الأجهاض

[شاربة بيبسي ومدلعة نفسي]

السلام عليكم ورحمه الله وبركاته

شلونكم شخباركم انا بدش الموضوع بسرعه بنات انا توني داشه الرابع بس سبحانه الله الله ماكتبلي وجهضت ورحت الهادي وقالي الدكتور انا الجنين ميت صارله 3 اسابيع بس الحمدلله الله يعوضني غيره انشالله وسويت تنضيفات والحمدلله مافيني الا العافيه بس بقيت اسأل الي صار حالتهم مثل حالتي هل ضروري اني انام على ظهري اسبوع كامل واني مااحمل الا بعد3 شهور ومتى يكون الجماع بالضبط بعد الأجهاض
بس انا قاعده اقول حق ريلي اني بحمل بسرعه ماانطر بعد 3 شهوووور احسه وااايد بس عفيه الي عندها خبره خل تقووولي او ادعولي بدعوه حلوه
وجزاكم الله خير:n2006107:


ا

 

[x.Lina.x]

اول شي الله يعوضج و حمدالله على سلامتج .. ثاني شي انا اجهضت 3 مرات .. وكلهم سويت تنظيفات بس كلهم كنت اتنفس و انام على ظهري اسبوع او اسبوعين لين الرحم يرتاح بعد العميله و يرد مكانه واخاف يدخلني هواا او برد .. وكنت مااجامع بصراحه الا بعد التنظيفات ب 25 يوم او شهر ولما طيحت بالرابع نفسج بعد ال 40 جامعت و كنت اسوي مناعه بالحمل الاول و الثاني مده شهرين بس اخر اجهاض لا رديت البيت و كان الجماع طبيعي بس الحمدالله من الله احمل بعد شهرين او 4 شهرو يعني مو بعد التنظيفات بسرعه ..

 

[Q.8.h.2]

ماعندي علم

والله يعوضج يارب

 

[noo7a]

الله يعوضج خير

انا رفيجتي اجهضت بالرابع ومشالله احملت بعدها بشهر على طول و وضعها عادي
وانا اجهضت بالاسبوع الخامس ولي الحين صارلي تقريبا ٩ اشهر وماكو شي

 

[دمثة]

1- لازم نفاس 40 يوم ليش عشان الرحم يتقوى وينظف

2- تريحين جسمج وهرموناتج لازم ترجع لطبيعتهااا ليش المرأة بالنفاس تصيبها كابه عشان الهرمونات ترجع لطبيعتهااا يعني على الاقل 4 شهور ريحي

3- الجماع بعد اربعين يوم واحسنلج احنا نقول لازم يقوى الرحم وينظف


4- لاتهملين نفسج اهتمي بالدورة ولا تلعبين بالادوية يعني اخذي نظام معروف واستخدمية


5- اهم شي اهم تريحين الرحم وجسمج عشان الهرمونات



الله يرزقج يارب عاجل بالحمل الثابت يارب

 

[ناتشوو]

رد : الأجهاض

انا اجهضت مرتين وحتى بنفاساتي ( اللي عقب ولادة )
مااعرف انام على ظهري
وتأجيل الحمال
ماجربته عادي كنت اخلص من الاجهاض وحياتي طبيعية مااتجنب الحمال
خاصة اذا اجهاض لجنين صغير يعني توه لا الرحم تأثر ولاثقل

 

[تبارك الرحمن]

رد : الأجهاض

حبيبتي رب يعوضج و يعوضني يارب ويعوض كل محروم انا اجهضت من 20 يوم بنص الشهر السادس
رب يعوض علي يارب اول مرة اسمع عن اني انام على ظهري عايشة حياتي طبيعية و الله
قالي الدكتور ان الرحم يرجع لمكانه بعد الولاده بعد 6 اسابيع
انا قلت ان شاء الله من انظف راح اعتسل و امارس حياتي طبيعية ماراح انطر ال 40 يوم ​

 

[(( الذهب ))]

الله يرزقج عن قريب وما تشوفين شر

 

[sweet fashion]

انتي اجهضتي بالرابع معناته ان جنين مكتمل في الحاله هذي لازززم لاززززم 40 يوم تتنفسين عدل وتاكلين ادويه وتدفين نفسج
ولازم بعد تريحين على الاقل 6 شهور بعد مو 3 شهور
ان جان تبين حمل يستمر لازم تريحين الرحم وتقوينه ولا ترا الحمل عقب الاجهاض على طول معرض للخطر وهذا كلام اغلب الدكاتره يقولونه الا في حالة ان الاجهاض بالشهر الاول او الثاني يعتبر صغير
والعوار يلحقه عوار ديري بالج
هي كلها 6 شهور تمر جنها يوم واحد وفي ال6 شهور هذا اهتمي بنفسج وقت الدوره واكلى فوليك اسيد مهم حق اللى تبي تحمل

والله يعوضج خير ان شاءالله

 

[bluegg]

الله يعوضج بس لازم تتنفسين عالاقل اسبوع ارتاحي على ظهرج بس عشان ترتفع ارحامج انا جذي يوم اجهضت وسويت تنظيفات خلال عشر ايام نظفت وغسلت وصليت ومارست حياتي عادي وبعدها بخمس اشهر حملت والحمدالله اكيد هذي خيرة لج يارب يفرح قلب وقلب تبارك بحمل قريب وخليها على الله لا تشتلين هم

 

[شاربة بيبسي ومدلعة نفسي]

مشكوووووووووووووووووووووووووووووورين على المرور وشكرا على النصايح