الله يوفقج ويسعدج حبيبتي
شوفي بالبداية العمر ابدا مو مشكله والفرق مو كبير
بالنسبة لمسأله انج مطلقة والفرص قليلة لا يا قلبي لا تقولين هالكلام ربج يرزق من يشاء واذا لج نصيب بتاخذينه
بالنسبة للصفات اللي ذكرتيها هي مو معيبة للريال ابدا بس انتي الوحيدة اللي تعرفين اذا تقدرين تتأقلمين معاها او لأ,, انا كنت متزوجة بريال نفس الصفات اللي ذكرتيها وما قدرت اتحمل مع ان الريال ذهب بس ما حبيت اني الامر والناهي حسيت انوثتي ضاعت وشخصيتي صارت حيييل قوية ومثل ما نقول نسرة مع اني بالصج ابدا مو جذي بس اضطريت استلم الامور بداله واكون قوية لأن غير جذي الناس كانت تستغفلنا وهو ساكت فقامت صورته تهتز بعيني وما حسيت اني مع ريال وما عطاني شعور الأمان اللي كل بنت تحتاجه,, اسفة يا قلبي دخلتج بحياتي بس علشان اوصل لج فكرة ان انتي بس تعرفين اذا تتحملين هالصفات او لأ ولا تقولين اخذه واغيره لأن هذا اكبر غلط تعيشين على امل يتغير ,, قولي ان شاء الله اتأقلم معاه واذا تغير زين وبركة بس لا تظلمين الريال معاج على بو يتغير لأن هو صريح من البداية هذي صفاته واذا وافقتي عليه فانتي وافقتي على صفاته
فكري زييييييين والله يكتب اللي فيه الخير ونفرح فيج ان شاء الله
