الأبله اللي تداوم على شهر 2 أو 3 يعطونها معاش العطله كامل ؟

[lolo1]

مرحبا يا كويتيات يا حلوات ؟

بغيت اسألكم الأبله اللي تداوم شهر 2 أو 3 يعني على آخر شهور الدوام يعطوونها معاش العطله كامل ولا نصه ولا شكثر

اللي تعرف لا تبخل علينا بالرد

و مشكوورين

 

[(كويتيه عسل)]

لأ مايعطونج كامل

انا العام تعينت كورس ثاني معاش العطله ماعطوني كامل

لو كنت متعينه الكورس الاول وفي اول شهر9 لعطوني معاش العطله كامل

 

[lolo1]

كويتيه عسل انتي أي شهر تعينتي ؟

و جم نزلج حق العطله ؟

 

[قـہۈه فـرنسيـہ™]

ليش ...عسى مااااااااشر...شكو ماله شغل ..ينزل كاااامل...بس على حسب ..اذا أوراقج حقت الراتب خلصتيها بسرعه ..ينزل
اختي تعينت شهر 3 بس ما خلت المراسل أو المدرسه يخلصون أوراق الراتب..لأ خذاااها زوجها وخلصها من المنطقه التعليميه + الوزاره....ونزل لها بشهر 3 نص معاش عدد الأيام اللي دااااومتهم ,,,
شلج بعوااااار الراس والله اذا وكلتي أمرج للمدرسه بتجي العطله ومانزل لج شي

 

[doooora]

ما تنزل معاشات الصيف كاملة ،،،، سواء تعيين فصل ثاني أو اجازة خاصة أو أمومة أو خصم خلال العام الدراسي تنزل المعاشات ناقصة ،،،

 

[قوطي نيدو]

انا ما أعرف

بس البنات انشالله ما يقصرون

 

[غدووره]

ينزلج كاااااااااامل وديربالكم يابنات ترى وزارة التربية يبوقوووون الماليه معاشاتنا انا اول ماتعينت بايقيني300 دينار وقلت لهم عنها وطلع صح ناقص من معاشي وعطونياها عقب

 

[mo3lema2007]

انا تعينت بدايه الكورس الثاني ونزلت معاشات الصيف كامله بس صديقاتي داوموا بشهر 3 مانزل لهم كامل
وان شالله اكون فدتج

 

[lolo1]

تسلموون على الردوود =)

 

[ضحـاوي]

ما تنزل معاشات الصيف كاملة ،،،، سواء تعيين فصل ثاني أو اجازة خاصة أو أمومة أو خصم خلال العام الدراسي تنزل المعاشات ناقصة ،،،

الي اعرفه الامومه والاجازه الخاصه والخصم بس اهو الي ينقص

 

[ام عيالها الغاليين]

حبيبتي أنا الحين صار لي 14 سنه أشتغل وتوظفت بشهر 2 وعطوني معاشي كامل ماله شغل

 

[زري منثور]

طيب احنا الخليجيات كيف؟؟

لنا معاش بالعطله والا لا

وينزل كامل ؟؟

دوامي ع بداية الكورس الثاني

يعني من 15/2 الدوام

 

[Eva-SS]

شلون جذي نازلكم كامل

انا تعييني كان بنص الكورس الثاني و خصموا مني بحدود الألف من معاشات الصيف ويوم رحت راجعتهم قالوا لي انه معاشات الصيف حق من حقوق الموظف إذا داوم السنة كاملة فاللي ماخذ اجازة او تعيينه بنص السنة الدراسية ينخصم منه ولهم حسبة بالخصم مادري شلون

 

[حبيبت^زوجها]

حياتي انا تعينت 2-3-2008 وعطوني المعاش كامل لا تحاتين

 

[hotchocolatee]

حياتي انا تعينت 31-3 يعني على اخر السنه وحذيت معاش العطله كااااااامل ... عليج بالعافيه