الأبله ظالمتني بشغله شالحل ؟

[VET-Nour]

سلام ​

أبلة الاسلاميه ظلمتني بشغلههُ
,
امس [ الثلاثا ]
الابله قالت سمعي الاحاديث و الايات الي عليج ,
سالت الابله عنهم و قالت [ حديثين و ثلاث آيآت ]
سمّعت حق الابله الحديثين و قلت حقها
[ انا مسمعه آيتين و بقآ وحده بس ]
قالت لا تجذبين انتي مو مسمعه ولا وحده
قلتلها
[ يعني انا كنت اجي عندج شسوي ؟ اسولف ؟ ولا شنو ؟ ]
قالت مالي شغل , انا دفتر الدرجات عندي مو مسمعه ولا آيه !
- حسبي الله عليج جانج مو حاطتلي درجه تسميع الايات -
وريتها كتاب القران
قلتلها
[ الايه الاولى سمعتها لج قلتي ردي سمعيها , و الايه الثانيه سمعتها و الايه الثالثه امس مسمعتها ]
قالت مداج تجذبين ! اذا ما سمعتي بحطلج صفر !
- انا اهني صج شوي و ابجي والله حفظت و سمّعت و تجي هاللي ماتتسمى و تقولي مو مسمعه ! -
قلتلها [ ابله اسالي البنات قوليلهم انا سمّعت ولا لا ؟ ]
قالتلي انا مو غبيه لهالدرجه عشان انسى ومااعرف شنو مسمعه ولا مو مسمعه
قلتلها [ ابله انتي تدرسين اكثر من 10 طالبات و صفنا فيه غيري نفس اسمي مو بس انا , لو سمحتي ابله لا تجذبيني انا سمّعت و مو كل مره الابله تكون علا حق , ابله اهي آيه وحده الي بسمّعها غيرها عندج الوكيله قوليلها انج ماتحطين درجات بذمه و ضمير و شوفي شتقولج و ادري انها بتوقف معاج عشانج ابله و انا طالبه ]
قالتلي صج ؟ انا اعلمج , صفر و انا ماني مجبوره اسمعلج
قلتلها [ اي ابله مو مجبوره لانج مسمعتلي , عمومآ آنا بسمع الايه الاولى و بعد انا مو مجبوره اسمعلج لاني مااتحمل اغلاط غيري ]
قالتلي و تردين علي بعد ؟ روحي مكانج يالله ​

قالتها بعصبيه و اصراخ ، ادري انها تدري انه اهيا غلطانه و ظلمتني
و بعدين ليش ماارد عليها ؟ انا رديت عليها بأحترآم مو بقلة ادب و اصراخ والله لو وحده ثانيه جان مسسخرتها ، و شنو اهيا ملاك ولا امي ولا ابوي عشان ماارد عليهآ ؟
اسكت عن حقي مثلآلآ ؟ ​

الحين اشلون أفهمهآ ؟
شالحل مع هالابله ؟ ظلمتني
والله اذا نقصت بالشهاده ع الايات الي تقول عنها مو مسمعتها و انا مسمعتها و ربي بقول حق الوكيله ! شنو تظلم علا كيفهآ ؟ الدنيا مو فووضئ
-​

بدامكم ابلات اكيد تعرفون اشلون اقنعها اني مسمعه ؟
اكلم الوكيله و لاا اشلون ؟
plz help ​

 

[أم كادي]

شوفي يا حبوبة روحيلها باجر ما عليه قوليلها ابلة انا اسفة اذا ضايقتج امس بس جد مسمعتهم بس حاضر ولا يهمج برد اعيدهم وسامحيني عادي حبوبة مهما كان اهي ابلتج وانتي اوردي حافظه

 

[PuPa^^SWeeT]

حتى لو الابلة نست مو اتروحين اتقوليلها بيني و بينج الوكييلة و مادري

وانتي ماتحطين الدرجات بذمة و ضميير
؟؟؟؟؟؟؟


شهالكلام و اتقولين ماقلتيلها شي ؟؟؟؟؟


بعد انتي بتسمعيين قران و هذي ردوودج ياقلبي مايصير وادري من حرتج بس همن داامج شفتي الوضع جذي


قوليلها ابلة اكلمج شوي برة و بسس ليش جدام البنات هالرد ؟؟؟؟


مهما يكوون الابلة لها احترامها لو نست تبقى اكبر منج و

وفعلا عندها اكثر من 20 بننت لو نست مو جريمة ؟؟؟؟؟؟؟؟


جان هدييتي بالج و مسكتي اعصابج

ادري انج صغييرة و هالموقف ينرفززز بس همن مو حلوة


باجر روحي لها قوليلها انا بسمعهم كلهم بس ربي شاهد اني سمعت و انا مو قصدي اضايقج بس خفت على درجتي

والابلة لازم تعطييج درجة تسمييع ياقلبي


وشي بينج و بين الابلة خليه بعييد عن الادارة

مو لأنه الادارة وياج ولا وياها بس لأنه في شغلات صغييرة لو كبرت اتصير شرخ كبير بينج و بين الابلة

 

[Miss Cherry]

وشنو المشكلة اذا سمعتي السورة ثاني مره .. هذا قرآن كل حرف فيه أجر مستخسره الاجر

ويا حلو مدرستج بس متحمله وساكته ولا طالبه تقولي حطي درجات بذمة وضمير ماخليها بصفي دقيقة وحدة

