الأطباق المجربة من مطبخ كويتيات فكرة جديدة شاركونا بالصور [الجزء الثاني]

[ريم الصبايا]

جربت حلو البرطمان للغالييية ريم الصبايا



وهذي الطريقة::



حلووووو المرطبان (جلي وفيمتو بالرمان)



وهذي صور التطبيق::

مشكوووووووووووووووره حبيبتي


وتسلم ايدج



أنا ربطت كل قفشة بشريطة مع المرطبان :ggdw:​

تسلم ايدح جارونه وعليكم بالف عافيه


تطبيقج ماشاءالله مرتب وذرب نثل صاحبته وفكرتج حلوه بربط القفشه بشريطه

 

[ريم الصبايا]

جارونه تسلم ايدج تطبيقاتج روعه كل طبق يقول الزودعندي

تسلم الانامل ويزرزقج بالذريه عاجلا غيراجل




فلة قطر

تسلم ايدج وعليكم بالف عافيه ومطرح مايسري يمري

 

[*^^حرم الدكتور^^*]

زهرات البف باستري&& تطبيق لوصفة الأخت غروب&&مع الصور

السلام عليكم ،،

تقبل الله طاعتكم و كل عام و انتو بخير

هذا أول موضوع أنزله بالمنتدى كله و انشالله ينال على اعجابكم

امس و انا افتر بين الوصفات اللي خواتي منزلينهم بالمنتدى عجبتني كذا وصفة و من هالوصفات وصفة الأخت غروب
" البف باستري بحشوة الدجاج" و من كثر ماعجبتني طبقتها على طوووول مع بعض التغيرات

اعذروني ما قدرت اصور المقادير لأني قررت انزل الموضوع عقب ما وصلت نص الطبخة

المهم ما طووووووووووول عليكم ادري بتذبحوني

المقادير :
دجاج تكا من أمريكانا انا استخدمت علبة وحدة و قطعتها شرايح رفيــــــــعة
عجينة بف باستري
بصل و ثوم بودر او ممكن فرش>> بس ما أنا كان عندي وقت اقطع
فلفل أخضر مقطع صغير
مشروم مقطع شرايح
جزر مبشور
بهارات( شويه ملح، فلفل اسود و ابيض ، هيل ، دارسين، باربيكا حلوة، بهارات دجاج) او اي بهارات ثانية تحبينها على ذوقج
نص علبة كريما KDD
قيمر >> هني المفاجأة
جبن موزاريلا
ماجرين(زبدة نباتية)

الطريقة:
نحمس البصل و الثوم و بس يذبلون اضيف الجزر و الفلفل الأخضر و المشروم على التوالي و لما تحسين ان الخضار ذبلو ضيفي شرايح الدجاج و حركيهم و بعدين ضيفي البهارات و حركي .
ضيفي كريما KDD و حركي و انا حطيت الكريما عشان حسيت ان الحميسة صارت ناشفة فحبيت اخلي فيها سائل شووووويه+نكهة فقررت اضيف الكريما

وهذا كان شكل الحميسة عقب ما خلصت و صارت جاهزة



بالوقت اللي قاعدة تسوين فيه هالحشوة مدي البف باستري




و نستخدم كوب مناسب لحجم صينية الفرن المستخدمة و نقطع العجينة بهالطريقة



و رح يكون شكل الدوائر بهالطريقة



بعدين نحط كل دائرة بالصينية و نضيف ملعقة صغيرة قيمر داخل كل دائرة >> عشان اللي ياكلها يحس في مفاجأة داخل و بعدين نضيف الحشوة بهالطريقة



و نضيف فوق كل دائرة شويه جبن موزاريلا



و ندخل الصينية الفرن على حرارة متوسطة مدة 15-18 دقيقة



و هذا شكلها عقب ما تطلع من الفرن



نحاول نشيها بحذر عشان لا تتفتت



و نحط الزهرات بصحن التقديم ..

هذا الصحن نزلته لأهل ريلي



و هذا خذيته معاي لبيت اهلي و دزيت منه صحن لبيت يدتي و خالتي



و بعد ما خلصت بدلت للعيالي هدومهم و رحت بلبس عشان اروح افطر عند اهلي ما اسمع إلا صوت صراخ و اطلع من داري و اشوف الصاعقة اللي قعدت ابجي منها
ولدي الصغير تسلق الكرسي و الطاولة ووووو ما بي اقول اشصار شوفو و حكمو :eh_s(2):


















و لا من شاف و لا من درى رديت الزهرات وحدة وحدة داخل الصينية و خذيتها معاي تعب ساعة يروح عالفاضي :050103nbh_prv:

و مثل ما قلت لكم هذا اول موضوع انزله بالمنتدى .. يعني ابي تشجيع عشان اكمل :ggdw:

و عليكم بالعافية ​

 

[شروق الليل]

رد: زهرات البف باستري&& تطبيق لوصفة الأخت غروب&&مع الصور

ما شاء الله تبارك الله .. مرررررة مرتب شغلك يا الغلااااا

و واضح انها أكله سهلة وخفيفة .. والواحد يآكل ولا يحس بنفسه

تسلم يمناك يا بعدهم ..

