يوم اشرب منه انا وريلي وعسل البرنامج مدة شهر وطبعا ماي سدر

5- يومي اقرا على بطني وادهن عليه قبل الحمال وبعده

6- وطبعا عطاني كتيب فيه الرقيه الشرعيه واذكار الصباح والمساء يوميا

7- ابتعدت عن المعاصي كثر ما اقدر

8- اكل اكل صحي ومفيد من قبل الحمال

9- طبعا فولك اسد

10 - الشي الي ما تتوقعين انه ضرني ولا اكتشفوه الا تالي هو بيبي السبرين __ لان وقت الحمال يسبب لي سيوله ماتناسبني وقت الحمال

11- كل اجهاظاتي السابقه يعطوني الببي اسبرين ولا فاد لم اكتشفوا ان يتعبني والي اكتشف انا

اقول للدكتور من اكال البيبي سبرين اتعب احس فيني شي مو طبيعي ما دري شنو وكان خشمي ينزف حيل وجهاظاتي كلها الدم ينزل فجاه جنه ماي يسيل مافي مقدمات

لم بالحمل هذي قالي وقفي وسوالي اختبار لسيوله واعرفوا ان يتعبني وسبب لي سيوله شديده بالدم


وان شاء الله الله يثبت حملي ويرزفني بالولد الصالح

 

[lollipops]

جربي د.خالده المجيبل
وبعدين لازم تعرفين ان الله مو قاسملج فيهم وانشالله يكونون من طيور الجنه ومتى ما الله قسملج وكان من نصيبج بيثبته وتشوفينه بحضنج بعد انشالله,, مالج الا الدعاء والصبر
والله يرزقج ويرزقنا ويرزق كل محروم يارب

 

[تااايغرG::]

السلام انا حالتي نفس حاله بعض الخوات بس يكمل الرابع اسقط مع العلم اني اكون رابطه