c'est la vie انا ما ادور السلبيات انا طارحه قضيه اجتماعية ما تحتاج دواره وارد اعيد اني اكدت وجود ايجابيات .. الكلام كان للاخت نوااره مو لج وقصدي ردا على ردها بان سواء اذا اهي تشوف ان مافيها سلبيات او ان ما نتطرق للسلبيات .. وانا قلت اعصابج مو لانها مخالفتني بالراي بس لان اسلوبها مبين .. وحبيبتي ترى كلنا نحب ديرتنا .. والله يسامح الجميع.. وصاجه التسرع وعدم الاستماع صفه موجوده وواضحه خاصه في المواضيع الجادة وبالحكم على الآخرين.. والله يعافيج 
عقربه لج الحرية ومحد جابرج واللي صوتو بالاستطلاع على العين والراس وحبهم لديرتتنا محد يشكك فيه.. الله يعافيج حبيبتي اي ما تبين تنزلين من قدر كاتبة الموضوع اذا مواضيعي عادتها من اللي ممكن تنزل اسم الكويت والكويتيات الارض!.. واذا انتي مو شايفه فايده للموضوع غيرج مستفيد والحلول انا ذكرتها بردودي وبانتظار اقتراحات البنات.. واذا انتي ودج تقدرين تنزلين موضوع عن الايجابيات.. شنو اللي شنو بيقولون عنا اللي من الدول الثانية؟ في كل مجتمع سلبيات ويمكن عندهم نفس هالسلبيات ويناقشونا ويمكن ما عندهم ويثرون مواضيعنا بتجاربهم وهذا هدف المنتديات واذا انتو ما تحبون تناقشون هالسلبيات غيركم يحب يعرفها ويدرسها ويعالجها.. ومو عيب ان نطرح العيوب ونعالجها
وجد مادري شكو غصب مدخلين سالفة حب الكويت اللي يفترض مواضيعه تكون بوطني الكويت بموضوع يمثل مشكله اجتماعية في قسم مختص بالقضايا الاجتماعية. ومو شرط كل موضوع يعجبكم ومحد ملزوم بموضوع ما يعجبه. والله المستعان
حبوبه هدي شوي, انا ما ذميت فيج, انا وحدة غيورة على الكويت و على سمعة بناتها, اكيد محد جابرني على التصويت بس في حرية رأي ولا انتي شرايج؟؟؟ مو معقولة انج لما سويتي الاستفتاء توقعتي ان الكل يوافق معاج,هذي الصفات ممكن تكون موجودة بالمجتمع بس ترا مو الكل يتمتع فيها فأنا على اي اساس اصوت؟؟؟ و على فكرة عشت سنين طويلة برا الكويت بدوله الامارات الشقيقة و طوال تلك الفترة ما سمعت اي بنت من بناتهم تكلموا بالشين عن بنات ديرتهم, و انا مشتركة بوايد منتديات مو كويتية ماكو من هذي المواضيع الي تنزل من قدر بناتها. الخير يخص و الشر يعم ولا انتي مو ملاحظة ان الكل يدور سلبيات الشعب الكويتي؟؟؟؟ ماكو شعب مطيح من حظ عمره كثر الكويتيين, ما اقوللج الكويتية مثالية بس هذي الصفات ما تعد ظاهرة ممكن اصنف فيها بنات الكويت, و عفوا لا تصنفيني على اني ما احب انافش هالسلبيات, انا ما عندي مانع اني اناقشها بس اكون شايفتها و مقتنعة فيها, مو اعممها على كل بنات الكويت من غير دليل, و شلون ما تبيني ادخل محبة الكويت بالموضوع؟؟ لما بنات الكويت يكونون نمامات و حسودات و زعولات و حقودات... هذا ما ينعكس عن الكويت؟؟؟
اسفه على الطوالة بس حبيت اني ادافع عن نفسي و عشان لا اكون منفهمة غلظ, و انا قلتلج من قبل انا لما رديت على موضوعج ما تزلت من قدرج, بس انتي الله يهداج فهمتيني غلط و حسبتيني اهاجمج, والله كله من غيرتي على بنات ديرتي, و لا الكويت ما تستحق اني ادافع عن بناتها؟؟