حبيبتي المدرسه لها احترام ومابينها وبينج شي عشان تظلمج ولا ودها انها تحط لج صفر بس اذا انتي حافظه صج ليش ما تسمعين حتى لو انج مسمعه ثاني مره شنو المشكلة

 

[لياليـ]

صج انج غلطانه ليمن قلتي لها جذي بس ماينفع اعاتبج الحين اللي راح مات
روحي لها باجر و اعتذري لها او انتي حافظه يعني ليش اتسوين معاها نقاش او سمعي لها والباب اللي آيك منه الريح سده واستريح لانه ماينفع العناد او سوي اللي قلته عليج ولا راح اتنقصج بالسلوك او تسميع او تاخذ عنج فكره
اتقبلي مروري*

 

[VET-Nour]

الابله اصلا تعاملها اصراخ بصراخ .. شنو اقولها يعني ؟
و انا ماقلتلها هالكلام جدام البنات ... لانه البنات كلهم كانو قاعدين بعيد مو عند الابله
و اهي اصلا ما تحط درجات زينه حق البنات الي يشاركون ,
يعني لو شنو اقولها ما تحط , و أكثر من مره البنات رايحين عند الوكيله يشتكون من هالابله
و لما الوكيله تكلمها تحط الدرجات زينه
و كلا تظلم
و انا قلتلها هالكلام كله بهدوء و بصوت ما ينسمع عشان البنات ما يسمعوني بسس
و اهي كانت تصاارخ و فشلتني جدام البنات طلعتني جذابه !
و أكثر من مره موقفتني لاسباب سخييفه , منها [ عدلت الطاوله و ما قلت حقها ]
يعني هذا سبب توقفني عشانه ؟؟
عقب العيد بروح اتأسف لها و اقولها اني مسمعه بسس حتا لو ماابي اطلع جذابه عندههًآ
وانا مابي اتحمل غلطتها , خل تحط درجات بذمه
يعني انا اسمّع عشان تحطلي درجات تقولي ما سمعتي !
و ترى انا سمعت بنفس اليوم , و تقول ما سمعتي ؟
و اشمعنى انا الي ماحطتلي درجات و حطت حق البنات ؟
وانا اساسا ما ازعجها او ارد عليها بقلة ادب عشان اشياء سخيفه
انا محترمتها بس لما قالتلي اني مو مسمعه ولا آيه , ما قدرت اتحمل و رديت عليها بس بأدب ما صرخت .. اهي الي صارخت
عشانها ابله و انا طالبه و تقدر تنقصني .. تقوم تصرخ و تجذبني و تحطلي صفر ؟
مو بكييفها مثل مااهيا عندها السان تررد علي ,, هم انا لي السان و ارد عليها بس بأدب و بدون اصراخ و بحق مو بدون حق صحح ؟
عمومآآ انا بروح اتاسفلها , بس اذا حاطتلي صفر بروح اكلم الوكيله ماراح اسكت عن حقي
ماكو غير هالحل؟

 

[توتا الكتكوته]

دزي امج لها وماكو الا العافيه هالمدرسات قليلات السنع ويييع اكرههم

ذكرتيني بايام المدرسه يوم يغارون مني هههه

لي درجة مره تبي تنادي طالبه بقسم الادبي نادتها باسمها وهي بصف صديقتي


قالت لي شكلها حاطه عليج لان انا علمي لووول

يعني تتحلم فيني مخها مبرمج على اسمي اعوذ بالله من المدرسات


كنت اتعمد ابهذل نفسي والبس طويل والم شعري علشان افتك من غيرتهم وحسدهم

الجياكر عيااااايز وييع

 

[الصـوت الجريـح]

سؤال يطرح نفسه , لو أنج صج مسمعه وحافظه لما قالت لج سمعي من جديد ليش ما سمعتي ؟
لو حافظة ما راح يكون عندج إشكال تسمعين مرة ثانية موو ؟
وترى العناد مو زين , مو حاطته لج الدرجة سمعي مرة ثانية وبس وكان الله وبارك


​

 

[G!RLooNa]

حتى لو مسمعه و الابله نست كلهم ٣ ايات مو ٣ اجزاء شدعوا عيزانه تردين تسمعينهم!

 

[المـــــها]

غريبه شلون مو حاطتلج درجة؟؟
ع العموم ترى كلامج غلط اكبر منج مهما كان هاذي ابلتج
و بعدين هي قفلت و انتي اذا بتثبتين لها سمعي مرة ثانية دامج حافظة

 

[catt]

ابببببببببببب

 

[Freakya]

لانكم أبلات تدافعون عن الابلة صــــح ؟؟ ههههههه

ما عليه اهيا البنت انفعلت لو انا مكانها والله صج ما ارضى خو درجات مو لعب

تبون الصج ابلات الاسلامية اختربو مو مثل أول

مو الكل..بس الأغلبية

 

[G!RLooNa]

انا مو ابله

 

[حظ من عنده انا]

جان سمعتي مره ثانيه

وانتهت السسالفه


حييل كبرتيها انتي الله يهداج

 

[ya al3rosa]

صارت فينى مرة لمن كنت بالمتوسط ورديت سمعت
بس شتسوين هذى درجااتج سووى نفسج برىية باول سنة واخر سنة لعنى خير خيرررهاااااااااا​