الأثنين // وقمة دول الخليج العربي ؟؟؟ هل ؟؟ أم ؟؟

[حلم الطفولة]

السلام عليكم
الأثنين القادم ان شالله راح تستضيف دولتنا الغاليه الكويت ملوك وأمراء وسلاطين ورؤساء دول الخليج العربي

الوزاره احتمال - حسب اللي مكتوب بجريدة الوطن في نسخة يوم غد - إن الوزاره ماراح تعطل المدارس ..
مثل ماشفتو الشوارع زحمه ,, بالذات اللي مدارسهم بالسالميه وحولي ,, أو اللي مدارسهم مو بمنطقتهم السكنيه .. أكيد راح يكون هناك ازدحام شديد والله أعلم ..

سؤال الاستبيان : هل عندج نية تغيبين عيالج الأثنين القادم ؟؟

 

[الصابرة المحتسبة]

يروحون المدرسة عادي بس اذا وصل قرار الوزارة هذا شي ثاني
يعطيج العافية يامشرفتنا

 

[النهج الاسمى]

لا

لان عيالي بالمنطقه العاشره0000موصوبنا

 

[Miss_Tiger79]

لا ماراح اغيبهم
بس اذا قرار من الوزاره شنسوي بعد باخذ اجازة واقعد معاهم

 

[بدوية اصيلة]

يعطيج العافية مشرفتنا تم التصويت انا بناتى بالمنطقة العاشرة بيرحون عادى

 

[حلم الطفولة]

الله يعافيكم شاكره مشاركتكم ياعسلات

آنا ماراح أغيبهم ,, الله يحفظهم بحفظه يروحون وإذا أكو شوي زحمه .. أخليهم يكملون نومتهم بالسياره شوي .. !
أما إذا صار في تغيير بالقرار الوزاري .. فهذا مو بالإيد .. العطله بتكون رسميه .

 

[كويتية صغيرة]

انا راح اودي عيالي

لان المدرسة يم بيتنا
و داخل المنطقة

لا اشارات ولاشي
الحمدلله خطرة الشارع بس
:dddds:

فماكو عذر انهم يغيبون

الا اذا طلع قرار رسمي انه عطلة هذا شي ثاني

اتوقع: فقط المدارس القريبة من المؤتمر او القريبة من المطار اهي اللي راح تعطل فقط

 

[Dorur]

انا راح اغيبهم يوم الاثنين والثلاثاء لان مدارسهم بحيطان يعني يم المطار!
واحنا بمطنقة ثانية
يعني بتحوشنا زحمة محترمة الظهر فمالالالالالا داعي خلهم بالبيت احسننننن

 

[سفيرة العشق]

انا شكلي بغيبهم لأن مدارسهم بالسالمية
وانا بمشرف فأكيد أكيد بتحوشني ززززحمة

 

[قلبي ابيض]

الادارة قالت لهم لا تيوون

 

[*ماي الورد*]

الادارة قالت لهم لا تيوون

وناسة اي منطقة

 

[مي الحلوة]

لا ما راح اغيبهم احنا بعيد عن الزحمه

 

[malekatsabaa]

الاحتمال الاكبر اني اغيبهم
لان الزحمه الي حاشتني ذاك اليوم عجيييبه ...

 

[um hamed]

ما اعتقد اغيبهم الا اذا قرار وزاري

 

[حلم الطفولة]

فعلا .. الغالبيه ماراح يغيبون عيالهم إلا إذا صار فيه قرار وزاري ..

خواتي آنا ضد غياب الطالب بدون عذر ,, وماني ناويه أغيبهم الاثنين .. بس ذكرتني ملكة سبأ يوم قريت الرد بالزحمة اللي حاشتنا ذاك اليوم ..
بعد قلبي البنات ماوصولو البيت إلا الساعه 4 العصر !!

آنا اللي أحاتيها بنتي اللي بأولى روضه .. يخلصون 12:30 أحاتيها لا تصك عليها الزحمه ويطول الطريج من ربع ساعه إلى أربع ساعات

 

[حضاره]

صباح الخير00

انا بوديهم يداومون 00بس شكلي باخذهم قبل نهاية الدوام00لان مالي خلق الزحمه00تضيق خلقي00ومومنطقي نقعد بسيارتنا بالشارع

اربع ساعات 00

 

[Fouz]

بوديها ان شاءالله ، مشكورة على الاستطلاع

 

[شيــوخه]

راح يروحون


جزاج الله خير

 

[عهود الحب]

راح يداومون

احنا في قلب الزحمة بس الشكوى لله
اهم شي المنهج مايتعطل والامور سهالات باذن الله

 

[فوفو00]

بنات انا سمعت ان الاثنين راح يكون التسكير من 11 صباحا حتي 1:30 يعني اللي دوام اعيالها بهالفتره صعبه بس لان احنا دوامنا ماراح نتاثر يعني عادي بس يوم المغادره صعب جدا وراح يصير نفس الاسبوع اللي طاف لان التسكير من 11 ص الى 4 عصر واعتقد الحكومه ماراح تعطي اجازة لان حددوا الشوارع