 

[عنايد]

رد: زهرات البف باستري&& تطبيق لوصفة الأخت غروب&&مع الصور

تسلم ايدينج

خووش طبق

وسالفة ولدج ذكرتني بحركات عيالي ههههههههههههه مانوصل للناس اللي نبي نزورهم الا نص الاكل معفوس ههههههه

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

ما شاء الله تبارك الله .. مرررررة مرتب شغلك يا الغلااااا

و واضح انها أكله سهلة وخفيفة .. والواحد يآكل ولا يحس بنفسه

تسلم يمناك يا بعدهم ..

وااايد سهلة و سريعة تنفع في وقت الأزمات :dddds:

اسعدني مرورج اختي شروق الليل كلج ذوق:aha:​

 

[poneta]

رد: زهرات البف باستري&& تطبيق لوصفة الأخت غروب&&مع الصور

يعطيج العافية

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

تسلم ايدينج

خووش طبق

وسالفة ولدج ذكرتني بحركات عيالي ههههههههههههه مانوصل للناس اللي نبي نزورهم الا نص الاكل معفوس ههههههه

تسلمين حبيبتي

ربي يخليلج عيالج :yaaaaaarb:

اهما على بو براءة الطفوولة و احنا اللي نروح فيها

اسعدني مرورج اختي طواني الهم:aha:

 

[french`coffee]

رد: زهرات البف باستري&& تطبيق لوصفة الأخت غروب&&مع الصور

مشالله خووش تطبيق وخذيت طريقة اضافاتج علشان اليوم أطبقها وراح اورييكم النتيجة انشا الله ..تسلمين حبيبتي

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

يعطيج العافية

يعافيج حبيبتي مشكورة :aha:

 

[جارة القمر]

رد: زهرات البف باستري&& تطبيق لوصفة الأخت غروب&&مع الصور

مشكووووووووووره


حبيبتي




وتسلم ايدج




بس هالموضوع المفروض يكون بالأطباق المجربه


بس ماني قادره أنقله حاليا

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

مشالله خووش تطبيق وخذيت طريقة اضافاتج علشان اليوم أطبقها وراح اورييكم النتيجة انشا الله ..تسلمين حبيبتي

يزاج الله خير و ناطرة تقوليلي اشصار معاج و اشوف النتيجة :ggdw:

اسعدني مرورج اختي french`coffee :aha:

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

مشالله خووش تطبيق وخذيت طريقة اضافاتج علشان اليوم أطبقها وراح اورييكم النتيجة انشا الله ..تسلمين حبيبتي

يزاج الله خير و ناطرة تقوليلي اشصار معاج و اشوف النتيجة :ggdw:

اسعدني مرورج اختي french`coffee :aha:

 

[لذه السكر]

رد: زهرات البف باستري&& تطبيق لوصفة الأخت غروب&&مع الصور

لووول لا والله ما يضيع تعبج ,, تسلم ايدج

^_^

 

[digital]

رد: زهرات البف باستري&& تطبيق لوصفة الأخت غروب&&مع الصور

تسلم ايدج

خوش تطبيق عليكم بالعافيه

 

[أحـــاسيـــس]

رد: زهرات البف باستري&& تطبيق لوصفة الأخت غروب&&مع الصور

شكلها شهي حددددددددددها

مشكووووورة حبيبتي عالصووور والطرح

قواج الله

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

مشكووووووووووره


حبيبتي




وتسلم ايدج




بس هالموضوع المفروض يكون بالأطباق المجربه


بس ماني قادره أنقله حاليا

حياج الله اختي جارة القمر:aha:

اعذريني مثل ما قلت هذي اول مرة انزل موضوع بالمنتدى كله فما كنت ادري ..

و يزاج الله خير بتعبج معاي ..

 

[المدينه]

رد: زهرات البف باستري&& تطبيق لوصفة الأخت غروب&&مع الصور

تسلم ايدج

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

لووول لا والله ما يضيع تعبج ,, تسلم ايدج

^_^

شفتي شلوون .. بعد هالتعب اضيعه لا ياكلونها ما فيها شي خاصة ان الزهرات طاحو داخل السوليفان فما حاشو الأرض اشوه الحمدلله:ggdw:

مشكورة اختي لذة السكر على مرورج :aha:

ماشالله وايد حلو اسمج احسه رااايق

 

[*^^حرم الدكتور^^*]

رد: زهرات البف باستري&& تطبيق لوصفة الأخت غروب&&مع الصور

شكلها شهي حددددددددددها

مشكووووورة حبيبتي عالصووور والطرح

قواج الله

اي و الله ترى حدها لذيذة اهلي حسبالهم جاهزة :ggdw:
اسعدني مرورج اختي احاسيس كلج ذووق :aha:

تسلم ايدج

يزاج الله خير اسعدني مرورج اختي المدينة :aha:

تسلم ايدج

خوش تطبيق عليكم بالعافيه

الله يعافيج مشكووورة على مرورج اختي ديجيتال :aha: