الأقارب عقارب ..موضوع يستحق المقاش

[احب المنتدى]

انا عن نفسي حيل متضرره من هالشي
لكن الحمدلله مو مهمين عندي
و ادعي ان الله يهديهم
و مسامحتهم
و اتمنى ان قلوبهم تنظف

 

[*مطبخ الذواقة*]

وايد من الاهل عقارب على قولتج جدامج شيء ومن وراج شيء ثاني ...
اهلنا بدوله ثانيه اييون دولتنا للسوقه وبس حتى ما يمرون يسلمون علينا !!!
عسانا مانحتاج لهم يارب .. السوق اهم من عمتهم !!!!!!!!!!!!! الحمدلله والشكر

:eh_s(15):

وازيدج من الشعر بيت في بعض الاقارب فرقاهم عيد والله تحصلين رفيجتج او جارتج احسن لج من بنت عمج اوخالتج

شكرا صاحبة الموضوع

:eh_s(7):

 

[JaMoOoNa]

عنوان موضوعج جذبني لأني معاناة مع هالموضوع

للأسف كل واحد يالله نفسي ما جنه أهل

و أعاني مع جم وحده بالعايله مو الكل الحمدالله و الشكر مراضه نفسيين

ماني بحاجة أحد دام أهلي (( امي و ابوي و اخواني )) موجودين الله يخليهم لي

و رفيجتي اللي معوضتني عن الكل فديتها صج اخت ما يابتها امي الله لا يحرمني منها

اما بنات الخال و الخاله اللي ما منهم فايده على كثر ما حاولت أتقرب منهم بس عمك أصمخ (( ما يشوفون شر ))

أشكرج حبيبتي عالموضوع ​

 

[ديمــــــــــه]

ياحلو كلامتس اثر فيني كثيررررر
الزمن تغير والقريب صار بعيد سبحان الله
والغريب صار اقرب من القريب
زمن اغبر وربي
لكن حلو نفتح صفحة قلوبنا من جديد كل يوم ونتعلم نسامح ونتسامح وعلى الله الاجر العظيييم
جزاك الله الخير على ماطرحتي

 

[ولااء]

مانقول ان كل الاقارب عقارب مو الكل طبعا بس في منهم اللي يشيب شعر راسج منه شي فوق الخيال يمكن الحمدالله انتي انسانه عاقله وفاهمه بس غيرج لا في ناس تحقد عليج من غير سبب لمجرد انج زينه وعلاقتج بالناس حلوه هالشي يسبب لها ازمه تنجبر تتكلم عنج علشان تخلي سمعتج عند الناس انج حسوده وقلبج اسود ماتحبين احد
هالنوع من الاهل شنو تقدرين تقولين عنه غير عقرب
لو علينا مااحد مهتم حق احد واليوم كل واحد مشغول بيومه وبنفسه بس هالنوع مايتركج مايخليج بحالج علشان جذي تنجبرين تبعدين عنه لو كان اصلا قطاعه بس عاد هذا الحل الوحيد
جربنا نسامح مره ومرتين وعشر مو اليوم ولا امس الوضع له سنين
اخرتها وصلنا لمرحله نبي نرتاح وحتى بعد مابعدنا عنهم مافي فايده لين الحين انتي بالنسبه لها شينه وعذاريب الدنيا فيج بس يمكن لما تبعدين تخف المشاكل والكلام يعني ماتنجبرين تردين عليها ويصير بينكم خلاف
وانا بالنسبه لي والله مرتاحه اخر همي واستانس لما ادري ان بعدي عنهم مسبب لهم ازمه خليهم ياكلون في انفسهم لين يموتون قهر لان الانسان اللي متروس حقد على الناس بالطريقه هذي راح يجي يوم وياكل بنفسه ويوصل لمرحله حرجه

 

[وحيدة بزمانيـﮯ]

واذا سوت شي مابي فلانه تدري أخاف تحسدني؟؟*
ومابي علانه تعرف شنو أستخدمت عشان ما تصير أحسن مني؟؟*

ولا تزوجون فلانه لبنت عمي ما أحبها!!*
*وما أحب حمياتي يحرشون زوجي علي!!

تخافين من العين والحسد والسحر أقري المعوذات وتوكلي علي الله*
​

اي والله معااج بشي هذاا
ياااربــي بس وووايد بعااايله



سوالف حين بلاك بيري واتس اب ووايد على سالفه يقهرون ويسون حركات




خلي فرحتج من فرحت أهلج وعزوتج..*
هذاا قبل حين تفكيرهن عااايله شي ثاااني..ماايفكرون حتى بفرح



لووووكنتي على نيتج وصاادقه وتحبين عليهن خير لكن هم تفكيرهن شي ثااني


ربي يهديهن يارب ..




تسلمين يالغلا موضوعج الغاااووووي..​

 

[ملكه الآلماس]

انا مع هالعباره لانهم هما اللي احوجوا نفسهم لها.. وعلى قولتك زمان كانوا مع بعض وقلوبهم على بعض اما دحين لاوربي جالسين لنا عالحبه والنص.
والله العظيم لمن اتخرجت واتوظفت قريبتي زي اختي توام روحي ماقالت لي مبروك وامها لمن عرفت بس الت لمام يالله عالبركه.. والبنت يوم انخطبت انا اخر من يعلم ولا كمان لمن ماما قالتلها بنتك انخطبت قالت من قالك يعني ماكانوا يبغونا ندري.<< بس انا طنشت الموضوع وعادي اتصلت عليها وباركتلها كانو مافي شي... واساسا انا وهيا سمن على عسل بس مدري ليش هالحركة اللي عملتها.
بس وربي اني بحاوووول قد مااقدر اصفي نيتي اتجاااه كل اقاربي وهادا اللي صاير لكن لمن اشوف حركاتهم اللي تقهر قدامي احقد عليهم من قلبي.
بس احلى مافي اقاربي لمن يصير فرح ولا حزن كلهم قلوبهم على بعض بس طبعا مو زي اووول بس في شي من شي الحمد لله

 

[الحلم المفقوود]

ظلـم الغريـب أهـون ولا ظـلـم الاقــراب
لان الظلـيـمـه مــــن قـريـبــك مـصـيـبـه
وعيب القريب اصعب من عيوب الاغراب
لان الـقـريــب يـعـيـبـك الــلــي يـعـيـبـه

 

[manoooram]

^
^
^
كـــلام نابع من عقــــل و حكمــــــة

 

[ElN00R]

شوفي من ناحية الحسد تراهم حسودين وأخص الحريم حق الحسد الله يكفينا شرهم بس الوحده تقرا على عمرها وعلى عيالها أحسن شي
بس يختي ترا وايد أنا لي مواقف مع العائله ماقولج أسرتي لأن أسرتي مالي غيرهم على عيني وراسي بس باجي الأهل خصوصا النسيبات
أنتي لانج مانضريتي منهم قلتي جذي بس ترا صج في ناس وايد انقرصو اولهم انا ومع ذلك
الله يسامحهم ويطهر قلوبهم ويبعدنا عن الشر

 

[عـواشـه]

صح كلامج نسمع هالمقوله وايد وهم بمجتمعنا موجوده هالنوعيه من الاقارب الي يبون الخير يكون لهم ومايحبونه لغيرهم .. بس صح كلام البنات حنا لازم نصبر ونتغاظى عنهم بس لوجه الله تعالى ..
جزاج الله خير على الموضوع ..

ودي

 

[am faisal]

ولا يزالون الاقارب عقارب الى يومنا هذا

 

[منبع عبط^_^]

الله يعين بس ماقمنا نعرف العدو من الصديق

 

[*caramel macchiato*]

ما كو بيت يخلى...شخص او شخصين بس ما اخليها قاعده واعم عالجميع ...قاعدتي (( الاقارب والأهل عزوة)) واحب اهلي واقاربي ....

 

[ضاعت بسماتي]

الأقارب عزوة وسند
واللي مافيه خير لأهله مافيه خير للناس

اكيد تصير سوالف وسوء تفاهم بس مالنا غنى عن بعض كللللللللش

خوش موضوع
موضوع يستحق المناقشة

 

[كراميلا مرة]

كلامك صحيح
بس بعض الاقارب اهم اللي يجبرونك تقولين عنهم جذي
الله يهدي الجميع

 

[*toot]

كلامج صح .. بس الناس اجناس في اهل ينحطون ع الجرح يبرى والبعض الثاني اللهم ي كافي

 

[nazek_q8]

اوووووف مقوله 1000% صححححححححح


محد ظاملنا ولا ماذينا ولا يكرهنا غير الاهل

ننظر لهم بحسن نيه وهم ينظرون لنا بسوء النيه والمكر والحقد

حسبي الله على اللي في بالي يعل حوبة اخوي ما تعداها

 

[noor salam]

كلامج صحيح ماكو بيت ما عانى من اعز الناس له و اقربهم بس الواحد لازم يسامح لان الله سبحانه امرنا بذلك
بس فيه ناس للاسف تعتبر المسامحة نتازل منج و انتصار لهم وهذا خطا بالاخير نقول الحمدلله

 

[لاندري كالسيوم]

رأيي انه كل هالمشاكل سببها قلة الوازع الديني , ولا لو كل واحد يعرف دينه بيعرف انه صلة الرحم واجب, لو كل واحد يعرف دينه بيعرف انه الدين نهى عن الحقد والحسد وغيرة من الأمور اللي للأسف نشوفها الحين من أقاربنا أو حتى غيرهم.. لو كل واحد يربي عياله على السلوكيات الصحيحه في الدين و يعودهم على التواصل وصلة الأرحام وعدم الحقد أو حسد الآخرين و تمني الخير للآخرين راح يطلعون الأولاد والبنات في العائلو روح وحده وماراح نشوف هذه البلاوي اللي شايفينها حالياً... تحياتي