عفوا حبيبتي دلع، دخلت افتش عالموضوع ما لقيته باول الصفحات، ورحت نمت. تصوري ليلة الموعد ما نمت الا ساعه بس.
المهم، بما انهم طلبو مني ادق 8 الصبح مشان يعلموني القسم اللي راح اسوي فيه السونار، وبما انه دكتورتي كانت بقسم الولادات، قالو لي اروح هنيك.
رحت حبيباتي وايدي عقلبي، دخلت وخلوني انطر شوي، جهزو سرير بغرفة كانت وحده عم تولد فيها، وبيني وبينها ستار، انا هون خلاص زاد خوفي، الدكتوره الحمد لله دمها شربات، وهدتني شوي، لبست لبس المجانين اللي اكره من كل قلبي وسوت سونار داخلي، وانا ايدي ضاغطه ع إيد زوجي.
لما حسيت انو خلاص الصوره مبينه عالشاشه، تشجعت ولفيت راسي مشان شوف، والمفاجاة....
شفت البيبي و قلبه عم ينبض.
طار قلبي، تاثرت لاني باجهاضاتي ابدا ولا مره سمعت نبضات جنيني.
الحمد لله كلشي تمام، وقالت انو ما في تجمع دموي بالرحم، لهيك يمكن الدم اللي انا شفته كان من توسع الرحم او انغراس الكيس.
خرجت ودموعي بتكر. شعور يا رب ما يحرم منو ولا وحده بالدنيا.
الحمد لله ما وقفت شكر لله، وطول الوقت وانتو عبالي والله صبايا. دخلت وكنت هلكانه، دورت عالموضوع مالقيته وغفيت.
شو راح قول بس، اشكر كل وحده باسمها، عن جد شعور مالو وصف لما يحس الواحد انو عنده اخوات عم يفكرو فيه ويدعموه بالكلمه الطيبه. قسما بالله الذي لا اله غيره اني احبكم في الله. الحمد لله الحمد لله الحمد لله.