الأبله تصرفها مع بنتي (تم التعديل من قبل الاشراف)

[om al ghaleen]

واااي قهررررررررر


ماارتاح الا لمن يعطونها فصل

شنو وين قاعدين اصلا ممنوع الطق ولاملقت تصرف ثاني غير شعرها


حسبي الله ونعم الوكيل

 

[دمعة يراع]

طوفي حبيبتي

مدام الابله اعتذرت .. ان شاءالله ماتتكرر

ياما شفنا من المدارس .. بس الواحد شيقول .. عيالنا عندهم ونخاف عليهم ..

 

[أمانيQ8]

ام الغالين ماقصرتي حبيبة قلبي عالمرور بس اي فصل واي بطيخ اذا الناظره ماقالت لها الا قضبي اعصابج مره ثانيه...!

 

[أمانيQ8]

وهج الكويت والله طوفنا لو واحد ثاني غير زوجي جان وصلها المخفر بس مابغى وتبين الصج لو علي انا ترا ما ابردت جبدي لان ماشفتي اشلون صار مكان الشعر فرراااااغ فاضي شي مايعور القلب؟؟؟!

 

[كويتية أصيله]

حسبي الله ونعم الوكيل ..........آنا ما عرفج ولا عرف بنتج بس قريت القصة قمت أبجي الله يساعدج .......بس زين إنج مارحتيلها ..................خلي بلسانج على طول حسبي الله ونعم الوكيل هو نعم المولي ونعم النصير.....

 

[أمانيQ8]

كويتيه اصليه بعدعمري انتي يالغاليه ... الله كريم قادر ياخذ الحق

 

[manarah]

صج موقف يحر حسبي الله ونعم الوكيل انا لو يمكانج جان فعلا رحت مجعت الابله

 

[اسرار الغلا]

الله يعينج ياقلبي

صج احنا نودي عيالنا المدارس ماندري شيصير فيهم نبيهم يتعلمون يردون لنا مصابين يا من المدرسات يا من البنات

الحمدلله على كل حال

وماتشوف شر بنتج

 

[عسولة الكويت]

يامال ايدينها للكسر ان شاء الله
لوانا مكانج والله ادش عليها بالمدرسه وابهذلها وأدوس ببطنها الزلمه صج من أمن العقوبه أساء الأدب وبعدين بنتج كبيره موصغيره تقولين ماتسمع الكلام والا تشيطنت
آخ بس لو أمسكها والله أخنقها الخايسه

 

[أمانيQ8]

مناره شكرا حبي على المرور والله الموقف مو يحر الا يحمس الجبد حماس!!
حسبي الله عليهم بس

 

[أمانيQ8]

اسرار الغلا ..صاجه نوديهم ولا ندري شيسوون فيهم عاد ...مدرسة بنتي عادي كل شي عندهم العام اقولج وحده من المدرسات بااااطه راس بنيه امسيحه دمها الله يعافيج عطوها لفت نظر!!

 

[أمانيQ8]

عسولة الكويت ... ودي والله امجع راسها بس ماعليه وين بتروح من الله يعني اهي مدرسه معلمه فاضله اليهال عهده وامانه عندها بس هذا حال مدارسنا كلمالها للأسوء ولا حسيب ولا رقيب

 

[<< أزيان >>]

حسبي الله ونعم الوكيل لوانا مكانك شان على طول المستشفى ورقت فحص وطيران عالمخفر ارفع قضيه عشان تسود ملفها مثل سواد قلبها انا صارت فيني وانا صغيره طبعا انا ام الحين ابلة الموسيقى اسحبتني من اذوني عشان قلت مابي اعزف الموسيقى حرام عاد انا دلوعه والله بعد عمري امي بس قلت لها وطير ثاني يوم للناظره نادت الابله ونادتني كنت بثالثه ابتدائي والله ماانسى اسحبت اذونها جدامي شان تقول ماما شذي اسحبت اذونك قلت اي شان تقلولها امي اياني وياك اشوفك ماده ايدك على بنتي من عقبها والابله تموت فيني وتخليني على كيف كيفي ترا هذيل موكفو تسكتين عنهم خاصه الاجانب

 

[Pinky Dream]

الله يعينج صج سالفه تقهر بس ماالوم الابله لانها تشوف الهوايل بالمدرسه وتتاذي حيل ونفسيتها تتعب من التدريس والطالبات والناظرات الللي مايقدرون ويحبطون فيها
ويمكن الابله بغت تسحبها خفيف بس انفعلت وتوترت مع ازعاج البنات
وشنو سالفة التلفون ؟؟ واذا كلمت الابله بالتلفون؟؟ ممنوع يعني؟ الله يعين الابلات بس تبونهم ملائكه ... حطوا نفسكم مكانهم وبتحسون صج اذا عيالنا مانتحملهم شلون عيال الناس

 

[أمانيQ8]

فري سويت ...والله شقول . صار الي صار والله يعين

ادري مانسيتي ولا بتنسين اصلا

 

[أمانيQ8]

بنكي دريم ...كلامج قمه بالتناقض اول شي قلتي الله يعينج وسالفه تقهر !! عقب قلبتي وصرتي بصف الأبله اللي تطق وتقولين ماينلامون الأبلات... الظاهر اختي بنكي ماعندج عيال انطقوا من مدرسات اذا جربتي وامجعوا بنتج مابتقولين هالكلام...

وبعدين على التيلفون تقول لين وشنو يعني ممنوع ؟؟؟ اي طبعا ممنوع تستخدمه داخل الصف !! اذا تبي تروح تستخدمه بره المدرسه

وتقولين حطوا نفسكم مكان الابله بتحسون وان مانتحمل اعيالنا اشلون نتحمل اعيال الناس؟؟؟
انا اقول اذا اهي مافيها شده على التحمل تقعد بيتها...
واشوا انج مو ابله جان نتفتي اليهال يا بنكي ويمكن انتي ابله وتتعاملين بشد الشعور!!

 

[هوى الدار]

عسى ايدها للكسر

حسبي الله ونعم الوكيل

 

[&اخت خالد&]

حسبي الله عليها والله حرتني السالفه

 

[بنت الوفا]

والله قهر

هذى المفروضوا تشتكون عليها من التعلميه

والنااظره موجيده اللى علينا

حسبي الله عليهم

 

[bint_looda]

جان مارتاح قبل لاتنفصل .. البنت سواء غلطانه ولا مو غلطانه كلشي بطريقتها غلط بغلط وين قاعدين تمجع شعر البنيه !!!! لاحول ولا قوه الا بالله .... انا لله وانا اليه راجعون